Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Resultados da búsqueda
Buscando'bacharelato'
Día das Letras Galegas de 2017 e 2018

Co atraso que levo acumulado nas miñas lecturas, aínda foi nestes días cando puiden ler unhas sinxelas obras que pubiicou a Voz de Galicia sobre Carlos Casares e María Victoria Moreno, os homenaxeados das Letras Galegas dos dous anos anteriores.

Pode que os esteades preguntando "e cando lerás o que haxa de Antonio Fraguas, o homenaxeado de 2019?". Pois non o sei, espero ir recortando esa marxe de atraso. O que si digo é que na última semana, por varias vías, chegoume lectura sobre ese persoeiro para 3-4 horas, como mínimo. E ten moi boa pinta. Espero que sexa antes de que acabe o ano.

Non teño nada especial que contar deses dous persoeiros. Sobre todo de Carlos Casares, do que xa falei algo nos últimos tempos, por algunha lectura de artigos, e porque tivo unha biografía algo máis previsible, como profesor, escritor, editor, presidente do Consello da Cultura Galega, activista cultural, etc. Ademais, estaba case no apoxeo da súa celebridade, cando morreu sorpresivamente en marzo de 2002. Lembro que morreu un sábado de madrugada (ou domingo, algo así) e na Voz de Galicia saíu publicada a súa columna de todos os días, que mandara en tempo e forma o día anterior. E que esa columna saíu en branco ao día seguinte, como homenaxe. Seguramente o punto máis exótico da súa biografía é terse casado con Kristina Berg, unha muller sueca á que coñeceu de casualidade nun tren.

A biografía de María Victoria Moreno, aparte de menos coñecida, é bastante máis estraña, aínda que o ano pasado xa se falou bastante dela. Nos seus primeiros anos viviu entre Estremadura e Segovia, dentro dunha familia que vivía moi a gusto no réxime franquista. Despois estudou o Bacharelato en Barcelona, onde comezou a escribir en catalán e francés, e fixo a carreira universitaria en Madrid, admirando moito aos seus profesores Rafael Lapesa e Dámaso Alonso.

Despois casa con José Luís Llácer, cego, con quen estudiara a carreira en Madrid, e a quen acompaña a Pontevedra, porque é nomeado director do colexio da ONCE nesa cidade. Prepara as oposicións de Lengua Española e Literatura, saca boa nota, e escolle praza en Lugo, onde coincide dando clase no instituto onde estaba Xesús Alonso Montero. Aí entra en contacto co galego, namórase do idioma, e decide dedicar a súa vida a coñecelo, difundilo e escribilo. Dous anos despois marcha de novo como profesora para Pontevedra e outras vilas do Salnés, onde vivirá durante o resto da súa vida.

José Luís Llácer morre a mediados dos 90, e pouco despois, detéctanlle un cancro de mama, que lle debilitará e amargará practicamente a última década da súa vida. Nos últimos anos coñece a Pedro Ferriol, con quen casa, aínda que teñen poucos anos de convivencia e alegría, porque o cancro está xa moi avanzado.

Parece que deixou unha gran pegada no seu alumnado e en todas as persoas que a coñeceron. E as súas obras de tipo infantil e xuvenil teñen moito éxito, incluso agora. As dúas máis coñecidas son "Leonardo e os fontaneiros" (a que máis lle gustaba a ela) e "Anagnórise" (a máis famosa e que analicei 2-3 artigos máis abaixo deste).

Saúdos.




Comentarios (0) - Categoría: Xeral - Publicado o 20-05-2019 18:06
# Ligazón permanente a este artigo
Revolucións e Utopías, con Carme Adán
A cuarta charla do ciclo sobre a Revolución Rusa que está tendo lugar na Agrupación Cultural Alexandre Bóveda tivo lugar o outro día, co título de "Revolucións e Utopías", a cargo de Carme Adán.

Nunca a escoitara falar en directo, que eu lembre, e ten certo prestixio pola súa traxectoria política, e como profesora de filosofía en Vigo que liderou hai pouco a plataforma "Filosofía SI", para pedir que non se reduza a presenza desa materia no Bacharelato.

Teoricamente, ela ía tratar tamén a presenza da muller e do feminismo na Revolución Rusa, aínda que colateralmente iso tamén o fixera Teresa Moure na primeira charla deste ciclo. E fíxoo, mencionando a dúas clásicas do movemento, Alexandra Kollontai e Rosa Luxemburgo.

Pero a verdade é que, estando ben a charla, tampouco me entusiasmou excesivamente. Agardaba de Carmen unha oratoria máis fluída e convincente, pero non a atopei tanto como eu esperaba, se cadra puxera as expectativas moi altas, quen sabe.

A idea forza que ela pretendía presentar como máis novidosa, pola que incluso lle preguntou alguén (de feito, un rapaz moi novo que asistiu á ateigada sala, de novo), e que tampouco desenvolveu moito máis, era que había que buscar a forma de que a Re-produción lle ganara a partida á Produción, é dicir, que as sociedades se preocuparan máis dos coidados e das relacións sociais en vez da produtividade empresarial. Ideas que moitos compartimos, pero que estaría ben que se plasmara nalgo máis tanxible que unha idea.

Saúdos.
Comentarios (0) - Categoría: Xeral - Publicado o 04-11-2017 21:48
# Ligazón permanente a este artigo
O rapaz da última ringleira
O outro día fomos de novo ao Teatro Rosalía da Coruña para ver unha nova obra do ciclo. Neste caso tocaba "O rapaz da última ringleira", cuxo autor é Juan Mayorga.

Teño que recoñecer que o principal reclamo que tiña para min esta obra era o autor, Juan Mayorga. Nos últimos anos teño visto varias obras deste autor, e aínda que algunha non me gustou, en xeral gustáronme moito, así que decidinme a ir.

A min non me desagradou, pero parece que eu debín ser un dos que saín máis contento do teatro. A unhas cantas persoas que sei que foron á obra, parece que en xeral non lle gustou demasiado, ou nada.

A trama trata dun profesor de Lengua de Bacharelato, que está decepcionado porque os seus alumnos redactan fatal. Pero un día descubre que un dos seus alumnos escribe bastante ben, e ademais conta unha historia que semella algo incrible que involucra a outro compañeiro de clase e á súa familia. Aos poucos, vaille entregando máis escritos que continúan a estraña historia, e vaise obsesionando con ese alumno.

Polo visto, no 2012 fíxose unha película en Francia baseada nesta obra, pero recoñezo que non a vin. Por certo, no vídeo que poño aí creo que está a obra completa, cando se representou na sala da compañía Cuarta Pared.

Saúdos.


Comentarios (0) - Categoría: Xeral - Publicado o 25-11-2013 00:09
# Ligazón permanente a este artigo
Unha graduación máis de Bacharelato: Men in Black
Como todos os anos, eu e máis un ex-alumno fixemos un esperamos-que-simpático video para a festa de despedida (vulgarmente Graduación) dos alumnos de 2º de Bacharelato.

Como se cadra alguén lembrará, todos os anos collemos algunha película famosa e facemos unha dobraxe onde dicimos unhas cantas tonterías con toda a boa fe.

Este ano tocaba Men in Black, que se adapta ben a algunhas características dos dobradores. Esperamos que vos guste.

Saúdos. Can de Palleiro Productions.

Comentarios (0) - Categoría: Xeral - Publicado o 19-05-2010 15:31
# Ligazón permanente a este artigo
Este ano tocaba dobrar Indiana Jones
Como todos os anos, fixemos un vídeo para a cerimonia de despedida dos alumnos de 2º Bacharelato do centro onde traballo.

E entre todo o que se proxectou, sempre metemos escenas dobradas dalgunha película famosa. Este ano era a quenda de Indiana Jones, e eliximos o tema do SuperDepor para que todo o mundo puidera seguir e entender os diálogos mínimamente.

Agardo que pasedes un bo rato. Saúdos.

Comentarios (0) - Categoría: Xeral - Publicado o 10-07-2009 12:11
# Ligazón permanente a este artigo
Festas da Lingua

Últimamente participei ou asistín a varios eventos chamados Festa da Lingua.

No primeiro deles, organizado polos equipos de normalización lingüística dos colexios relixiosos, boto unha man na súa celebración, e este ano foi a entrega de galardóns da V Edición do Premio Literario Frei Martín Sarmiento, que xa comeza a coller certo nome.

Os ganadores foron:
PRIMEIRA CATEGORÍA (1º e 2º de primaria)
RIVADULLA CORCÓN O sorriso de Claudia. Sotelo Blanco
SEGUNDA CATEGORÍA (3º a 5º de primaria)
CASALDERREY, Fina. A lagoa das nenas mudas.Xerais
TERCEIRA CATEGORÍA (6º a 2º de ESO)
CASTRO, Francisco. O ceo dos afogados. Xerais
CUARTA CATEGORÍA (3º de ESO a Bacharelato)
FERNÁNDEZ PAZ, AGUSTÍN.O único que queda é o amor. Xerais

A entrega destes foi en Vilagarcía o 30 de abril.
Na quinta categoría, para lectores adultos, ganou Marina Mayoral con "Case perfecto" e entregouse nos Salesianos de Ourense o 29 de maio.

A mediados de maio asistín na Coruña a outra gala que tamén recibe o mesmo nome dende o ano pasado, é organizada polo Concello pero non se parece en nada á anterior. Consta normalmente dunha actuación de humor e dunha musical. Neste caso foron José Touriñán (unha das pandereteiras de Ardebullo, non sei se é Mucha ou Nucha) e despois o grupo Malvela.

Que o galego siga sendo unha festa. Saúdos.
Comentarios (2) - Categoría: Os Devotos de Santa Clara - Publicado o 08-07-2009 18:35
# Ligazón permanente a este artigo
MatrixVox
Un ano máis, na cerimonia de graduación dos alumnos de 2º de Bacharelato do colexio onde traballo, un alumno que controla moito de Informática e máis eu fixemos un video onde pretendemos deixar un bo recordo para as familias.

Non se pendurou todo o video en Youtube, pero si as partes referentes a escenas dobradas dalgunha película famosa. Os anos anteriores foron StarWars e O Señor dos Aneis. Este ano tocoulle a Matrix.

Aspectos que aclarar para os que non vivades ou traballedes naquel entorno:
- Alí hai un sistema telemático de información ás familias chamado MentorVox. De aí que o nome da "nosa" película se convertera en MatrixVox.
- O recreo está limitado polo muro dunha fábrica de madeiras chamada Peteiro.
- Os alumnos aos que ía dedicado o video estiveron de excursión en Jaca este ano.

Penso que sabendo estes detalles xa se pode comprender totalmente os diálogos, aínda que sempre podo esquecer algunha cousiña.

Por último, dicir que aínda falta por engadirlle unha escena máis que tiñamos dobrada e que de momento só vimos nós os dous. Espero que axiña vos poña o enlace á versión completa.

Saúdos.

Comentarios (0) - Categoría: Xeral - Publicado o 10-07-2008 15:49
# Ligazón permanente a este artigo
O Señor dos Aneis
Un ano máis, a finais do curso anterior celebramos a festa de despedida dos alumnos de 2º de Bacharelato do noso centro, que marchaban para a Universidade.

E dende hai varios anos varios profesores e alumnos pasamos uns bos ratos dobrando ao galego e dándolle tinte local a algunhas escenas de películas famosas.

O ano anterior fora "Star Wars" e este ano tocáballe a "O Señor dos Aneis". O ano que vén toca... ai, carallo, que non o podo dicir!!!!!!!

Claves locais para que todo o mundo poida entender do que se fala:
- Peteiron: Ao carón do noso colexio hai unha fábrica chamada "Maderas Peteiro". A moita xente non lle gusta que haxa unha madeireira a carón dun colexio, aínda que levan xuntos toda a vida e nunca pasou nada. Hai tempo (agora non tanto) os que querían fumar pegábanse aos muros que nos separan desa fábrica e ocultos na vexetación. Agora, como non hai vexetación, xa non serve. Pero "Peteiro" segue sendo un símbolo....

- Monte de Bens: Antigo vertedeiro da cidade que se derrubou hai máis de 10 anos. Enriba fixeron un parque pero ninguén esquece que debaixo hai toneladas de lixo que se van desfacendo aos poucos. Seguro?????

- Labañou e Monte Alto: O noso colexio está moi cerca do barrio de Labañou. Os dous barrios son dos dous con máis "carisma" da cidade. Teñen fama de épicas pelexas entre os seus moradores.

Creo que con esto incluso os de fóra da Coruña captarán bastante ben a historia.

Saúdos.

Comentarios (0) - Categoría: Xeral - Publicado o 09-10-2007 17:30
# Ligazón permanente a este artigo
A emigración galega en Venezuela (ou en toda Sudamérica)
Hai pouco coñecín a alguén moi moi interesante.

No colexio no que traballo estabamos desenvolvendo actividades en torno á emigración. E decidimos que para os máis maiores o máis interesante sería traer a algún emigrante-inmigrante, por exemplo un galego retornado.

E chegounos o contacto dun responsable de CIG-Migración chamado Xurxo Martínez Crespo. Veu ao noso colexio e contoulles unhas cantas cousas aos alumnos de 4º ESO e 1º Bacharelato.

E ademais agasallounos cun exemplar do libro e do video coa investigación que estivera realizando nos últimos anos. O libro fala, en forma de biografías, da emigración galega en Venezuela, Nicaragua, Dominicana e Panamá. E o video céntrase no país venezolano.

Non sabedes vós que cousas tan interesantes se contan alí. Por exemplo, que varios miles de traballadores galegos, con moi bo prestixio por construír a rede de ferrocarril en Cuba, foron levados dende alí para facer o Canal de Panamá.

E algunha das anécdotas que contou sobre a emigración foi ben curiosa. Como a de aquel matrimonio de uruguaios xa maiores que decidiron vir á Coruña, cidade na que non coñecían a ninguén, porque nunha consulta do Hospital do Centro Galego de Montevideo viron un cartel que poñía "La Coruña, ciudad en la que nadie es forastero".

Saúdos.
Comentarios (0) - Categoría: Xeral - Publicado o 26-05-2007 17:42
# Ligazón permanente a este artigo
Príncipes e princesas (de Antonio Pernas)
Hai uns días estivo Antonio Pernas no colexio no que traballo para que uns alumnos lle realizaran unha entrevista para a nosa revista escolar.

Estivo 50 minutos contando cousas moi interesantes e amosouse como un tipo ben normal e sinxelo. Nada da sofisticación que moitos poderían pensar.

O que máis me chamou a atención foi unha das cousas que dixo cerca do final. Unha das rapazas, que é de 2º de Bacharelato, preguntoulle que lles recomendaba poñerse para a festa de graduación que van ter dentro duns meses. E a resposta veu sendo algo así como: "O de ir de príncipes e princesas nesas ceremonias xa está moi pasado. Vai como che apeteza. Se che sentan ben os vaqueiros, e estás cómoda, vai así".

Aposto os meus seis brazos a que NON LLE FARÁN PUÑETERO CASO.

Saúdos. Os Devotos de Santa Clara.
Comentarios (0) - Categoría: Os Devotos de Santa Clara - Publicado o 23-03-2007 21:14
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0