VERBA VOLANT



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Outras fotos
Categoría: 4º eso 09/10 - Publicado o 15-11-2009 07:41
# Ligazón permanente a este artigo
DESPEDIMOS A UNHA AMIGA

Marchou para Namibia a terra que a viu nacer e foise con pena de que a meirande parte dos seus compañeir@s non a chegaran a coñecer tal e como era de verdade. Vainos botar de menos tanto como nós a botaremos a ela. Ata pronto, Nicole.
Categoría: 4º eso 09/10 - Publicado o 15-11-2009 07:32
# Ligazón permanente a este artigo
LER E PENSAR
Deberás entrar dende a páxina de inicio da web do San Narciso nos departamentos didácticos, procura a entrada do departamento de Clásicas e logo debes clicar onde pon ROMA. Alí atoparás textos coñecidos sobre Claudio e un pouco máis abaixo unha proposta titulada LER E PENSAR que ten tan só unha cuestión que responder, faino , pero sobre todo reflexiona sobre a lectura, será importante para emprender a viaxe que pretendemos realizar a continuación para voltar a Grecia onde comezamos o curso.

Aquí queda tamén un pequeno traballo sobre esta impresionante imaxe dun patricio romano portando as máscaras de cera dos seus antepasados, garantía da súa nobreza, é o denominado: " Ius Imaginum ".
Cuestión para quen queira curiosear máis. Que era o Ius Imaginum ?

Categoría: 4º eso 09/10 - Publicado o 13-11-2009 09:07
# Ligazón permanente a este artigo
COMO MORREU CLAUDIO, O EMPERADOR?
Como estamos en novembro e co tema da morte, para situar o tema en Roma e na Antigüidade Clásica imos ver como morreu Claudio nunha versión da BBC que utilizou como guión a magnífica obra de Robert Graves: Eu Claudio. Este autor do século XX basea a súa historia en documentos da época como o famoso libro de Suetonio sobre a Vida dos Doce Césares de Roma.

UNHA MORTE IMPERIAL

Tiberio Claudio morreu no ano 54 d.C. un 13 de outubro.

C. SUETONIO TRANQUILLI é un historiador romano do século primeiro. Na súa célebre "DE VITA DUODECIM CAESARUM" (A vida dos doce Césares) elabora unha biografía ben documentada e contrastada coas diversas opinións que sobre a vida dos primeiros emperadores romanos (contando entre eles ao propio Xulio César)circulaban por Roma.

Sobre a morte de Tiberio Claudio o que el denomina o DIVUS CLAUDIUS escribe:

Quidam tradunt epulanti in arce cum sacerdotibus per Halotum spadonem praegustatorem; alii domestico convivio per ipsam Agrippinam, quae boletum medicatum avidissimo ciborum talium optulerat.Etiam de subsequentibus diversa fama est. Multi statim hausto veneno obmutuisse aiunt excruciatumque doloribus nocte tota defecisse prope lucem.

(Suetonio, De vita duodecim Caesarum- Divus Claudius 44).


"Aseguran algúns que foi o eunuco Haloto, catador dos seus alimentos, cando asistía a unha comida cos sacerdotes na fortaleza; outros din que foi a propia Agripina que nunha comida en palacio ofreceulle unha seta envelenada, a Claudio tipo de manxar do que tiña grande avideza.Circulan tamén diversas versións sobre os acontecementos posteriores. Moitos opinan que ao instante perdeu a fala pola queimante acción do veleno e con grandes dores atormentado durante toda a noite, morreu ao mencer."



Claudio nos dous anacos de vídeo que ides ver aparece no primeiro xa vello e sen folgos... é por iso que explica ao seu fillo Británico o problema da súa herdanza. Claudio desexa que permaneza vivo e espape dos perigos que lle rodean en Roma, sobre todo se Claudio morre.
O segundo vídeo comeza esta parte final da obra nun diálogo entre Británico, fillo de Claudio e Narciso,un amigo, ante o cadáver do emperador. Británico corre gran perigo pois a segunda esposa de Claudio, Agripina, nai de Nerón, fará o imposible para que sexa o seu fillo quen goberne en Roma.






CUESTIÓNS PARA DESPOIS DE VER OS DOUS VÍDEOS:

Que perigos axexaban a Claudio e a Británico en Roma?

Como se chman os personaxes que aparecen no final do primeiro vídeo? Que relación teñen con Claudio?

Como morreu Claudio?

Quen herdou o seu posto?

Que lle pasou a Británico?

Quen era a Sibila?

A que barca e barqueiro fai referencia a Sibila nas últimas palabras?

Que semellanzas e que diferenzas atopas entre o que escribiu Suetonio e o que nos conta Robert Graves na súa novela en versión para TV?

Lembras "dun erro faise un enterro"
Categoría: 4º eso 09/10 - Publicado o 11-11-2009 06:52
# Ligazón permanente a este artigo
TEOGONÍA DE HESÍODO
A Teogonía é un libro escrito por Hesíodo, un dos máis antigos da civilización europea occidental, un fermosísimo relato que intenta organizar unha gran parte dos relatos mitolóxicos que ata ese momento (o século VII-VI antes de Cristo)circulaban de boca en boca por tradición oral dende tempos máis remotos. Hesíodo converte así a Mitoloxía en Épica, e polo tanto, en literatura propiamente dita. Podedes ler algo en A Teogonía.
Categoría: 4º eso 09/10 - Publicado o 24-10-2009 11:15
# Ligazón permanente a este artigo
QUEN ERAN OS AQUEOS?

Os Aqueos eran unha desas tribos indoeuropeas que penetran polo norte da península do Peloponeso ocupándoa case por enteiro. Aqueos son os que denominamos tamén micénicos pois Micenas era a cidade máis importante ou capital detes novos poboadores da Grecia continental que falaban xa grego e que van pasar inicialmente por un período de adaptación e encontro coa civilización cretense ou minoica, para ser pouco máis tarde os que pasen a conquistar Creta e rematar coa cultura mediterránea. A civilización micénica nacemento e evolución está moi ben resumida no presente vídeo:



Esta é a segunda parte:



CUESTIóN:1-Parece ser que Helenos é un sinónimo de Gregos. Despois de ler o enlace que colocamos a continuación poderás dar resposta ás seguintes preguntas: Procura información sobre quen era HELEN? quen eran os seus fillos? Teñen algo que ver cos indoeuropeos? Que é un epónimo? Onde, cando e como se fan gregos os gregos?
Logo despois de ver os vídeos anteriores poderás respostar outras cuestións como:
CUESTIÓN 2: Que debemos saber da sociedade micénica?
CUESTIÓN 3: Os indoeuropeos, que nos vídeos se denominan arios,vanse diseminar en distintas ondas pola Hélade ou Grecia Antiga, pero será coa chegada dos dorios (a derradeira das tribos indoeuropeas que penetran en Grecia)coa que se dea paso a un tempo escuro, denominada Idade Escura; que efectos provoca esta aparición dos dorios para a Grecia micénica, repara tanto en cambios de asentamento como nos cambios que sofren as distintas variantes da lingua grega?

Podedes procurar información sobre os dialectos gregos
Categoría: 4º eso 09/10 - Publicado o 18-10-2009 20:59
# Ligazón permanente a este artigo
QUE É O INDOEUROPEO?
Dende a India a fisterra encontramos basicamente unha mesmas palabras para denominar o lobo, a raposa, o oso, o cervo e o porco ( polo tanto o mundo da caza); unhas mesmas palabras para denominar o boi, a ovella, a cabra, o leite, se a caso os ovos ( é dicir, a gandeiría); unhas mesmas palabras para denominar o queixo, a lá, o mel, o sal, o carro, o xugo e a fariña( é dicir, a agricultura); igual acontece co ouro, a prata, o cobre( metarlurxia), co cabalo e co can( animais domésticos), co arco e coa machada ( armas), co salmón e co barco, pero non co mar ( navegación fluvial). pero, en cambio, non hai parecido ningún entrea as respectivas maneiras de nomear o mar, o león, o tigre e o camelo:

Como explicar tantas coincidencias?

Todos estes pobos que habitan tan amplo territorio teñen linguas que proceden dun único pobo prehistórico: o indoeuropeo

No mundo hai polo tanto cinco grandes grupos de linguas: o indoeuropeo, as africanas, as amerindias, as camito-semitas (árabe e hebreo) e as sino-austrinas(chinés e xaponés)

CUESTIÓN: Procura pois unha boa definición de indoeuropeo, despois de informarte convenientemente.Onde se orixinou, como e cando se estende, como caeron na conta os lingüistas de das semellanzas entre as linguas; consérvase algún texto? Por que?. Cantas familias de linguas pertencen a este gran grupo de linguas chamado indoeuropeo? Cantas linguas non indoeuropeas existen actualmente en Europa?
Categoría: 4º eso 09/10 - Publicado o 16-10-2009 09:16
# Ligazón permanente a este artigo
HISTORIA DAS LETRAS
Pictograma, ideograma, xeroglífico, silabario e alfabeto, un percorrido para chegar a unha fórmula de 24 signos capaces de reproducir calquera idea ou emoción, infinitas posibilidades de combinarse para expresar calquera mensaxe cun sistema moi sinxelo e popular de comunicarse , mesmo de onte para hoxe, unha das vantaxes da escrita, a palabra que perdura no tempo.

Podes ver este vídeo sobre a marabillosa historia das letras:


Outra versión:

Categoría: 4º eso 09/10 - Publicado o 14-10-2009 06:53
# Ligazón permanente a este artigo
DA GRECIA ANTIGA: Período CRETENSE
O período CRETENSE tamén chamado Minoico, polo coñecido personaxe da mitoloxía, o rei Minos e o terrible Minotauro.

Un texto moi interesante para completar o mito de Teseo e o Minotauro o de Jorge Luis Borges titulado "La Casa de Asterión" que foi inspirado por un cadro de George F. Watts sobre o Minotauro.

Comezamos pola mitoloxía para logo derivar na arqueoloxía da illa de Creta e do Palacio de Cnossos, a súa capital. O palacio do "Labris". Poucas pasaxes escritas sobre a Creta Minoica teñen tal poder de seducción como o capítulo primeiro (polo de agora ler só este capítulo) dun bo libro para achegarse á Historia dos Gregos, o que Indro Montanelli dedicou a Minos.

Outras curiosidades sobre Minos de interese poden ser saber algo sobre o seu filo Androxeo ou coñecer a famosa historia de Dédalo e Ícaro ou mesmo chegar a coñecer como morre este personaxe que posiblemente sexa tan só unha ficción mitolóxica.




Un vídeo tamén ben realizado sobre este período e no que fala da caída da civilización cretense:
Categoría: 4º eso 09/10 - Publicado o 30-09-2009 21:42
# Ligazón permanente a este artigo
DA GRECIA ANTIGA: Período CICLÁDICO
Períodos da Historia da GRECIA ANTIGA


Despois de establecer dous grandes apartados no noso traballo coa Historia da Grecia Antiga. A liña divisoria quedamos que era o 800 a. C. aproximadamente, é dicir, o momento cando comezan as Olímpíadas (776 a. C.)e todo un proceso de transformación que vai dar paso á GRECIA CLÁSICA, berce da cultura occidental.
Imos falar da CIVILIZACIÓN CICLÁDICA ( 3200 a. C. ao 1500 a.C.)


A imaxe das deusas brancas á unha das máis representativas da arte das Illas Cícladas que logo vai a evolucionar co asentamento en Creta da Cultura Minoica.


O períodoCICLÁDICO (Idade de Bronce)
é anterior pois ao CRETENSE OU MINOICO.



Categoría: 4º eso 09/10 - Publicado o 29-09-2009 21:46
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0