Certo, o Xornal Virtual de Barbanza e Noia publicou o domingo un artigo sobre o noso Serán que queremos agradecer e enlazar aquí.
Encántannos as fotos e os videos, que recollen dúas das actuacións que abriron o Serán: os máis pequenos de Vai de Roda interpretando A vaca marela acompañados pola charanga e Carmela e os nenos e nenas da ANPA do CEIP Castelao de Rianxo.
No seu blog tamén publicaron o post que aparece a man dereita.
Para acceder ao álbum de fotos do Serán que elaboraron desde Certo preme aquí.
Moitísimas grazas Certo pola cobertura do IV Serán Mar de Rianxo.
Aquí vos vai A vaca marela, porque se nos cae a baba cos nosos nenos e nenas.
Veña vai, e coa charanga tamén. E que dicir das pandereteiras!
A verdade é que repetimos o título e boa parte do contido dun artigo publicado hai máis ou menos un ano. Pero non é por falta de ideas, é porque un ano máis estamos encantad@s coa acollida que tivo o noso Serán e sabemos que iso só é posible grazas ao esforzo e o apoio de moitas persoas e entidades.
O IV Serán Mar de Rianxo foi todo un éxito, grazas a:
- Os operarios do concello de Rianxo que montaron o palco e botaron man en todo canto lles pedimos.
- Bandín e ao seu equipo que se encargou do son e nos acompañou ata altas horas da noite.
- A todas as empresas colaboradoras que fixeron posible a posta en marcha deste serán.
- O Concello de Rianxo e en especial á Concellaría de Cultura que en todo momento prestou o seu apoio.
-A Confraría de Pescadores de Rianxo por cedernos un ano máis a lonxa, na que sempre nos sentimos tan comodos.
- A todas as persoas de Rianxo que colaboraron con nós aportando comida, botando unha man no reparto da mesma, vendendo rifas, dando ánimos, apoiando en todo momento...
- A todos os grupos que participaron no Serán pola vosa música, a vosa paciencia, as vosas ganas de pasalo ben e facer que todos o pasaramos ben.
- A todas as persoas de Rianxo e doutros moitos lugares de Galicia que viñeron bailar, cantar e facer festa con nós.
- A Toño polo cartel que tan ben reflexa o que é o noso Serán.
- A Sandra e Pedro polos deseños das camisetas que arrasaron e tanto deron que falar.
- A todo Vai de Roda, por traballar antes, durante e despois do Serán para que todo saíra tan ben.
Queremos tamén pedir disculpas por todos os erros que poideramos cometer, sempre se nos poden escapar cousas; a nosa intención un ano máis era que todo o mundo se sentira como na casa e que a noite fora unha festa para todos: público, músicos, colaboradores...
deixa chovere ....e vén ao Serán na lonxa da Confraría de Rianxo.
Pois sí, aínda que chova e vente celebraremos o Serán Mar de Rianxo a partires das 8:00 da tarde na lonxa.
Un ano máis moitas grazas á Confraría de Rianxo por cedernos ese espazo no que sempre nos sentimos tan a gusto.
Vémonos na lonxa, non faltedes!
Estes son os primeiros grupos participantes, e non fixo máis que comezar!!! Tedes á vosa disposición nesta mesma páxina os nosos enderezos para anotarvos. Animádevos!
Gaiteiros da Baña
Flor da Maquía-Poulo
Requinta da Laxeira
Pandereteiras Maghúa de A Coruña
Os Terribles do Carballal
Veciños de Numide
Veciños de Limiñoa
Brisas de Tomiño
Pandeireteiras Aleivosía da A.S.C. Fogo Fatuo de Rianxo
As Anduriñas de Pazos de Borben
Novas amistades de Nespereira
Veciños de Touton
Dignas del querer
Pandereteiras do Regodobargo de Pontecaldelas
Rueiro de Palmeira
Pandereteiras Lumieira de Boiro
Foliada de Castrelos
Cangrexeiros de Taragoña
Pandereteiras e charanga de Vai de Roda
Estes son os datos que precisamos dos grupos que queirades participar no Serán. Facédenolos chegar ben ao noso correo vaiderodarianxo@gmail.com ou por medio dunha chamada ao 654697768.
