Como en Portugal uns vão bem e outros mal



O meu perfil
teño conta en gmail.com
 Portos de recalada recomendada
 FOTOBLOGOTECA
 CATEGORÍAS
 ARQUIVO
 BUSCADOR
 BUSCAR BLOGS GALEGOS

Franco Honoris Causa
Franco causa muitas discordias sempre que parece. Non por iso se debe deixar de falar del.
Hoxe falan del no claustro da USC. Seica o noso queridísmo dectador ten o título de Doutor Honoris Causa pola USC e hoxe debátese que lle retiren ese cargo.
É de lei que se faga. Non se pode alimentar aos lobos nin desa maneira. Onte mesmo aparecían autocolantes dos seus subditos falanxistas polo bairro de San Roque. Cáusame pesar q aínda quede xente así entre nós, aínda que supoño que foi un valiente que se dirixía de mañán cedo á estación de buses.
Non hai nin 8 anos e sendo eu ben mozo figuraba na lista de persoas non-gratas da falanxe da cidade da oliveira. Tamén había locais inimigos de españa nunha listaxe, axudaron muito a configurar a miña rota do lecer. Temos tanto que lles agradecer e tanto que nunca olvidar...

Francisco Franco FÓRA DA UNIVERSIDADE!

A este porquiño tamén lle chegou o San Matiño
Comentarios (7) - Categoría: Xeral - Publicado o 10-11-2006 13:55
# Ligazón permanente a este artigo
Novembro calmo

O mundo vai do rivés. Pasamos un mes de outubro no que choveu sen tregua e agora viunos un mes de novenbro que me atrevería a catalogar de primaveral segundo as temperaturas. Aínda fun onte dar unha voltiña pola noite e bueno os coches estaban xiados pero non era o día máis frio de novembro que teño mirado. O escandalo viu antonte cando estiven nunha terrasiña ate a unha, e non tomabamos cocholate quentiño senon algo refrescante... parecía agosto.
E disque nos vai durar 7 días mais. Xa sabedes, hai que aproveitar agora que aínda podemos!
Comentarios (7) - Categoría: Xeral - Publicado o 09-11-2006 13:22
# Ligazón permanente a este artigo
felicidades a Iago Tabarés
Os bos e xenerosos volven presidir o PNG-PG despois dunha deriva un tanto insana. A ausencia do señor Brenlla na directiva nacional deste insigne partido provócame tanta alegría coma a boa talla moral e ideolóxica da directiva provisional.
Nunca é tarde para renacer.

Adiante cos bos proxectos!
png-pg
Comentarios (1) - Categoría: Xeral - Publicado o 06-11-2006 22:54
# Ligazón permanente a este artigo
Galiza - Ecuador
Xa se escoita nas millores casas o rebolir das falas que anuncian que Galiza goleará (agardo) este ano á selección de Ecuador.

Contan polas nosas rías, hoxe soleadas, que será 28 de decembro no estadio coruñés de Riazor.

Síntome honrado coma vigués de poder ir a un partido a Coruña e non ir por divisións. Vai ser, verdadeiramente, unha honra e un pracer. Unirémonos, tal coma se fixera este pasado ano ao resto dos bos e xenerosos para disfrutar dunha noite senlleira. A festa do emigrante, pois todos os que poden retornan polo Nadal e alí estarán.

Xa teño ansia carallo!
Comentarios (4) - Categoría: Xeral - Publicado o 28-10-2006 12:27
# Ligazón permanente a este artigo
As Discusións Bizantinas
Veño de ler un documento que realmente é certo. Sorprendeume a maneira que ten de sintetizar as discusións bizantinas. Coma as que trataban sobre o sexo dos anxos en Bizancio. Non eran discusións accesorias pq realmente influían sobre a maneira de pensar e vivir das persoas que se posicionaban dunha ou outra banda da polémica.

Pois ben. Veño de descobrir que Galiza é leira aboada e ben surtidiña nestas polémicas que se definen por non ter nunca fin. O interesante é que unhas son máis trascendentais que outras pero todas en certa maneira forman parte do noso máis profundo caracter. Deberan figurar no manual do bo siareiro de bar de barrio e ao tempo no do bo cultureta (unha variedade máis elevada nas formas do primeiro). Tales podemos considerar: Lusismo, nacionalismo, emigración, monolingüismo, A/La Coruña, escritores galegos en lingua castelá, o telón de grelos, que concellos da raia leste son galegos 100% e cales en menor medida, celtismo, eucaliptos... hai que salientar a incorporación recente a esta listaxe de que facermos coa Cidade da cultura.

Recomendo ler esta páxina que foi a que motivou o post e a reflexión que continuarei neste día de tregua metereolóxica.
As nosas discusións bizantinas
Comentarios (1) - Categoría: Xeral - Publicado o 26-10-2006 15:37
# Ligazón permanente a este artigo
Bilingüismo harmónico
GA-LI-ZA!ou harpado.

O outro día mirei "En el nombre del pare", un filme que botaron en R en catalán. Ben.
Cando fixen o exame teórico do carné de conducir, puxéronmo bilingüe castelán-catalán. Non tan ben.
Onte estaba para mirar en La Sexta o partido do Depor, xa dixeran que o habían por nas linguas de cada país, xa que así mantíñase o costume de ser en galego os partidos dos sábados. Pois ben, aquilo estaba en catalán, un catalán mui pobre, case valencián.
E digo eu: Ben polos cataláns que todo o mundo os ten en conta, pero tamén por qué merda a nós non nos fan o mesmo caso?
A resposta, que se me ocurríu mentres durmía (polo tanto disculpas a quen lle parecer ilusoria), é que esta xente leva xa case medio século facendo fortes presións polo seu idioma. Nós comezamos un pouquiño antes da caída da Dentadura de Franco e minoritariamente.
Hoxe é o día do Domund, hai milleiros de nenos que non son santos nin lles vai nin lles ven o conto pero que llelo contaron mui bonito reclamando a todo fillo de viciño cartos para... non sei que. Dá igual, eles recadan cartos para outros facéndoos visíbeis e fortes. En Cataluña, xa polos anos 60 había feitos parecidos para cambiar carteis de anuncios a catalán e concienciaban a xente. Aquí o máis parecido é a subvención do rapiñeitor que decide por o cartel en galego pq llo paga a Xunta. Non podemos estar sempre a pedir subvencións, temos que sair á rúa e facernos visíbeis.
Propoño que o próximo día das letras galegas, os nenos que saen normalmente cos petos para pedir polo Domund saian con petos cunha bandeira galega a pedir polas institucións da lingua e que estas logo distribúan entre os proxectos en curso.
Que non nos han dar sempre a comida mastigada!
Visca Catalunha (escríbese con nh no Val de Arán)!
A ver se algún día conseguimos chegar a como están eles agora (Era o que pensaba Rovira do BNG hai menos de 10 anos).
Comentarios (4) - Categoría: Xeral - Publicado o 22-10-2006 13:46
# Ligazón permanente a este artigo
O son das campás
Igual que a xente que asubía polas rúas, cando era adolescente tiña o proxecto de escribir sobre o oficio do campaneiro.
Teño a sensación dunha certa mística envolvendo o son das campás. Cando non había internet, teléfonos, nin lerias diversas; abondaba un toque de campá concreto para saber se había unha muller parindo, un enfermo en problemas, un morto, unha morta, lume, algunha emerxencia ou simplesmente a hora da misa e na que se vivía.
Isto non é cousa do pasado. Na cidade de Vigo, tocan as campás desde o Centro Cultural e non de igrexa ningunha. Son grabacións enlatadas pero dunha certa calidade. Como anécdota dicir que ás 8 da mañán tocan coas campás a Alborada Galega de Pascual Veiga e ás dez da noite tocan Negra Sombra. Un detalle que pouca xente, viguesa ou non, coñece e que a min tanto me gusta.
Comentarios (5) - Categoría: Xeral - Publicado o 26-09-2006 21:28
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0