o trasno paroleiro


BLOG DO EDNL DO CPI DE PONTECESURES
Camiñando ao noso pé polos corredores, pendurado das trabes do centro ou diluído na trasparencia dos vidros cando quere quentarse ao sol nas frías mañás de xaneiro, vive entre nós este trasno falangueiro. Chegou ao colexio cando este aínda era un terreo ermo no que non paraban os enlouquecidos ventos do outono. Logo coouse co seu fardel de sons entre as paredes de tixolo acabadas de levantar e xa non quixo marchar de aquí. Aprendeu axiña o noso idioma e colleulle tanto agarimo, que o que máis lle gusta é perder o tempo debruzado no peitoril das xanelas escoitando falar a rapazada. Agora tamén enreda nos ordenadores e, sen saber moi ben como, caeu dentro deste blog. Fachendoso como é, púxolle o seu propio nome e seica pensa facer reverdecer nel o noso falar.
O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

CARTEL GAÑADOR E FINALISTAS DO SAMAÍN 2018
Xa temos decidido cal é o cartel gañador para anunciar o VI Concurso de Relatos e Vídeos de Terror para o Samaín 2018. Como estes anos anteriores, foi o alumnado de Plástica da ESO o que elaborou as propostas que se presentaban a concurso. Estas foron as decisións do xurado, tras unha difícil deliberación pola calidade dunha boa parte dos traballos presentados:

AUTORA DO CARTEL GAÑADOR:

Lara Blanco Fernández, de 3º ESO A.

AUTORAS DOS CARTEIS FINALISTAS:

Ángela Miguéns Freiría, de 4º ESO

Paula Oliveira Bello, 3º ESO B

Noraboa ás tres autoras e, por suposto, tamén a todos/as participantes e ao profesorado de Plástica da ESO pola súa implicación no certame.


CARTEIS SAMAÍN 2018 by on Scribd

Comentarios (0) - Categoría: SAMAÍN - Publicado o 15-10-2018 17:41
# Ligazón permanente a este artigo
© by Abertal