o trasno paroleiro


BLOG DO EDNL DO CPI DE PONTECESURES
Camiñando ao noso pé polos corredores, pendurado das trabes do centro ou diluído na trasparencia dos vidros cando quere quentarse ao sol nas frías mañás de xaneiro, vive entre nós este trasno falangueiro. Chegou ao colexio cando este aínda era un terreo ermo no que non paraban os enlouquecidos ventos do outono. Logo coouse co seu fardel de sons entre as paredes de tixolo acabadas de levantar e xa non quixo marchar de aquí. Aprendeu axiña o noso idioma e colleulle tanto agarimo, que o que máis lle gusta é perder o tempo debruzado no peitoril das xanelas escoitando falar a rapazada. Agora tamén enreda nos ordenadores e, sen saber moi ben como, caeu dentro deste blog. Fachendoso como é, púxolle o seu propio nome e seica pensa facer reverdecer nel o noso falar.
O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

DÁMOSLLE A BENVIDA AO 2016

Comeza un novo ano con conmemoracións importantes coa lingua galega de por medio: a celebración das Letras Galegas, cuxo homenaxeado é Manuel María, e o centenario da creación das Irmandades da Fala na Coruña, unha importante entidade que loitou na promoción, dignificación e normalización do galego na etapa previa ao franquismo. Enlazamos este artigo do xornal Praza que comenta isto polo miúdo. Pola nosa banda, dende o ENDL do CPI de Pontecesures animámosvos a alumnado, profesorado e pais-nais a que continuedes no 2016 impulsando a presenza do galego no día a día.

http://praza.gal/cultura/10883/un-ano-para-lembrar-a-manuel-maria-e-as-irmandades/
Comentarios (0) - Categoría: DE ACTUALIDADE - Publicado o 06-01-2016 17:16
# Ligazón permanente a este artigo
ADEUS A XOSÉ NEIRA VILAS
2015 despídese este ano cunha triste ausencia: a de Xosé Neira Vilas, un dos máis prolíficos escritores en lingua galega, que cativou a varias xeracións coas historias de Balbino, todo un símbolo da reivindicación da dignidade dos máis desfavorecidos, da cultura rural e do galego. Deixámosvos este LIM deseñado dende o CEIP Frián (Teis, co desexo de que manteñamos vivo o seu legado literario.

http://chiscos.net/f1/memorias/memorias_dun_neno_labrego.html
Comentarios (0) - Categoría: LETRAS GALEGAS - Publicado o 17-12-2015 13:50
# Ligazón permanente a este artigo
DEBUXANDO DENDE O PIÑEIRO MANSO
Os nenos e nenas de 2º A E B de E. Primaria do CPI de Pontecesures saíron ao Miradoiro do Piñeiro Manso para debuxar a paisaxe que vían dende alí.


Comentarios (0) - Categoría: O RECUNCHO DO TRASNO EN E. PRIMARIA - Publicado o 26-11-2015 13:11
# Ligazón permanente a este artigo
OUTONO 2015 NO CPI DE PONTECESURES
Rosa Nodar déixanos esta presentación que recolle as actividades que se fixeron no noso centro neste outono: exposición de froitos do outono, mostra das cabazas decoradas polo alumnado polo Samaín, entrega de premios do Concurso de Relatos de Terror e a celebración do magosto.

Comentarios (0) - Categoría: MAGOSTO - Publicado o 26-11-2015 12:47
# Ligazón permanente a este artigo
25-N: CONTRA A VIOLENCIA DE XÉNERO

Aínda a risco de que pareza unha frivolidade reducir a reflexión sobre a violencia de xénero a un día, o 25 de novembro, queremos aproveitar esta data para lembrar que debemos ser conscientes de que a sociedade patriarcal, esa que nos educa na desigualdade de xénero, está na orixe deste problema que causa tanto sufrimento. Este mapa conceptual pode servir de inicio para a reflexión na aula:



Nas clases de Plástica e Lingua Galega o alumnado de 4º de ESO deseñou este cartel reivindicativo que pode facernos reflexionar sobre as orixes do problema. Preme no enlace para velo.
http://linoit.com/users/amboaxe/canvases/25N

http://linoit.com/users/amboaxe/canvases/25N
Comentarios (0) - Categoría: DE ACTUALIDADE - Publicado o 12-11-2015 13:13
# Ligazón permanente a este artigo
VIDEOCONFERENCIA DO DÍA DA CIENCIA EN GALEGO 2015

O día 4 de novembro, asistimos dende a Biblioteca do CPI de Pontecesures a unha videoconferencia organizada pola Coordinadora Galega de Equipos de Normalización Lingüística baixo o título de: "A máquina que constrúe a mente e a realidade".
O relator foi Xurxo Mariño Alfonso, biólogo e Doutor en Ciencias Biolóxicas pola Universidade de Santiago de Compostela (1998), profesor do Departamento de Medicina da Universidade da Coruña.
Segundo nos explicou, todo o que somos cada un de nós, o que percibimos, o noso "eu", as emocións cotiás, todo iso é unha construción elaborada por unha máquina que levamos dentro do cranio: o encéfalo. Aí dentro temos miles de millóns de células, as neuronas, que utilizan a electricidade para comunicarse entre elas e, dese xeito, crear a mente e a realidade. Intentou responder a varias preguntas que habitualmente nos formulamos: Como funciona esa máquina da mente? A onde vai o "eu" cando durmimos? Poden construírse máquinas artificiais que teñan mente? Esta foi a videoconferencia:







Comentarios (0) - Categoría: CIENCIA EN GALEGO - Publicado o 06-11-2015 11:53
# Ligazón permanente a este artigo
[1] ... [4] [5] [6] 7 [8] [9] [10] ... [29]
© by Abertal