o trasno paroleiro


BLOG DO EDNL DO CPI DE PONTECESURES
Camiñando ao noso pé polos corredores, pendurado das trabes do centro ou diluído na trasparencia dos vidros cando quere quentarse ao sol nas frías mañás de xaneiro, vive entre nós este trasno falangueiro. Chegou ao colexio cando este aínda era un terreo ermo no que non paraban os enlouquecidos ventos do outono. Logo coouse co seu fardel de sons entre as paredes de tixolo acabadas de levantar e xa non quixo marchar de aquí. Aprendeu axiña o noso idioma e colleulle tanto agarimo, que o que máis lle gusta é perder o tempo debruzado no peitoril das xanelas escoitando falar a rapazada. Agora tamén enreda nos ordenadores e, sen saber moi ben como, caeu dentro deste blog. Fachendoso como é, púxolle o seu propio nome e seica pensa facer reverdecer nel o noso falar.
O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

CORRELINGUA 2017
O 8 de maio fomos toda a ESO ao Correlingua a Santiago para dicir, un ano máis, que ao galego non lle debemos pór cancelas. Comezou a actividade ás 11 co percorrido polas rúas da cidade vella, logo regresamos á Quintana, onde se entregaron e se leron os premios de manifesto e banda deseñada, e finalmente actuou o grupo gañador do Cantalingua deste ano.
O alumnado participante completou a xornada polas rúas da cidade, gravando por equipos breves vídeos que amosan a situación do galego na cidade. En breve amosaremos algún dos resultados.


Comentarios (0) - Categoría: CORRELINGUA - Publicado o 12-05-2017 11:04
# Ligazón permanente a este artigo
BANDA DESEÑADA DE 2º B DE E. PRIMARIA PARA O CORRELINGUA 2017
Comentarios (0) - Categoría: CORRELINGUA - Publicado o 19-04-2017 13:19
# Ligazón permanente a este artigo
VÍDEOS PRESENTADOS NO NOSO CENTRO PARA O CORRELINGUA 2017
Este ano o alumnado e o profesorado do noso centro colaborou moi activamente nos concursos propostos pola organización do Correlingua. O lema era "En galego, sen cancelas· e estas foron as propostas que enviamos dende o CPI de Pontecesures

Vídeo de E. Infantil:



Vídeo de 1º de E. Primaria:



Vídeo de 2º A de E. Primaria



Vídeo presentado por alumnado de 2º de ESO

Comentarios (0) - Categoría: CORRELINGUA - Publicado o 19-04-2017 10:41
# Ligazón permanente a este artigo
CORRELINGUA 2017: EN GALEGO, SEN CANCELAS
Comeza unha nova edición do Correlingua, este ano baixo o lema "En galego, sen cancelas". Non hai razóns para que o galego siga practicamente excluído de ámbitos como a xustiza, a prensa escrita, a publicidade, o comercio... nin das conversas da maioría da poboación infantil e xuvenil. Inverter esta tendencia é o noso reto.

Como outros anos, xa se convocaron os distintos concursos de manifesto, vídeo, banda deseñada e canción, polo que vos animamos a que concorrades a todos eles.

Nesta ligazón tedes as bases:

http://www.correlingua.gal/bases
Comentarios (0) - Categoría: CORRELINGUA - Publicado o 13-01-2017 11:58
# Ligazón permanente a este artigo
CORRELINGUA 2016

O 2 de maio participamos toda a ESO no Correlingua de Pontevedra, reivindicando festivamente unha longa vida para o noso idioma. Paseamos pola cidade, asistimos á lectura do manifesto gañador deste ano, escoitamos a música de Liviao de Marrao e fixemos unha simbólica solta de globos. Ao finalizaren os actos, rastrexamos pola cidade a presenza do galego en todo tipo de textos escritos, que foron fotografados polo alumnado co obxectivo de elaborar logo carteis que expoñeremos nos corredores do centro.

Comentarios (0) - Categoría: CORRELINGUA - Publicado o 04-05-2016 11:37
# Ligazón permanente a este artigo
2º A DE PRIMARIA, GAÑADORES DO CONCURSO DE BANDA DESEÑADA DO CORRELINGUA 2016

CONCURSO DE BANDA DESEÑADA:

Parabéns ao grupo de 2º A de E. Primaria pola súa magnífica banda deseñada, que resultou gañadora no concurso deste ano.




CONCURSO DE VÍDEO:

Este ano o alumnado do noso centro participou activamente no concurso de vídeo, enviando estas tres propostas. Agardamos que vos gusten.


"FALAMOS GALEGO"

Este é o vídeo que presentou a concurso o alumnado de 4 anos de E. Infantil:



"COMO CAÍDO DO CEO"

Vídeo que enviou a concurso o alumnado de 1º de ESO:



"A CORAZÓN ABERTO"

Este é o vídeo que presentou o alumnado de 2º ESO B:



CONCURSO DE MANIFESTO

O alumnado de 4º de ESO tamén presentou a súa proposta de manifesto, que foi este:

O GALEGO ESTÁ EN NÓS


"Estabamos todos alí, no derbi galego. Un espontáneo salta ao terreo de xogo montado nun xabaril azul e branco. Parece ser o Gayoso. Os gardas de seguridade perségueno polo campo. O árbitro suspende o partido. Gayoso segue montado no xabaril. Vai a un plató da TVG e rompe as cámaras. Era visto. Uns larpeiros de Serramoura bambolearon ao son da gaita de Susana Seivane. NÓS seguímolo ata chegar a un cuarto escuro. LUCES, CÁMARA, ACCIÓN! A sala de cine está petada. Emiten “A esmorga”. O Bocas malla no Milhomes. De súpeto Gayoso irrompe no seu xabaril a través da pantalla. Todos aplauden. O público quere amarralo, pero consegue escapar. Marchamos tristes para a casa.
Ao día seguinte seguimos lendo o NOSO libro favorito, Os Bolechas. As letras móvense soas, caen ao chan e os debuxos falan nunha xerga estraña. Pechamos o libro, arrepiados, e Chispa corre tras de nós para trabarnos nos pés. As xemelgas Pili e Loli esmendréllanse de riso. SuperGayoso acode na nosa axuda e o Xabaril Porcobravomán consegue desfacer o maleficio. Os Bolechas volven falar galego. Imos todos xuntos celebralo.
Despois atopámonos na praza do Obradoiro. Están a piques de botar os fogos artificiais do Apóstolo. Sae de novo un xabaril montado nun foghete que deixa unha estela que di:
Galicia somos nós:
A xente e máis a fala
¡Se buscas a Galicia
En ti tes que atopala!
Corremos tras del para pillalo. Parece que vai parar enriba dun piñeiro onde un bardo, que quizais sexa Pondal, ou Gayoso, canta ao son da súa arpa.
“Pol-o baixo cantando,
O bóo bergantiñan,
Co' aguillada o lombo…”
O porco bravo escapa de novo, castro adiante, cara a unha feira onde están cocendo o polbo. Non pode ser! Ou vexo mal, ou o que o está cocendo é Gayoso. O polbo resístese a ser cociñado. Aférrase ao seu pescozo, estao afogando…. Porcobravomán aparece ao rescate. En pouco tempo malla o polbo e méteo tres veces na pota.
Sentamos todos NÓS nunha das mesas da feira: Susana Seivane, Pondal, o Puskas, o Bocas e o Milhomes, Chispa, Manuel María, Benigno, Luís Suárez e, claro está, Gayoso na cabeceira da mesa. Porcobravomán esváese pouco a pouco no horizonte, ao mencer…
Riiiiiiiiiiing! Érguense todos para ir ao recreo. O ruído das cadeiras espértame. Miro pola xanela. Verónica entra polo portal. Que tarde chega hoxe ao instituto! Xírase para falar con Brais. Vexo que leva nunha chapa da mochila un porco bravo azul e branco que me chisca o ollo..."
Comentarios (0) - Categoría: CORRELINGUA - Publicado o 29-03-2016 11:31
# Ligazón permanente a este artigo
1 [2] [3]
© by Abertal