o trasno paroleiro


BLOG DO EDNL DO CPI DE PONTECESURES
Camiñando ao noso pé polos corredores, pendurado das trabes do centro ou diluído na trasparencia dos vidros cando quere quentarse ao sol nas frías mañás de xaneiro, vive entre nós este trasno falangueiro. Chegou ao colexio cando este aínda era un terreo ermo no que non paraban os enlouquecidos ventos do outono. Logo coouse co seu fardel de sons entre as paredes de tixolo acabadas de levantar e xa non quixo marchar de aquí. Aprendeu axiña o noso idioma e colleulle tanto agarimo, que o que máis lle gusta é perder o tempo debruzado no peitoril das xanelas escoitando falar a rapazada. Agora tamén enreda nos ordenadores e, sen saber moi ben como, caeu dentro deste blog. Fachendoso como é, púxolle o seu propio nome e seica pensa facer reverdecer nel o noso falar.
O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

PREMIO DE CARTAS AO APALPADOR A DOUS ALUMNOS DO CPI DE PONTECESURES
Dámoslle a noraboa a Tomás Melón Rodríguez e Blas López Soto, aula das "Cordas Unidas" (2º B de E. Primaria) polo premio que recibiron por cadansúa carta ao Apalpador que enviaron ao concurso este nadal.

Tomás, aos seus 7 anos, pide que os seus compañeiros "non baixen á nube ou ao nubarrón" e que os nenos dos hospitais volvan sans para as súas casas como lle pasou a el, que "un avión de xoguete con luces lle salvou a vida".

Pola súa parte, Blas pide "que todo o mundo sexa feliz e que me queira a miña nai porque o meu pai morreu e non quero que á miña nai lle pase o mesmo", para despedirse cun "camión de apertas". Esta última carta foi a premiada cun agasallo consistente nunha estadía de fin de semana nas Casiñas do Ribeiro.

Tedes máis información sobre este concurso en:

http://www.apalpador.com/
Comentarios (0) - Categoría: NADALEANDO - Publicado o 13-01-2017 12:12
# Ligazón permanente a este artigo
E... BO NADAL DENDE O CPI DE PONTECESURES
Dende o ENDL do centro desexámosvos que teñades unhas felices vacacións e que regresedes con moitas ganas de darlle LONGA VIDA AO GALEGO!

Nesta presentación elaborada por Rosa Nodar podedes ver os traballos de Nadal realizados en todos os niveis educativos do noso centro.



Neste enlace da DXPL tedes moitas propostas divertidas para o Nadal 2014:

http://www.xunta.es/linguagalega/recursos_e_materiais_de_nadal_2014

Tamén vos recomendamos este fantástico vídeo, "Quero o Nadal", unha proposta con moita marcha dende o CEE de Vilagarcía:



Por último, as mestras de E. Infantil Berena e Patricia, xunto co alumnado de 3 e 4 anos, mándanvos unha felicitación de Nadal:

Comentarios (0) - Categoría: NADALEANDO - Publicado o 17-12-2014 13:17
# Ligazón permanente a este artigo
VÍDEO DOS CANTOS DE REIS DE 4º B
Comentarios (0) - Categoría: NADALEANDO - Publicado o 06-03-2014 12:06
# Ligazón permanente a este artigo
XA ESTÁ AÍ UN NOVO NADAL
No enderezo web da Dirección Xeral de Política Lingüística tedes diversos ligazóns para facer actividades relacionadas co Nadal: cantos de Nadal, carta aos Reis e, de novo, aparece a posibilidade de que enviemos as nosas postais para que aparezan na web e se poidan personalizar co gallo de envialas logo por correo electrónico.

http://www.xunta.es/linguagalega/nadal_en_rede_2013

Non vos esquezades tampouco de botarlle un ollo ás suxerencias da páxina da coordinadora de ENDL:

http://coordinadoraendl.org/nadal2013/index.php?ancho=1024&alto=768
Comentarios (0) - Categoría: NADALEANDO - Publicado o 07-12-2013 21:45
# Ligazón permanente a este artigo
UN ANO MÁIS DE CANTOS DE REIS

Este ano fomos tamén polas clases anunciando o tempo de festa do Nadal disfrazados de galos, galiñas, alieníxenas e demais animais. Aquí deixamos unha foto da interpretación en infantil. Aproveitamos para desexarvos que gocedes destes días de lecer e que comecedes con bo pé no 2013.
Comentarios (0) - Categoría: NADALEANDO - Publicado o 21-12-2012 14:06
# Ligazón permanente a este artigo
O NADAL NO MUNDO
Ollade esta presentación do CEIP Xesús San Luís Romero

http://www.xunta.es/linguagalega/o_nadal_no_mundo
Comentarios (1) - Categoría: NADALEANDO - Publicado o 20-12-2012 12:44
# Ligazón permanente a este artigo
1 [2]
© by Abertal