ToupORROutou


Ese

komeŋta (0) - katehoria: ʃeral - feito o 08-05-2011 04:14
# lihasóŋ permaneŋte a este artiho
GALEUS QUE?
CiU exíxelle a Fomento que renuncie ao multimillonario" AVE galego
komeŋta (0) - katehoria: ʃeral - feito o 15-03-2011 23:50
# lihasóŋ permaneŋte a este artiho
grazas a ti por seres libre
Obrigado por iso
komeŋta (0) - katehoria: ʃeral - feito o 06-03-2011 02:26
# lihasóŋ permaneŋte a este artiho
Falo galego porque non son un acomplexado
komeŋta (0) - katehoria: ʃeral - feito o 18-02-2011 11:17
# lihasóŋ permaneŋte a este artiho
Hablen español, already
Hai boas razóns para debater que papel deben xogar as linguas minoritarias alí onde as haxa. Hai poucas razóns para ser tan sarcásticos sobre esta cuestión como o foi Giles Tremlett en The Guardian hai uns días, cando España comezou a permitirlles aos senadores debater en vasco, valenciano, catalán e galego:
A Cámara Alta do Parlamento español xerou polémica ao lles permitir aos senadores debater en cinco das linguas do país, con intérpretes contratados para converter as súas palabras a unha lingua que todos eles falan perfectamente: o castelán.
Vamos co sarcasmo: cítanse ?críticos? e un editorial mordaz. Despois vén a escena na que os senadores castelanfalantes son ?obrigados? a quitar os seus auriculares cando un senador fala catalán, unha estimación de canto vai custar, e a dose de malhumor do lider da oposición conservadora: ?Algo coma isto non pasaría nun país normal?
Despois, figura unha descrición bastante precisa da situación lingüística en España: o 11% do país son falantes nativos dun idioma minoritario, e arredor dun terzo dos españois coñécenos e úsanos con regularidade. O que non se mencionou foi o feito de que estas non son intromisións mal recibidas no Edén castelánfalante senón linguas indíxenas faladas alí desde que os vascos se presentaron na prehistoria e o latín se excindiu en galego e catalán antes de que España existise.
Tampouco se menciona unha das razóns polas que relativamente pouca xente domina as linguas minoritarias: As políticas de una bandera, una patria, una lengua de Francisco Franco, que prohibían todo, desde os nomes cataláns até os rótulos das tendas en vasco.
Isto fixo que as rexións minoritarias endurecesen as queixas, queixas que son agravadas cando os castelanfalantes (e os de fóra) os tratan coma apestados por quereren falar o seu propio idioma no seu propio país.
Os ?países normais? que se adaptan a isto son Canadá, Nova Zelanda, Bélxica, Sudáfrica (con 11 linguas oficiais), A India e moitos outros. Unha vez máis, isto non quere dicir que todas as minorías deban ter todos os privilexios. Pero dicir que os senadores só deben falar a lingua común é esquecer que esa lingua ?Común? é unha lingua estranxeira para moitos españois. Lembrando que, e tomando en serio as queixas, é o mellor xeito de mantelos felices en España.


texto orixinal

komeŋta (0) - katehoria: ʃeral - feito o 01-02-2011 19:55
# lihasóŋ permaneŋte a este artiho
Filloas recheas de marisco
Aquí vos deixo unha das receitas que fixen nestas datas. Realmente riquísima e non dá moito traballo.

Ingredientes:
ovos, sal, caldo de marisco, fariña, graxa de porco (ou aceite de oliva)para facer as filloas.
cebola, allo, lagostinos (mellor que non sexan dos cocidos, así aprovéitanse as cunchas e as cabezas para o caldo de marisco), espinacas, bechamel.
Elaboración:
Prepárase un amoado feito con ovos, sal, caldo de marisco e fariña e fanse as filloas. Resérvanse.

Para o recheo picaremos unhas cebolas e uns dentes de allo e rustrirémolos. Despois engadiremos os lagostinos pelados en anacos e deixaremos que se fagan un par de minutos.Despois bótanse as espinacas cocidas e un pouquiño de sal. Por último prepararemos unha bechamel e xuntarémoslla ao recheo.

Agora xa se pode meter o recheo nas filloas e envolvelas en cilindros.
Meter no forno uns 3 minutos e a comer.

Xa me diredes.
komeŋta (1) - katehoria: ʃeral - feito o 27-12-2010 13:07
# lihasóŋ permaneŋte a este artiho
XI

Nos eidos da República abrollan os vezos da monarquía. A poda doulles vitalidade. O caciquismo e a inxustiza volven a inzar as terras hispanas.
Hoxe asasinan a un rapaz (o meu primeiro amigo de Badaxoz), que por defender as reivindicacións dos traballadores co ardimento inesperto da súa mocedade , morre a mans dunha cría do caciquismo reverdecido.
Onte intervén a Delegación do Traballo para evitar que os ricos terratenentes negocien coa fame dos campesiños, pois xa se estaban pagando xornaes de tres pesetas a homes que non atopan ocupación máis que nos cincoenta días da sega. ¡Trinta pesos para todo o ano!
¿Que é esto? ¿Onde teñen a concencia eses homes que andan a falar de sentimentos relixiosos feridos? ¿Que fan os verdadeiros cristiáns, que non coutan o egoísmo criminal dos propietarios da terra?
Eu creo que ningún galeguista, por arredado que se atope de nós, concordará coas forzas reaccionarias campantes agora en toda Hespaña. Creo que ningún galeguista pode sentir a necesidade dunha caracterización dereitista do seu ideario nestes intres de guerra incivil.
E no correio de hoxe recibo un manifesto político, arranxado con enxeñosos artificios de lingoaxe, para disculpar unha posición ilexítima dentro do noso campo. Trátase, nada menos, que de crear unha ?dereita galeguista?, lanzando a irmandade dos ?bos e xenerosos?, cando máis rexa debe ser a súa compenetración.
Pois ben; quero que seipan os firmantes do manifesto e todos cantos acudan á súa chamada, que eu ?galeguista nato- opoñereime a calquera entendimento político con eles, porque non creo na fortaleza dos seus sentimentos patrióticos, nin estou disposto a deixarme convencer con ádoas de vidro.

Quixera compor eiquí longas parrafadas para demostrar que os escrúpulos de carácter social e relixioso que agora sinten os chamados ?galeguistas de dereita?, xurdiron , dispois do desastre electoral por influencias esteriores, eisóticas. Quixera demostrar como a fuxida dalgúns galeguistas obedece, máis que a diferenzas políticas, a comodidades persoaes. Quixera demostrar que a teima secesionista foi provocada pola fervenza reaccionaria que baixou da meseta castelán. Quixera demostrar que os galeguistas que se arredan de nós coa intención de amingoaren a nosa forza, poñen a Galiza por debaixo doutros intreses , que nin tan siquera son espirituaes. Quixera demostrar que un galeguista verdadeiramente cristián non ten por qué arredarse do noso partido, nin para preservar o cristianismo da nosa Terra nin para salvar a súa propia alma. Quixera demostrar, en fin, que esas ?coincidencias fundamentaes de orde ideolóxico?, que eles invocan no seu manifesto para chegarmos a un entendimento político, son, xustamente, as que nosmanterás sempre arredados.
Eu podería demostrar todo eso con tanta lóxica como a que empregan os ?galeguistas de dereita? no seu escrito, pero faríao con máis emoción e menos artificios. Non o fago porque aínda non se consumou a fazaña.
De todos os xeitos abonda co dito para que ninguén crea que se trata dunha iñorma de táctica ao uso para ensanchar a base do galeguismo polos dous estremos. Non; a política do galeguismo correspóndelle enteiramente ao noso partido, a non ser que xurdise outro máis avanzado no senso nacionalista e con opinión deabondo para facerse respetar. Non nego a necesidade dunha escisión do Partido Galeguista na hora en que a nosa Terra conquira os seus anceios mínimos de liberdade; pero nego a comenencia de facelo agora; e aínda que o galeguismo acordase neste intre formar dúas forzas de siño contrario, sempre contaríamos con homes máis firmes para erguer bandeiras e facer chamamentos.


Castelao. Sempre en Galiza. Adro
komeŋta (0) - katehoria: ʃeral - feito o 20-12-2010 14:15
# lihasóŋ permaneŋte a este artiho
O remorso d'as estátoas e a dinidade d'o silenzo
Xa chegou o 25 d'o mes de Santiago e as follas impresas espallarán pol-a nosa terra unha copiosa antoloxía de lugares comúns alaudatorios d'un pintoresco e deprimente pseudo-galeguismo. Pero ningún xornal pubricará a diatriba d'a nosa carraxe, a acusación d'o crime de todos ou a proclama d'a nosa Revolta.
Quixéramos comezar decindo "dentro de poucos anos..." Pero prívanol-o ise convenio tácito que leva adiante unha conspiración contra o tempo. Quer-se prescindir d'o tempo, deixal-o só; e non fica máis volta que comenzar decindo:
Dentro de moitos anos, n-unha república libérrima celebrara-se a gran festa nazoal. Antre as múltiples bandeiras celestes, n-a voz emoveita d'o antergo, d'as guedellas ruzas e cansas lostregará iste anatema: Cando a Patria sofría escravitude os nosos pais dedicaban-se a celebrar iste día con artigos xogo-floralescos."
A sua voz chegará tamén ás prazas d'atrasmán, ostentadoras (como non?) d'as estátoas pretéritas de tantos "ilustres patriotas" que hoxe andan danzando pol-a nosa pantalla cinegráfica. E as estátoas dialogarán pra rematar decindo: "Temos escrito tantas toneladas de papel en bagatelas (a "terriña", a "casiña", a "vaquiña") que chegamos a faguer o pedestal d'unha estátoa de carne e óso pendurada d'o adival d'unha forca coma a de calquer anónimo rapaz pistoleiro e dinameteiro"
O que eu lle desexo a calquer mozo galego é que mañán non teña o remorso d'a estátoa de bronce. A nosa terra precisa poucas estátoas xogo-floralescas pero moitas estátoas de carne e óso penduradas d'o adival d'unha forca.
Pol-o demais, todo un ano de cotiáns claudicacións, de unánimes cobardías, de vergoñosos desleigamentos coleitivos, non pode ser rescatado n-o día de hoxe con uns golpes mais ou menos sentimentaes ó consabido tópico d?a "terriña meiga".
Si os nosos azos non chegan a exemplarizar unha folla d'a Hestoria c'un patriótico "Apóstol de Sangue", xemeo d'o Corpus catalán (1), o silenzo é o mais decoroso.

Manuel Antonio

(1) Estase a referir á revolta protagonizada polos labradores cataláns (Gurre d'els segadors) o 7 de xuño de 1640, que protestaban pola presenza de soldados casteláns na cidade.

komeŋta (0) - katehoria: ʃeral - feito o 19-11-2010 13:51
# lihasóŋ permaneŋte a este artiho
Cogito ergo sum. Hespaña non pensa, logo non existe.

Manuel Antonio
komeŋta (0) - katehoria: ʃeral - feito o 19-11-2010 13:31
# lihasóŋ permaneŋte a este artiho
Coma nenos píos con disfrace de mártir
reproduzo aquí o artigo de Fran P. Lorenzo censurado pola Editorial Compostela, dona do xornal Galicia Hoxe.
Vaian con isto os meus apoios para o seu autor.

Coma nenos píos con disfrace de mártir


As minorías, sempre despreciadas por Feijóo, van sufragar cos seus cartos a diatriba papal
Despois de séculos de dominación, a Igrexa Católica aínda non se decatou de que o sincretismo relixioso que practica a galega xente non é un estrago calculado da súa doutrina apostólica e romana senón unha creación propia e singular deste pobo, unha máis. Santiago de Compostela é, nese sentido, un fecundo resultado da batalla histórica entre a ortodoxia vaticana e o paganismo local. Tamén o Camiño. Por iso todas as tentativas de reducir a espiritualidade dese roteiro á expresión unívoca dunha suprema fe en Deus son unha manobra avesa, calculada, para capitalizar un símbolo cultural e humano de Europa, patrimonio de todos así recoñecido. Neste sentido a visita do papa Bieito XVI a Compostela deixa fóra desta celebración aos milleiros de cidadáns que non profesan a relixión católica nin lle teñen lei a un dos patriarcas eclesiásticos que máis ten feito por estigmatizar e arredar do seo da Igrexa aos que non asumen a súa fundamentalista visión da fe e as súas teses retrógradas e lesivas, alérxicas ao tempo no que vivimos.

O desembarco papal non iría máis alá da descortesía política coas minorías que non o aturan a súa presenza se non fora porque esas minorías ?máis ou menos masivas, pero sempre despreciadas por Núñez Feijóo? contribúen cos seus cartiños a sufragaren a inminente diatriba papal, disfrazada de mensaxe de amor.

O pasado domingo, nos diferentes oficios celebrados nas parroquias galegas, os cregos xa lle esixiron á freguesía o correspondente imposto revolucionario. A golpe de cepillo, como adoitan facer. Poida que a vontade das ovellas fora substraída polos seus pastores pero ese, sinceramente, non é problema dos que non pertencemos á secta; menos aínda daqueles que nin sequera aspiramos a mudar o eivado rumbo moral da institución. Se os practicantes queren poñer dez euros ou vinte do seu peto para avalaren a operación de márqueting da Xunta de Galicia e coroar un Xacobeo só grande en cifra de turistas, pois adiante. Pero non é admisíbel que ese saqueo millonario das arcas públicas se produza sin consulta previa, amparándose no suposto beneficio que lle reportará á cidade de Santiago a invasión das hordas católicas .

Haberá máis efectos colaterais no decorrer desta visita fetichista e pirotécnica do Papa. A suspensión do espazo civil, a clausura da libre circulación e o desenvolvemento dun estado de sitio efectivo, entre eles. Controis policiais, restrición do tráfico e rexistros domiciliares, incluídos, que afectarán singularmente a todas e todos aqueles cuxa vontade e albedrío van ser vulnerados en aras dun rédito político que, con iso contan os organizadores do sarao, beneficiará a todos os persoeiros que teñan acceso á fotografía oficial.

O alleamento da Igrexa Católica é un feito e velaquí temos un Goberno que subvenciona as proclamas delirantes e as bombas de racimo dialécticas da Conferencia Episcopal Española. Os bispos, os que concelebrarán a eucaristía express do Obradoiro, pedíanlle onte os cativos que na noite de Halloween ?o Samaín céltico, a véspera de Todos os Santos? vistan precisamente de idem, de santos, e non de meigas, nin de zombies, nin de caveiras, para "estimular" a vida cristiá e loitar contra o profano desta celebración tan pouco pedagóxica. Propoño outros estilismos ben máis edificantes e píos: unha Santa Águeda cos peitos cortados encima dunha bandexa, unha virxe romana violada, un San Lourenzo con queimaduras de terceiro grao, ou un San Sebastián, cuberto de plasma e de saetas. Se é certo que o sangue dos mártires é semente da vida cristiá, non sei a que agardan eses pequenos para se sumaren á festa.
komeŋta (0) - katehoria: ʃeral - feito o 03-11-2010 08:40
# lihasóŋ permaneŋte a este artiho
este blɔ esta peŋsado koŋ heada ɛ seseo

kambio iŋmineŋte
 katehorias
 debuʃos
 botaʎe uŋa oʎada
 buska aki
 kolɛhas
 memɔria
 os d'aŋtes




© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0