Somos um grupo de pessoas que decidimos deixar a cidade e re-descubrir a aldeia, e esse é o processo que começamos vai para dous anos.

Definimo-nos como Comunidade Rural pois tencionamos mudar as relaçons entre as pessoas e com a Terra e pensamos que o jeito de o fazer é a várias maos e in situ.

Optamos polo modelo agroecológico desde umha perspectiva integral: nom se trata só do modo de cultivo, mas também do respeito às pessoas que trabalham a terra, a proximidade produtora-consumidora, a integraçom nos ciclos anuais, a recuperaçom do rural galego...

Desde agora publicaremos neste blogue as nossas ofertas e outras notícias que poidam ser do vosso interesse.

A Agenda Labrega Galega, editada desde a Tornajeira, pretende ser umha ferramenta de utilidade para todas aquelas pessoas que dumha ou outra forma trabalham a terra, ou simplesmente para todas e todos os que estades interessados na agro-ecologia.

Trata-se dumha Agenda para o 2014 especialmente pensada para o trabalho no campo, com informaçom de utilidade, fichas de cultivo, planos de horta, tarefas mensais, quadro de associaçom de cultivos... A ediçom deste ano, ademais, inclui um dossier sobre remédios naturais para as principais pragas e doenças da horta.

A Agenda Labrega Galega tem 200 páginas, 15 delas a toda cor, com capas plastificadas e encadernaçom com espiral metálica. Podedes ver umha mostra do desenho da Agenda na seguinte ligaçom:
http://issuu.com/miguelgarciagz/docs/mostra_agenda

Quere-la?

-Se és da comarca de Ourense podes pôr-te em contacto com nós através do correio electrónico tornajeira(arroba)riseup.net para adquirir a agenda a um preço de 10 euros.

-Desde qualquer outro ponto da Galiza podes receber a Agenda na tua casa a um preço de 13 euros (gastos de envio incluídos). Neste caso deves fazer um ingresso de 13 euros no número de conta 3070 0043 09 6086354310 (Caixa Rural Galega). Indica como conceito do ingresso AGL seguido do teu nome. Umha vez feito o ingresso envia-nos um correio electrónico com os teus dados pessoais e receberás a Agenda no praço dumha semana por correio certificado.

-Para solicitar um lote delas (por exemplo no caso de grupos de consumo, associaçons, livrarias...) pom-te em contacto com nós para ver a forma mais económica de fazê-las chegar.

[1] [2] [3] 4