Tokio Ilustración


Nesta páxina recollerei a evolución do traballo de ilustración
Especializado en ilustración científica e banda deseñada, traballei ata o ano 1997 profesionalmente como ilustrador. Aínda que nunca o deixei, nos últimos anos, centreime na faceta meramente científica e de xestión da natureza, polo que quero retomar todo o traballo de ilustración coa forza e experiencia que me deron estes anos.

O meu perfil
tokioilustracion@gmail.com
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Os suevos en Galicia6

Comentarios (0) - Categoría: Xeral - Publicado o 08-10-2010 08:10
# Ligazón permanente a este artigo
Viñeta do Xefe de Mindanao
Esta viñeta da historia do Xefe de Mindanao é fantástica. Nela está retratado o conserxe do museo, uns nenos malotes que se levan un animal baixo a camisa e fan bulra e unhas mestras, unha delas con visóns e bolso de cobra. Unha estampa que caricaturiza a situación moitas veces repetida na porta do museo de despedida dos visitantes.
Comentarios (0) - Categoría: Cousas de onte - Publicado o 08-10-2010 07:47
# Ligazón permanente a este artigo
O xefe de Mindanao
As macabras historias do Museo de Ciencias Naturais foron unha serie de historias con fondo humorístico realizadas no ano 1989.

Están feitas cando estiven no Museo de Historia Natural Luís Iglesias da Universidade de Santiago, onde facía ilustración científica.

Alí aprendín moitas cousas, non só de ciencias.
Un dos traballos que fixen alí foi a restauración duns modelos en escaiola ou cera do século XIX.

No museo había, aínda hai, unha momia filipina que arrepiaba mais que todo o mundo tiña o morbo de ir ver. Estaba agochadiña nunha esquina como para que non se vira ben, mais mantiña o control de todios que entraba no museo. O caso é que un dos investigadores no quería quedarse só cando marchaba o celador porque entráballe un medo arrepiante.

Fixen esta historia que a todos sorprendeu porque non entendían que un tipo que afondaba no eido científico fora quen de facer unha banda deseñada.
Comentarios (0) - Categoría: Cousas de onte - Publicado o 08-10-2010 07:46
# Ligazón permanente a este artigo
A orixe de Aldraxe
Esta carta escrita dende a cadea de Tui é real e foi atopada por min remexendo na hucha do meu avó cando andaba na percura de selos antigos. Cando a atopei, sen saber o que era arrinqueille o selo e tempo despois, sendo consciente do que fixera, considerei de xustiza convertela nun pequeno tesouro. Foi a orixe de toda a historia.

Alfredo López Carballo vivía en San Martiño da Portela, Vilasobroso, Mondariz e morreu no ano 1975 no hospital Cíes en Vigo.

Con esta modesta historia creo ter conseguido que por primeira vez algunha xente lera unha historia de banda deseñada na súa vida, entre eles meus pais, agardo que algúns deles continuarao facendo.
Comentarios (0) - Categoría: Cousas de onte - Publicado o 08-10-2010 07:24
# Ligazón permanente a este artigo
Aldraxe
No ano 1984 debuxei a miña primeira historia longa de 23 páxinas, un libro completo con portada, contraportada e mesmo poesías.

Un guión pésimo cun pobre debuxo, mais unha obra de grande sentimento, unha biografía familiar sobre a represión de 1936 co o asasinato de Severo Paramés e a historia de D. Alfredo López Carballo e o seu agocho soterrado na casa durante tres anos, feito prisioneiro coa ameaza de matar a súa familia e a peregrinación polas cadeas no 1939. Aínda cambiando algúns nomes e bastante fiel á realidade, aínda que nin sequera fun quen de describir os feitos tal e como foron pola súa crudeza, a realidade sempre supera á ficción.

Saíu publicada na Peneira.

Penso que aínda estou en débeda co meu avó e con aquela xeración que sufriu o peor da represión franquista, polo que dende aquela lin todo o que pillei sobre a xénese e desenvolvemento da sublevación fascista e teño en mente unha historia, e debuxadas unhas páxinas tamén perdidas coa avaría do disco externo, e que voltarei retomar algún día.
Comentarios (1) - Categoría: Cousas de onte - Publicado o 08-10-2010 07:22
# Ligazón permanente a este artigo
Unha nova xeira
No ano 1995 decidín poñerme a escrebir un guión sobre unha historia longa que puidera desenvolver sen presas nin presións. Co tempo que pasou denden logo que non me dei presa!!.

Deste xeito, daquela, comezei a facer textos e deseños a tinta. Logo de moitos anos con este proxecto parado, reactiveino despois da primeira vez que asistín ao encontro de ilustradores, hai tres anos ou así, desenterrei a mesa de debuxo e adquirín unha wacom. Sobre todo empecei a destinar dúas horas ao día para poder adicarme a isto, a todas luces insuficientes.

Un novo inconvinte coa perda do 60% de todo por unha avaría informática fíxome retomalo aínda con máis forza, por iso o de facelo público.

Na miña galería da AGPI xa puxen unhas viñetas desta historia.

A idea desta historia é que vaia a dúas tintas, en negro para a liña e un recheo de cor azulado para volumes e sombras, será de ocre para lembranzas. Gostoume a idea e salvo que alguén ma quite da cabeza desenvolvereino así.

Esta viñeta forma parte dunha escea que lle chamo o carro de lume. Un viaxeiro que vai nunha noite chuviosa por un camiño atópase cunhas luces estranas, o que atopa son uns cabaleiros que levan un carro de lume.
Comentarios (2) - Categoría: Xeral - Publicado o 07-10-2010 09:30
# Ligazón permanente a este artigo
A causa do crime
Era una historia de BD-negra viguesa politico-policial, debuxada antes de que saltara todo o tinglado dos GAL, unha premonición ou víase vir?. Saiu publicada na Peneira e en A Nosa Terra tamén creo.

Pola maza de Thor!! está feita no ano 1987, hai vintetrés anos!.

Agún día habería que remasterizala para o grande público.
Comentarios (0) - Categoría: Cousas de onte - Publicado o 05-10-2010 20:40
# Ligazón permanente a este artigo
Banda deseñada
Non foi a primeira banda deseñada realizada, por suposto que non!!. Máis ben foi a última historia longa que fixen antes de soterrar a etapa artística. Lembreime dela recentemente xa que pasei por diante do García Barbón hai pouco.
Comentarios (0) - Categoría: Cousas de onte - Publicado o 05-10-2010 20:38
# Ligazón permanente a este artigo
Escenografía
Hai moitos anos fixen unhas ilustracións de escenografía. Neste caso unhas persoaxes para unha performance que o benquerido Chano Piñeiro quixo facer en Vigo, mais que nunca saíu adiante.
Comentarios (1) - Categoría: Cousas de onte - Publicado o 05-10-2010 20:36
# Ligazón permanente a este artigo
A hucha das lembranzas
Para poñer en marcha este blog remexín un pouco na hucha das lembranzas e así saíron algunhas cousas que deron volta ao corazón, como por exemplo algunhas destas que vos deixo:
Comentarios (1) - Categoría: Xeral - Publicado o 05-10-2010 20:34
# Ligazón permanente a este artigo
© by Abertal
Así como unxa xornada ben empregada produce un doce sono, unha vida ben usada causa unha doce morte. (Leonardo da Vinci)