| Este é um trabalho coletivo: estamos a fazer umha colecçom em rede de fotos de tattoos em galego ou de tema galego. Se queres colaborar, envia-nos a foto da tatuagem a clubedalingua@gmail.com |
|
Umha colecçom de fotos de tatuagens da Galiza, recolhida polo Clube da Lingua - Equipo de Normalizaçom do IES Marco do Cambalhom de Vila de Cruzes.
"Tattoos da Galiza: Palavras à flor da pel" forma parte do nosso projeto "Palabras de Pedra"
"Tattoos da Galiza" escreve-se tamém com NH e LH, em galego internacional, como mostra de que o movimento de defensa da língua tem força na diversidade e todas as persoas e letras que defendem o nosso idioma som úteis e necessárias.
Viva a energia coletiva!
clubedalingua@gmail.com |
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Mais tattoos! |
|
Seguem chegando mais tattoos, todos de homes.
Umha cousa: os tattoos que cheguem despois deste venres 26 de junho nom entrarám no livro "Tattoos da Galiza", mas continuaremos a receber tattoos para mostra-los neste blogue.
Umha curiosidade, em relaçom ao género:
Num reconto rápido, das persoas que participarom com tatuagens escritas em galego 40 som mulheres e 20, homes.
Das persoas que enviarom tattoos sem palavras, 27 som mulheres e 39 homes.
Ou seja, as mulheres enviarom o dobre de tatuagens escritas, com palavras, que os homes, que enviarom mais tatuagens sem palavras. E as mulheres, em geral, enviarom mais tatuagens que os homes.
Lembrade que há persoas que enviarom 2, 3 ou 4 tattoos. E gente da que, por empregar pseudónimo, nom identificamos se é home ou mulher.
...
A Quique de Melide agradecemos-lhe esta tatuagem que fixo polo apelido da sua parelha Abelheira, apelido que lhe transmitirom à sua filha, que sae tamém na foto:
Adrián Fuentes Bautis envia-nos este tattoo "cheo de sentimento":
Miguel Albela envia-nos o seu tattoo do Foucelhas, o guerrilheiro galego antifranquista, baseado num desenho de Castelao!
Pablo Rodríguez envia esta foto e di-nos: "O tatuador foi Javi de T.N.T. Tattoo, hai xa unos cantos anos.... Frase de Castelao e cita que aparece no Escudo de Galiza, (o de verdade ). Pra min ademais da súa orixe, significa a loita continua pola liberdade, pola identidade e pola vida, mortos tamén estaremos libres, pero a escravitude é unha clase de morte."
Colaboraçom internacional do poeta italiano Simone Di Biasio que nos enviou foto com o seu tattoo com verso de Pessoa: "Busco-me e nao me encontro"
 |
|
|
|
|
| As últimas tatuagens que forom chegando... |
|
Companheiras, companheiros, aqui estám os tattoos recibidos nos últimos dias: fan-ta-bu-lo-sos!
Conseguimos o dinheiro para editar o livro graças à ajuda de muita gente e de ITH crowdfunding, assi que em outubro teremos o livro-catálogo dos "Tattoos da Galiza"! Bravo!
Aviso importante: o dia 26 de junho deixamos de recolher fotos de tatuagens para o livro.
Seguiremos recibindo fotos aqui: clubedalingua@gmail.com, e seguiremos publicando neste blogue de forma indefinida os "Tattoos da Galiza", em galego ou de tema galego. Mas o dia 26 fechamos o praço para que cheguem mais tattoos para o livro.
Esta é a última chamada! "Viajeir@s ao trem, galeg@s tamém!"
Vamos alá! E, de coraçom, muitas graças por fazer mais visível, entre muita gente, a nossa língua e a nossa cultura num ámbito até o de agora desconhecido, tam vinculado às identidades persoais e à identidade coletiva, ao desenho, à imagem e à modernidade.
Seguimos no caminho da língua!
...
Rute André envia esta tatuagem e estas palavras: "Acho que representa as morrinhas, penso nas pessoas jovens que todos os dias acordam numha emigraçom forçada, cheias de saudades por estar fora do país, num exílio económico de supervivencia."
Belén Couso envia estas três tatuagens: Umha copa de Mencia, um mapa da Galiza com o Monte Louro ao fondo e umha espiral!
Lara Fernández explica-nos: "Quería tatuarme algo co que me sentíse identificada e, polo tanto, non me arrepentira nun futuro, así que pensei no trisquel, pois representa a cultura celta, a nosa cultura. Primeiro comecei polo pé. Logo animeime a facer o das costas; penso que non acabará aí a cousa..."
Dani envia-nos este tattoo com a torre de Hércules ao fondo. Impressionante!
Xosé Antón envia-nos o escudo heráldico do seu apelido:
Gael Beira envia esta tatuagem feita em Nova York:
Laura Juaneda, da Coruña, envia esta foto: "Miña xoia"
Valentín envia a sua Ilha de Arousa:
Esta é a tuatuagem que envia Fucha da Gudiña:
Foto que enviou Moro Luca: "Todo vai estar ben"
A modelo Mariña Otero envia-nos estas três fotazas com o seu A de desenho galego, de tipografia Castelao, e escreve para nós estas palavras:
"E falo co A de Amor para falar do Amor de irmás. Do berce común como única lingua e do Amor que pola miña terra sinto aínda que sexa na distancia. Sempre en min estás: Antía."
Diego Quinteiros Rodríguez envia-nos o seu tattoo e explica:
"Presento a ultima tatuaxe que me fixen, a idea era poñer en estilo "vella escola" o conto do Cousas de Castelao de "Nunha eirexa da montaña". Fíxomo "Iván Cerro Molina" en "Tatuaxes Costa Oeste" en Vigo.
Tattoo celta de Jorge Borrego:
E Eva GZ envia estas duas fotos: "Homenaxe a Galiza" en proceso. Choiva, mar, a Torre de Hércules... O melhorcinho do noso país
Júlio Carvalho enriquece a nossa antologia de poesia galega com estes versos de Manuel Antonio: "O cadavre do mar fixo d´o barco un cadaleito"
Ricardo Rei, Ricardo de Rus, envia esta foto do seu tattoo!
Tania Domínguez:
"Gratitude e amor en cada nota;
Aquí e agora o camiño me namora"
Diego López Curros envia estas fotos:
No peito, Non Te Esquezas tatuado en Unity Tatto, Granada.
Na perna, protocolo FTM, Faino Ti Mesmo, en referencia ao protocolo DIY (Do It Yourself), que se refire á práctica da fabricación ou reparación de cousas por un mesmo, aforrando diñeiro e aprendendo ao mesmo tempo. É unha forma de autoprodución sen esperar a vontade doutras persoas para realizar as convicións proprias. Tatuado en Lost Souls Tattoo por Ramón Guitián.
E un trisquel feito en Akelarre Tattoo por Joaquín, Compostela.
|
|
|
|
|
| A nossa literatura nos tattoos da Galiza |
|
Lupe Gómez, Celso Emilio, Cunqueiro, Lois Pereiro, Maria Rosendo, Manuel Antonio, Ledicia Costas, Castelao, Novoneyra, Afonso X o Sábio...
Quem podia esperar que a nossa literatura tamém estivesse escrita sobre os nossos corpos, em tatuagens que passarom do papel à pel?
Pois si! E conformam a primeira "Antologia da Literatura Galega sobre a Pel"
Graças à gente que enviou fotos dos seus tattoos, compartindo a sua intimidade, hoje podemos ler alguns dos melhores versos e frases da nossa literatura.
Este é um novo motivo para apoiar e conseguirmos entre muita gente poder converter este blogue num livro de papel, através da campanha de micromecenado: "Tattoos da Galiza"
Vamos alá!
Ro Seque, Rosana Sequeiros participa com duas tatuagens! Tremendo o poema de Rosalia sobre a sua pel. Linda e rebelde, a sereia, a sorrir. E o primeiro "Denantes mortos que escrevos", de Castelao.
Charo López e Eduardo Pondal: "Segue o caminho das boas e generosas", feminista e pondaliano, curiosamente ;)
Xisela Fuciños enviou-nos estas duas fotos maravilhosas com o verso de Pessoa!
Autor da foto: Pietro di Blas
Nébeda Nébida Nebi entrega-nos isto: "Envíovos a miña primeira tatuaxe. Na súa orixe foi unha humilde homenaxe a aqueles versos de Manuel Antonio que aparecían en De catro a catro:
Eu son.
O meu nome acenderá
unha estrela nova
en cada constelación.
Gustoume tamén a rotundidade da frase, o seu minimalismo e o pouso identitario.
Hoxe gústame completala con palabras que me definen e me lembran o que EU SON.
*Fotografía: Karlos Abal."
Lucía Teijeiro Lorenzo envia duas tatuagens mui especiais e conta-nos:
"Ela estaba lonxe de todo. Todo estaba ao seu carón..." é un verso de Álvaro Cunqueiro, dun dos poemas de amor dun dos nosos libros favoritos: "Poemas do si e non", de 1933
ELA -POEMA 5
No meio do seu peito os veleiros armaran unha rede tímida
que tiña unha voz chea de lámparas i eclipses
e un párpado tecido polos ventos.
Ela seguía sendo universal e nidia.
Unha gorxa chea de distancias
era a frauta que encantaba os ecos esquecidos no funda das
correntes mariñas,
permutadas de cauces onde as illas mouras dos seus ollos.
Ela estaba lonxe de todo. Todo estaba ao seu carón.
...
De feito, Lucía tirou unha das súas fotos en Mondoñedo, a terra autor de "Merlín e familia", e por detrás dela vese ao escritor que deixou escrito na súa lápida: "Eiquí xaz alguén que coa súa obra fixo que Galicia durase mil primaveras máis"
Hector Hermilla comparte com nós a foto da sua tatuagem com os últimos versos do poema "Longa noite de pedra", de Celso Emilio Ferreiro: ?Os corazós dos homes que ao lonxe espreitan feitos están tamén de pedra e eu, morrendo nesta longa noite de pedra
E Paula Chaves Pérez enviou-nos este tattoo com versos de Lupe Gómez:
Paula Chaves, que grande é!, enviou-nos tamém este verso do grande poeta da Terra Cha: Lois Pereiro!
Umha honra para a coleçom!
Sonia, de Vilagarcia, A Ferreira de Soilán, envia-nos este tattoo musical, que nos deixa umha copla popular na boca:
"Teño pena e aleghría,
teño dous males a un tempo,
cando a pena me mata
a aleghrìa dáme alento."
E conta-nos: "Levo dende os 18 anos cantando e tocando a pandeireta, agora teño 36...así que máis da metade da miña vida está ligada a este instrumento e á cultura galega. Sempre souben que me tatuaría algo que manifestase este vínculo, pero non tiña moi claro o deseño nin o sitio. Despois de moito pensar e de 14 tatuaxes xa no meu corpo, vino claro e aquí está o resultado. A copla é unha das que cantamos no meu grupo e síntome identificada con ela, ademais de parecerme preciosa. Espero que vos guste!
Bego Costas enviou estas fotos desta tatuagem com um verso de Ledicia Costas e conta-nos: "A tatuaxe representa os versos dun poema da obra Xardín de inverno, de Ledicia Costas: "Pero en lugar da voz, saíulle unha perla con forma de estrela mariña".
"Hai catro cabalos na miña habitación danzando" verso de Lupe Gómez e foto de Manu Lago.
Xiana Quintas, Xaia Queen, entrega-nos este verso e conta: "Eu son a autora da foto, non a dona da tatuaxe. Esta foto é unha captura analóxica en tratamento dixital dunha proxección doutra foto minha sobre un corpo nú e tatuado! Espero que gosten."Vivo ata morrer"
E Raquel Rei suma mais poesia à nossa antologia de literatura galega contemporánea, neste caso um verso de Maria Rosendo: "Assomada todo o tempo ao verbo incomodar".
Sabela Santin envia-nos estas fotos e este texto: "Fixen este poema de Uxío Novoneyra, un dos meus poetas favoritos. É o meu preferido por moitos motivos.
O máis importante é por que el é do Courel, igual que meu pai. E por que eu, cando vou, síntome ben e feliz de estar no paraíso!
O debuxo é unha folla de castiñeiro, xa se sabe que as castañas do Courel son inconfundibles, dentro da folla hai dúas iniciais que son de catro persoas moi importantes na miña vida, o J, de Josefa e Julia, e o A, de Antonio e Amador. Eles son meus avós, e meus padriños do Courel!
Aínda non se aprecia ben por que está recén feito..."
Xosé Antón Liste envia este tattoo com um fragmento dumha das Cantigas de Santa Maria:
Román Gonzales, de Yakuzza Tattoo & Piercing, desde Vigo: "Denantes mortos que escravos!"
Carol Laya, tamén desde a emigraçom, escreve: "Velaqui a minha pequena contribución. A frase? Simplemente algo que nunca deberiamos esquecer e para non esquecelo nada mellor que levalo na pel de por vida"
Eva Arias envia-nos outra tatuagem: "Denantes mortos que escravos", Castelao, sempre!
Sara da Silva:
Cristina Prieto Ledo: "Denantes morta que escrava"
Iván Gallego, desde o Morrazo, enviou-nos as palavras e a sereia da sua perna: "Denantes mortos que escravos"
E mais um de Cristovo:
Sergio Simons enviou-nos estas duas fotos e explica-nos: "Déixovos a miña tatuaxe, que tanto me custou decidir, coa miña frase favorita do meu escritor preferido "Denantes mortos que escravos" E tamén ese momento de dor e alegría de facerme a miña primeira tatuaxe. Por suposto, dicir que me encanta a idea que tivestes facendo este concurso, un absoluto acerto, ao xuntar a nosa lingua e identidade coas últimas tendencias, deixando claro que o galego non é pasado, se non que só mira cara ao futuro"
trisquel/denantes + foto máquina
Lucia Fernández, de Lugo e um "Denantes mortos que escravos":
|
|
|
|
|
| Terrino, com nós! |
|
Um dos participantes no Concurso "Galiza à flor da pel", Terrino, acompanhou-nos e contou-nos um monte de cousas sobre tattoos, petróglifos, cultura galaica e galega, património e amor polas nossas cousas. Deveriamos valorar mais o que temos e é nosso e de todo o mundo ao mesmo temo, o que nos identifica, como nos explicou o grande Terrino. Por que nom podemos nós, Galiza, exportar tattoos dos nossos petróglifos como Nova Zelándia exporta tattoos maoris? Pois isso, a dar-lhe valor ao nosso, que ademais de ser de aqui é universal!
Gracinhas por vir ao nosso Instituto, foi todo um pracer conhecer-te!
E já sabedes que precisamos a vossa ajuda: se queres ter o teu livro "Tattoos da Galiza", que estamos a intentar financiar com umha campanha de micromecenado, só tes que entrar aqui: "Tattoos da Galiza"
 |
|
|
|
|
|
|
