| Este é um trabalho coletivo: estamos a fazer umha colecçom em rede de fotos de tattoos em galego ou de tema galego. Se queres colaborar, envia-nos a foto da tatuagem a clubedalingua@gmail.com |
|
Umha colecçom de fotos de tatuagens da Galiza, recolhida polo Clube da Lingua - Equipo de Normalizaçom do IES Marco do Cambalhom de Vila de Cruzes.
"Tattoos da Galiza: Palavras à flor da pel" forma parte do nosso projeto "Palabras de Pedra"
"Tattoos da Galiza" escreve-se tamém com NH e LH, em galego internacional, como mostra de que o movimento de defensa da língua tem força na diversidade e todas as persoas e letras que defendem o nosso idioma som úteis e necessárias.
Viva a energia coletiva!
clubedalingua@gmail.com |
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Tattoos da Galiza 2016 |
|
Tattoos da Galiza: 2º convocatória!
Galiza, à flor da pel!
2016
2º Concurso de fotos de tattoos em galego e de tema galego
Despois de termos reunido mais de duascentas tatuagens no nosso blogue www.blogoteca.com/tattoosdagaliza, e publicado o livro "Tattoos da Galiza", o Clube da Lingua-Equipo de Normalizaçom do IES Marco do Cambalhom de Vila de Cruzes organiza a segunda ediçom do concurso de fotografias de tattoos "Galiza, à flor da pel"
O nosso objetivo é visibilizar a nossa língua e a nossa identidade a formarem parte da cultura do tattoo, umha forma de expresom moderna, criativa e comunicativa.
Desde há várias décadas a tatuagem ganhou sona como expresom artística. Muitas galerias de arte contemporánea exponhem fotos e desenhos de tatuagens. E som muitos os livros e exposiçons a nivel mundial que se interessam por este tema.
A utilidade das tatuagens é diversa ao longo da história: identidade, cosmética, religiom ou feiticeria...
Este concurso nom tem como finalidade que a gente se tatue. Cada quem que faga com o seu corpo o que deseje, tendo sempre em conta as indicaçons sanitárias e o bem da saúde.
A nós o que nos interessa é conhecer, num processo de participaçom em rede social, as tatuagens que a gente leva tatuadas no seu corpo. Temos muita curiosidade!
A nós, na Galiza do século XXI, interesa-nos conhecer as tatuagens da gente que dediciu gravar na sua pel palavras da nossa língua ou motivos gráficos da nossa cultura.
Participa, forma parte, queremos facer algo grande entre muita gente: um album de fotos dos nossos tattoos!
Dirigimo-nos especialmente a outras Equipas de Normalizaçom dos Institutos da Galiza: Compas, participade!
Neste concurso há duas categorias:
1. Palavras tatuadas. Envia-nos umha ou mais fotos dumha tatuagem com algumha palavra escrita em galego, em qualquer norma. A foto tem que ser original.
2. Galiza em imagens : Envia-nos umha ou mais fotos dumha tatuagem de temática galega, com iconografia ou simbologia made in Galiza.
Co material recibido faremos umha exposiçom no nosso instituto (que despois cederemos para que rule por outros centros de ensino, asociaçons, locais sociais, etc), publicaremo-los no nosso blogue www.blogoteca.com/tattoosdagaliza, e intentaremos editar umha publicaçom em papel.
Condiçons:
As tatuagens tenhem que ser permanentes.
O prémio recibira-o a autora ou autor da foto. Nom é necessário que a persoa tatuada se identifique, ainda que se o fai seria mui interessante.
Prémios: Haverá três prémios para os tres tattoos que mais nos molem em cada categoria. Os prémios consistirám num lote de livros e Cds editados polo Clube da Língua.
Prazo: Do 9 de março ao 1 de maio de 2016.
As fotos enviaram-se ao correio electrónico clubedalingua@gmail.com ou ao facebook do Clube da Língua, (Clubeda Lingua) por mensagem privada, achegando os datos persoais (nome e apelidos, teléfono de contacto, etc) da persoa autora da(s) foto(s) e toda a informaçom adicional que se queira.
Clube da Lingua / Equipo de Normalizaçom e Dinamizaçom da Língua do IES Marco do Cambalhom
Vila de Cruzes
|
|
|
|
|
| "Tattoos da Galiza", o livro |
|
O livro "Tatos da Galiza" é a primera publicaçom de fotografias de tatuagens na história do nosso país.
O livro é o resultado dum proceso de micromecenado impulsado polo Clube da Língua do IES Marco do Cambalhom de Vila de Cruzes, a Fundación Uxío Novoneyra e ITH Crowdfunding, e a sua publicaçom é possível graças à participación de mais de 150 mecenas.
"Tatos da Galiza" recolhe mais de 200 fotografías a car de tatuagens em galego ou de tema galego que o Clube da Língua foi agrupando através da rede social, conseguindo reunir umha ampla gama de desenhos em galego ou de temática galega, desde petróglifos ou sereias de Castelao até versos de Lupe Gómez, Maria Rosendo ou desenhos de Leandro Lamas.
"Entre muita gente conseguiu-se fazer visível umha coleçom de fotos de tatoos esteticamente mui fermosa e eticamente vinculada a princípios de justiça social. Toda umha obra de arte e de comunicaçom coletiva fruto dum proceso de participaçom social intenso e cheio de emoçons", explicam desde o Clube da Língua.
O livro é fruto dum projeto de participaçom social no que colaborarom centos de persoas que enviarom fotografias de tatuagens em galego ou de tema galego para o Concurso "Galiza à flor da pel".
O Clube da Língua explica que "esta é umha iniciativa sem ánimo de lucro, o Clube da Língua fai as atividades que fai porque é umha obriga dos Equipos de Normalizaçom Lingüística dos centros de ensino trabalhar a favor da normalidade social da nossa língua. E porque pensamos que promover a nossa língua é umha questiom de responsabilidade cidadá.O livro é umha ferramenta para autogestionar as nossas actividades, desde excursións até conferências ou concertos para impulsar a nossa língua"
Segundo Marcial Gondar, o projecto Tattoos da Galiza "busca formas actuais da identidade galega, o que lhe dá vitalidade, fazendo dialogar passado e presente".
O livro tamém conta com as palavras do desenhador gráfico Pancho Lapeña que asegura que o livro "é umha boa radiografia de como está o desenho identitário na Galiza", explicando que entre as numerosas tatuagens que podemos olhar neste livro há imagens tópicas e innovaçons interessantes, valiosas polo que tenhem de excepcional.
Desde o Clube da Lingua aseguran que "este projeto permitiu-nos descobrer algo que ninguém imaginava: as Galizas que levamos tatuadas na pel. Este livro fai visível o passo do íntimo ao coletivo, da persoa à identidade social. E viceversa. É unha pequena representaçom da identidade galega, complexa, tradicional e renovada. Ao fazer permanentes as tatuagens sobre o corpo, transmite-se a ideia de que se fam permanentes a nossa língua e a nossa identidade, em crise, a se debater entre a resisténcia e a criatividade. As tatuagens dam-lhe visibilidade à nossa lingua e cultura nuns ámbitos pouco vísiveis nos medios de comunicaçom convencionais da Galiza: os espaços nos que a língua existe naturalmente asociada às últimas tendéncias, à modernidade, à atualidade, à vangarda, à gente nova, às últimas geraçons."
Segundo Lucia Puentes, da Biblioteca do IES Marco do Cambalhom: "Neste século XXI, cando en aras da globalización os peixes grandes engolen convoracidade insaciable os pequenos e ás linguas minoritarias se lles nega o pan e o sal, invocando pouco menos que as leis do mercado, un puñado de mozos e de mozas desta terra decidiron deixarse a pel para converterse en testemuñas vivas do instrumento que atesoura o noso acerbo cultural: a lingua galega. Unha lingua que aman ata o punto de levala, verdadeira e literalmente, incorporada."
Desde o Clube da Língua explicam que se sentem agradecid@s com a gente que participou no projeto "porque compartíssedes com nós, com a rede social, a vossa criatividade, a vossa vontade de comunicaçom, a vossa alegria, a vossa Galiza, a vossa pel."
O LIVRO PODE-SE CONSEGUIR, NESTA ALTURA, NO IES MARCO DO CAMBALHOM, EM VILA DE CRUZES, NA LIBRARIA LILA DE LILITH, EM COMPOSTELA, E NA LIBRARIA ALVARELLOS DE LALIM.
PARA COMPRA-LO POR INTERNET: http://caligramalibros.com/pt/buscar?orderby=position&orderway=desc&search_query=tattoos+da+galiza
A primeira ediçom é de 300 exemplares e o preço, 18 euros. Os benefícios da venda do livro estám destinados integramente para o desenvolvimento de atividades do Clube da Língua do IES Marco do Cambalhom.
Para mais info: clubedalingua@gmail.com |
|
|
|
|
|
|
