Dende a comisión de Convivencia do cole, propuxéronnos unha actividade colectiva, entre todos imos crear unha flor de 9 pétalos, un por cada aula e a cada aula asignáronlle unha palabra para traballar sobre ela e plasmala no seu "pétalo".
A nós toucounos a "TOLERANCIA" , miramos algúns vídeos relacionados coa tolerancia e tentamos comprender a súa importancia en todas as nosas accións.
Acó vos quedan algúns dos vídeos que miramos.
Estamos chegando ó final do curso e decidimos expresar o que máis nos gusta ou o que máis nos gustou do que vivimos este ano no cole.
Como o noso cole é Santiago de Oliveira, decidimos facer unhas "olivas xigantes" nas que escribimos os nosos pensamentos positivos sobre o vivido este ano. Polo outro lado pintámolas da cor da oliva e despois baixamos ó patio e de un en un colgámolas na Oliveira que temos no patio do colexio. Acó vos quedan unhas poucas fotos.
O pasado mércores, antes do recreo, tivemos unha actuación de títeres para tod@s no ximnasio do cole.
Ademais de música en directo, tamén aprendemos que non podemos esquencernos dos contos porque os seus protagonistas escapan deles cando ninguén os recorda. E logo teñen que buscalos, para devolvelos ó seu conto.
Estes días en Coñecemento do Medio estamos traballando un pouco sobre o turismo, viaxar, as vacacións, praia, montaña.. museos..
E hoxe estivemos falando do que eran as BANDEIRAS AZUIS , e que quere dicir que unha praia teña unha bandeira azul, que requisitos debe ter.
Por outra banda tamén comentamos que Galicia é a comunidade autónoma que ten máis bandeiras azuiS.
O que indica que ademais de ter praias excepcionais tamén contan con recursos ó servizo dos e das bañistas.
Acó vos queda un artigo do Xornal sobre as Praias con bandeira Azul deste ano 2011.
Hoxe tivemos conferencia dobre:
Por unha banda Alejandro falounos da festa do Requeixo das Neves. Explicándonos cando foi, o que había nesta festa, e as diversas formas nas que podemos tomar o requeixo. E que foi a primeira vez que tomou requeixo !!!
E pola outra Yoel falounos do noso planeta : A Terra. Explicándonos a súa idade, os continentes que o compoñen, e os países que hai en cada un deles, , a súa división terra/auga e moitas cousas máis.
Ambas conferencias estiveron moi moi interesantes!!.
Hoxe tamén contamos como público invitado cos nenos e nenas da clase de 1º, ós que lles agradecemos a súa colaboración.
Acó vos queda unha foto dos conferenciantes de hoxe en plena exposición.
