Hoxe 21 de marzo conmemóranse moitas cousas.. o día internacional da poesía, o día internacional da natureza/floresta... o día internacional do Síndrome de Down, e tamén o día contra o racismo...
E a maioría das veces o 21 de marzo marca o comezo dunha nova estación:
a primavera. Aínda que iste ano comezou o DIA 20
E se fose pouco, ademais hoxe é o aniversario de Vania.
Celebrono con nós no colexio, fixémoslle un debuxo e
trouxonos un agasallo para cada un.
Estas dúas semanas previas ás vacacións, os nenos e nenas do primeiro ciclo estamos traballando conxuntamente sobre Kandinsky.. fixemos xa dúas sesións conxuntas, nas que vimos obras súas, e aprendimos un pouquiño sobre el..
E para a semana faremos as nosas propias creacións.. e tamén as nosas versións dalgunha das súas obras.
Acó vos queda un dos vídeos que miramos e que nos gustou moito.
E acó vos quedan unhas pouquiñas fotos .. nas que se ve o moito que traballamos.
O primeiro ciclo preparamos unha actividade na que tiñamos que falar dunha muller , da muller que consideramos máis importante, unha muller da nosa familia, importante para nós.. Explicar porqué o é e dicir como é ela.. Ademais de adxuntar unha foto ou debuxo...
E con todo ise material fixemos un MURAL ben chusquiño.
Ademais tamén pintamos uns debuxiños de MAFALDA porque sabemos que ela non soporta as inxustizas.. e que quere un mundo mellor.
E por último visionamos un vídeo sobre o conto de Rosa Caramelo que nos fixo pensar moito..
E escoitamos esta canción que as nenas e nenos de 2º xa case sabemos de memoria.
O pasado martes día 5 os nenos e nenas de 1º, 2º e 3º fomos de excursión a VIGO.
Comezamos o día cunha obra de teatro nas dependencias de NOVACAIXAGALICIA
E despois de merendar adentrámonos na exposición BALEA NEGRA
A BALEA NEGRA é un proxecto expositivo que toma como punto de partida a crise provocada polo accidente do buque Prestige o 13 de novembro de 2002, o mesmo día que se inauguraba o MARCO, para documentar e rememorar aqueles días convulsos e para abordar algunhas das cuestións máis incitantes do noso tempo: a explotación da natureza, o legado do colonialismo, a historia da modernidade, o mito do progreso indefinido, o comercio marítimo, a globalización, os movementos sociais ou a guerra. ( texto tirado da páxina web do MARCO.)
A exposición encantounos, e estivemos atentísimas e atentísimos a todo o que nos explicaron as guías do museo.
