Seguimos coa proposta de Olirei dunha viaxe polo mundo.
Desta volta estamos preparando o ENTROIDO. Cada clase vaise disfrazar de algo representativo do país sobre o que está traballando.
E nós imos ir caracterizados de "Homens da Luta", coa canción que presentou Portugal no festival de Eurovisión no 2011, A LUTA É ALEGRÍA.
Para entender un pouco mellor a indumentaria deste grupo musical composto maioritariamente por actores. Tivemos que profundizar no porqué dos caraveis ( ou cravos ) que levan, as pancartas e as consignas.
Para iso vimos este vídeo que explica que foi iso da "Revolução dos Cravos".
Unha vez entendido o significado deses caraveis, e da roupa que levan que parece antiga... ( alá polo 1974) puxémonos a preparar os nosos disfraces...
Nestas últimas semanas estivemos aprendendo e repasando as cousas que sabiamos sobre as plantas.
Recordamos as partes das plantas, os tipos que podemos atopar, falamos das formas das follas, das árbores, tamén se son de folla caduca ou perenne, aprendemos vocabulario e cousas novas , recordamos outras que xa sabíamos.
Froitas, verduras, hortalizas, que obtemos das prantas, o importantes que son para a nosa vida e moitas cousas máis.
