@s pequech@s da Oliveira


Aquí estamos, somos a clase de 2º do colexio Santiago de Oliveira e... as nosas inquedanzas!








Esta web apoia á iniciativa dun dominio galego propio (.gal) en Internet

O meu perfil
 OUTRAS FRAGAS...
 CATEGORÍAS
 ARQUIVO
 ANTERIORES

Traballando sobre a terra..a auga..o solo...
Istes días estamos aprendendo algunhas cousiñas sobre a AUGA.
Temos claro que podemos atopala en 3 estados, que é insabora, incolora e non ule...
E xa temos dominado o ciclo da auga.

Tamén aprendemos algunhas cousiñas sobre a atmosfera. E utilizamos a metáfora dun paraugas invisible para nós e que nos protexe do Sol, pero claro a contaminación fai buraquiños nise paraugas.

E por último repasamos un pouco o visto nos últimos días, as capas da terra.
COMENTARIOS (0) - Categoría: Cousas da clase - Publicado o 28-02-2015 21:50
# Ligazón permanente a este artigo
24 de febreiro , día de ROSALÍA
Hoxe 24 de febreiro conmemórase o Día de Rosalía xa que naceu o 24 de febreiro do ano 1837.

É unha das meirandes escritoras en lingua galega así como tamén unha das principais responsábeis do Rexurdimento galego decimonónico. O 17 de maio, Día das Letras Galegas celébrase co gallo de ser a data de edición da súa obra Cantares gallegos.
(Galipedia)


Rosalía de Castro é unha figura indispensábel na literatura do século XIX. Os estudos sobre literatura feminina de épocas pasadas inclúena entre as grandes escritoras, das que destacaremos Concepción Arenal, Carolina Coronado, Gertrudis Gómez de Avellaneda e Emilia Pardo Bazán.
( Bibilioteca Virtual Miguel de Cervantes)




Escolma de Recursos sobre Rosalía
Os poemas do río.
LIM sobre Rosalía
COMENTARIOS (0) - Categoría: Festas - Publicado o 23-02-2015 22:17
# Ligazón permanente a este artigo
O verbo
Istes días estamos traballando sobre as Oracións e as Frases, centrándonos especialmente no verbo.
Sabemos que unha frase non ten forma verbal pero unha oración si.
Miramos algúns vídeos explicativos sobre o tema.




LIM SOBRE O VERBO (castelán)
XOGO SOBRE O VERBO ( castelán)
XOGO SINXELO SOBRE O VERBO ( castelán)
COMENTARIOS (0) - Categoría: Cousas da clase - Publicado o 20-02-2015 12:23
# Ligazón permanente a este artigo
O entroido

A semana pasada estivemos recibindo as ordes do MECO todos os días, para que ó final o venres o noso disfraz quedase deste xeito...


Foi unha semana distinta, e divertida na que nos rimos e traballamos algunhas cousiñas relacionadas co entroido en Galicia: o máis antigo, o que máis dura etc etc etc...


COMENTARIOS (0) - Categoría: Cousas do cole - Publicado o 20-02-2015 12:21
# Ligazón permanente a este artigo
Traballando con ThingLink
Á volta das vacacións estivemos facendo algunhas tarefas cunha tablet que lle prestaron á profe, unha delas foi utilizar a APP ThingLink , aplicación de balde e que ten soporte tanto en ordenador coma en móbil.

COMENTARIOS (0) - Categoría: O que nos gusta - Publicado o 20-02-2015 12:20
# Ligazón permanente a este artigo
AS HORAS DO DÍA.
Hoxe estivemos repasando un pouco o que sabíamos sobre as horas, minutos, segundos e o reloxo.

A verdade é que é moi complicado entender iso de e cuarto, e media, menos cuarto.. en punto.. analóxico e dixital
Despois miramos uns vídeos moi interesantes sobre o tema.

E concluímos:
-Un día ten 24 horas ( Yago C.)
-Un minuto ten 60 segundos ( Claudia)
- O reloxo ten: en punto, e cuarto, e media e menos cuarto ( Nerea) e cada unha das partes é de 15 minutos, xuntas suman unha hora ( Ari)
-Unha hora ten 60 minutos. ( Nico)
-Un día non ten 60 horas, ten 24 ( Zaira)
- O reloxo é moi importante para saber/aprender as horas ( Paula)
-Hai reloxos antigos ( de sol, de agullas) e tamén dixitais ( Noelia)
-Os meses do ano son 12, febreiro é un mes especial ( Zoe)

E moitas outras cousas sobre o tempo, minutos, segundos horas, meses do ano, o tempo, as horas...


Deixámosvos os links ós dous vídeos que miramos porque son moi interesantes:

           
COMENTARIOS (0) - Categoría: Cousas da clase - Publicado o 20-02-2015 12:19
# Ligazón permanente a este artigo
2 de febreiro: día da Candeloria.
O día 2 de febreiro en Galicia celébrase o día da CANDELORIA.  Ou o día no que "casan os paxariños" O día do Amor na nosa terra.

En Galicia, a data da Candeloria era considerada coma un preludio da chegada da primavera e con ela o renacer da natureza. Dicíase que era a época do casamento dos paxaros e para os mariñeiros tamén era o comezo da navegación despois da longa espera no período invernal, no cal a maior parte das embarcacións non saían dos portos.
Imaxe do blogue Dálle un coliño




Refráns relacionados:


Pola Candeloria, se chove e venta, inverno entra; se ri e plora, inverno fóra.

"Se a Candeloria chora, o inverno vai fora.
Se ri, o inverno quere vir"

A partir da Candeloria, ningunha ave voa soa.




COMENTARIOS (0) - Categoría: Festas - Publicado o 20-02-2015 12:19
# Ligazón permanente a este artigo
Aniversario de Noemi.


O pasado día 2 de febreiro, Noemi cumpriu 9 anos.
Celebrouno con nós na aula, cantámoslle, fixémoslle un debuxiño e ela pintou a súa coroa.
Ademais trouxo un pequeno agasallo para nós.



Parabéns para Noemi.
COMENTARIOS (0) - Categoría: Aniversarios - Publicado o 08-02-2015 11:16
# Ligazón permanente a este artigo
A táboa do 2
Estamos moi animados e animadas aprendendo as táboas de multiplicar

E xa sabemos algunhas cousiñas sobre elas, e temos "controladas" a do 1 e a do 10.

Istes días estamos traballando un poquiño coa do 2.
Acó vos queda o noso rap, recitando a táboa do dous. Feita coa APP Autorap de SMULE.


COMENTARIOS (0) - Categoría: Cousas da clase - Publicado o 01-02-2015 21:30
# Ligazón permanente a este artigo
© by Abertal