@s pequech@s da Oliveira


Aquí estamos, somos a clase de 3º do colexio Santiago de Oliveira e... as nosas inquedanzas!










O meu perfil
 OUTRAS FRAGAS...
 CATEGORÍAS
 ARQUIVO
 ANTERIORES

AS LETRAS GALEGAS

Este ano o día das letras galegas está adicado a un señor chamado Uxío Novoneyra
A nivel de centro estamos preparando un mural, cada un dos ciclos fixo unha parte dun puzzle, e logo xuntarémolo.
Acó vos queda unha mostra da parte que nos tocou ó primeiro ciclo.
Os nenos e nenas da clase de 2ª pintaron e nós puxemos o marco de boliñas de papel...
COMENTARIOS (0) - Categoría: Cousas do cole - Publicado o 08-05-2010 22:12
# Ligazón permanente a este artigo
O mel de Galicia

O martes veu unha señora a falarnos do mel de Galicia.
Dixonos que segundo as flores e arbores o mel sabe diferente.
Que so hai unha raiña en cada colmea.
E que os apicultores poñian un traxe para recoller o mel
e utilizaban fume para que as abellas deixasen a colmea libre.
Tamén catamos o mel e nos diron un pequeno agasallo...
Un libriño de xogos,
un libriño de banda deseñada,
unha mostra de mel e un autocolante para a pel.

Estivo moi interesante.
COMENTARIOS (0) - Categoría: Cousas do cole - Publicado o 08-05-2010 21:51
# Ligazón permanente a este artigo
LIPDUB: Galegando !!
Hoxe aprendimos unha palabra nova "lip dub" que literalmente ,
traducido do inglés significaría "lectura de beizos".
Na WIKIPEDIA tendes un artigo explicando de que se trata.
En resumidas contas é un video que:
É rodado nun so plano.
Reinventa ou versiona unha ou varias cancións.
Aparecen distintas persoas...

O caso é que hoxe miramos o lipdub que fixeron dende o IES Pintor Colmeiro
en Silleda,titulado: GALEGANDO. Gustounos moito moito.
Acó vos queda:

A web do EIS PINTOR COLMEIRO
COMENTARIOS (0) - Categoría: Cousas da clase - Publicado o 04-05-2010 20:56
# Ligazón permanente a este artigo
O ciclo de Cinema.
Como xa vos comentamos, o venres comezamos tamén co ciclo de curtas en galego.
Os primeiros foron os nenos e nenas de infantil que miraron unha serie de curtas, videos e cancións.
E despois do recreo fomos os de 1º, 2º e 3º.
Miramos seis curtas, coma o Soldadiño de Chumbo, O conto do sapo e o raposo, tamén, da páxina de EUFALO miramos un video dunha nena que se chama Xulia.
E acó vos queda unha das curtas que miramos:
A espía que xurdíu do fillo...

COMENTARIOS (0) - Categoría: Cousas do cole - Publicado o 25-04-2010 18:14
# Ligazón permanente a este artigo
O día do libro
O venres, celebramos tres cousas:
O aniversario de Melisa.
O día do libro.
E comezou o ciclo de curtas de cinema!!!

Como xa vos contamos, fixemos uns marcapáxinas
que intercambiamos cos nenos e nenas de 2º.
Tamén trouxemos o noso libro preferido,
e baixamos ó patio a compartilo, a miralo, a lelo.

Acó vos quedan unhas poucas fotos do venres:


COMENTARIOS (0) - Categoría: Cousas do cole - Publicado o 25-04-2010 18:05
# Ligazón permanente a este artigo
Aniversario de Melisa

Este sábado foi o aniversario de Melisa,e celebrouno con nós o venres.

E o venres foi un día no que fixemos tantas tantas cousas...

Trouxonos unhas lambetadas , cantámoslle o aniversario, en castelán e en inglés, e ademais fixo unha coroa moi chula e foi axudante.


Acó vos queda unha foto de Melisa, que xa ten sete anos, aínda que está moi moi seria...
Parabéns Meli :)








COMENTARIOS (0) - Categoría: Cousas da clase - Publicado o 25-04-2010 18:02
# Ligazón permanente a este artigo
Preparando o día do libro

E hoxe fixemos uns marcapáxinas ben chulos!
Mañá imos a intercambialos entre nós e os nenos e nenas da clase de 2º.
Ademais imos traer o noso libro favorito , e sairemos ó patio a lelo,
a compartilo, a escoitar e mirar os libros preferidos dos demais...
Acó vos quedan os marcapáxinas tan chulos que fixemos,
cunha pequena mensaxe...

Bo día do libro.!
COMENTARIOS (0) - Categoría: Cousas do cole - Publicado o 22-04-2010 16:17
# Ligazón permanente a este artigo
O ciclo de cinema
Mañá imos comezar cun ciclo de cinema en galego, organizado polo equipo de Normalización Lingüística e en colaboración co equipo das TIC`s
( máis concretamente de curtas) tanto de animación, coma debuxo, documental, etc etc etc...
Mañá tócalle primeiro ós e ás pequechas de infantil que van inaugurar o noso ciclo de cine.
E despois do recreo a nós , e máis os de 2º e os de 3º.
Os de 4º 5º e 6º tocaralles para a próxima semana.
A maioría das curtas e documentais que imos ver son de EU FALO.TV de FLOCOS.TV ( desta páxina xa vimos algún que outro video) e da Axencia audiovisual Galega
COMENTARIOS (0) - Categoría: Cousas do cole - Publicado o 22-04-2010 16:00
# Ligazón permanente a este artigo
© by Abertal
VISITAS