O alumnado de terceiro que como ben sabedes, está aprendendo un montón de cousas sobre URBANO LUGRÍS, buscando buscando, atopamos a páxina web do MUSEO DE BELAS ARTES DA CORUÑA que ten algunhas das obras máis importantes de Urbano Lugrís.
Ademais de agasallarnos con estas maletiñas didácticas coas que imos aprender moito, tamén nos enviaron un exemplar do libro de Yolanda Castaño , baseado no cadro: MARIÑA SURREALISTA.
Na clase de TERCEIRO seguimos traballando a Urbano Lugrís.
Desta volta, e xa "mergullados" no seu MAR particular estamos traballando o seu cadro titulado MARIÑA SURREALISTA.
Fonte: "Museo de Belas Artes da Coruña"
É quizais un dos cadros máis representativos e icónicos de Lugrís: onde aparece unha serea e tamén unha buguina. E podemos observar que Urbano firma as súas obras acompañadas dunha áncora.
Hoxe falamos do cadro, observámolo, demos a nosa opinión e fixemos a nosa versión de cores da propia obra.
Por outra banda tamén descubrimos que a poeta e escritora galega Yolanda Castaño, e como actividade xestionada polo Museo de Belas Artes da Coruña, escribiu un conto infantil co mesmo título do cadro e baseado no mesmo.
Miramos este "prezi" sobre o conto que nos gustou moito , elaborado por Ramón París Lago sobre o mesmo, e encantounos!!!!
Acó vos quedan unhas poucas fotos do noso momento creativo :
O pasado martes conmemoramos o "Día internacional da PAZ e a non violencia".
Ó final da mañá fixemos un acto simbólico no patio. Aquí vos queda un vídeo sobre a actividade:
Ademais na clase de 3º, e xa que estamos co proxecto MUNDO DE CORES ,
traballamos unha das obras de Keith Haring de xeito cooperativo.
Ademais de ver parte das súas creaccións, e ver que coma Urbano Lugrís tamén fixo moitos murais.
Acó vos quedan unhas pouquiñas fotos da nosa obra final:
Na clase de TERCEIRO estamos aprendendo un montón de cousas sobre Urbano Lugrís.
Sobre a súa vida, investigamos un pouco e sabemos que:
-Naceu na Coruña e morreu en Vigo, no ano 1973. ( Viviu 65 anos)
- Foi pintor, pero tamén escritor e poeta.
- Era coñecido coma o "pintor do mar"
O ano pasado "AFUNDACIÓN" ( obra social de ABANCA) fixo unha exposición sobre a súa obra na cidade da Coruña, titulada: PAREDES SOÑADAS ( se premedes , accederedes a unha visita virtual da exposición polas distintas salas)
Para decorar a porta da nosa aula decidimos que xa que é o pintor do mar, nada mellor que reflectir ese mar fantástico, orixinal e máxico de Urbano...
E fixemos unha colaxe con moitos dos elementos marítimos que máis o representan, ou que máis nos chamaron a atención.
Este ano , ademais de traballar a URBANO LUGRÍS tamén imos aprender cousas relacionadas coa arte,museos,cores e distinas técnicas pictóricas.
O martes utilizamos esta aplicación ( pódese descargar ou utilizar como unha páxina web) para crear entre todos na PDI uns deseños orixinais e relaxantes.
Gustounos escoitar o son da area caer, e ir cambiando de cores, creamos e tamén vimos o que outras persoas fixeron.
