Igual no anterior cromo puxémolo un pouco difícil. A ver se este é un pouquiño máis fácil.

Non temos datos do hábitat, porque foi o típico cogomelo que alguén levaba na cesta e que apareceu ó final dunha saída.

A saída foi pola zona da Selva Negra, preto de Santiago.

O pé é dunha intensa cor amarela "fosforita" moi chamativa, pero o realmente chamativo e o sombreiro con esa especie de estrías... Un cogomelo deses de decir: "Cousa bonita chico!"

Imos empezar por este cogomelo que un dos nosos socios trouxo para a exposición.
O exemplar estaba aínda pechado e fixádevos que nacían do mesmo pe outros máis pequenos. Recordades o refrán: "Sete nun pé, choupín malo é". Ademáis, a base ten un bulbo moi marcado.

Como tiñamos curiosidade por saber o que sería, fomos nos días seguintes ó lugar de recollida e sacamos algunha foto máis. É un sitio onde hai moitos restos vexetais e ata unha pequena escombreira. Atopamos uns 8 exemplares e o tamaño dos sombreiros dos máis grandes, rondaban os 15 cm.


Sabemos o que non é, pero non sabemos con seguridade o que pode ser. Precisamos axuda!

Estamos de volta! Non é que foramos a ningún lado, é só que estivemos moi liados e non tivemos tempo de actualizar o blog. Pero nestes días iremos poñendo algunha cousiña interesante que fomos atopando, e moitas que temos sen identificar.

De momento e para empezar, poñémosvos unhas estupendas fotos que nos pasa un socio de Sendeiriña e que son representativas do que neste outono se puido encontrar no Val de Barcala. A maioría son da zona de Negreira e algunhas da saída que fixo a Asociación. Iremos actualizando tamén estes días a Fotoblogoteca.

E lembrade, anque os Hydnum xa asoman as orellas indicando o fin da temporada, isto non se acaba! Agora é o momento de repasar, identificar, estudiar,... e tamén seguir saíndo ó monte, que en Galicia hai cogomelos todo o ano!

É certo que temos o blog un pouco abandoado. Pero é que non se pode estar a todo. Os días, en época micolóxica, deberían durar 4 horas máis.

Iremos poñendo algunha cousiña que fomos encontrando.

Para empezar este cogomelo achegado por un socio recollido nunha carballeira nun toco dunha árbore mórta. Moi enterrado e como vedes cun pe enorme, de 26 cm. de longo.

Témolo sen identificar. Acéptanse suxerencias.

E que ven sendo esto de un obradoiro-degustación? Pois isto é, un cociñeiro que nos vai ensinando a preparar varios pratos que levan cogomelos, e despois faise unha pequena degustación dos pratos preparados.

Vai ser no Instituto vello de Negreira (no mesmo sitio que o ano pasado) ás 20:00 horas.

É unha actividade gratuíta para os socios, e cun prezo simbólico de 3 euros para os non socios. (gratuíto para os nenos)

É preciso confirmar a asistencia escribindo un correo ó mail da asociación: sendeirina@yahoo.es

Deixámos unha fotiño dun dos pratos do ano pasado para ir facendo boca.

Os compañeiros da Sociedade Micolóxica Lucus envíannos un aviso urxente para que lle deamos difusión:

"AVISO IMPORTANTE: Debido a la extrema escasez actual de ejemplares, se ha decid...ido cambiar la fecha de celebración de la Exposición, que finalmente será el próximo día 27 de noviembre (domingo)"

Os compañeiros de Refungando tamén organizan unhas xornadas micolóxicas e inclúen unha Ruta de bares micolóxica!

Deixámosvos o enlace do seu blog para os que estedes interesados.
http://refungando.blogspot.com/2011/11/vii-xornadas-micoloxicas-en-ribeira.html

Acumúlasenos o choio! Non damos atendido a todo pero para os que vos quede á man deixamos tamén esta información sobre as Xornadas Micolóxicas da Costa da Morte organizadas por Pan de Raposo.

Vai ser o domingo día 6 de novembro, e é un deses eventos que hai que marcar no calendario, porque o que se ve nesta Exposición non se ve tódolos días.


A parte diso, o cartel deste ano é chulísimo. Noraboa.