Asociación Micolóxica Sendeiriña


Asociación Micolóxica do Val de Barcala






O meu perfil
sendeirina@yahoo.es
 CATEGORÍAS
 FOTOBLOGOTECA
 RECOMENDADOS
 GALERIA
 BUSCAR BLOGS GALEGOS
 ARQUIVO
 ANTERIORES

Exposición Sendeiriña 2014
Achégase a exposición de Sendeiriña deste ano e coma sempre queremos deixar unhas recomentacións para tódos os que queiran vir botar unha man.


1.- Os cogomelos deberan recollerse enteiros. Con moito coidado e sen escrabellar na terra métese o coitelo ou a navalla e con un xiro de pulso despréndese o cogomelo. Recordade: EXTRACCIÓN COIDADOSA!! Evitarase arrincar parte do micelio e por suposto usar rastrillos ou alterar o entorno no que se encontre o cogomelo.



2.- Collerase só un ou dous exemplares de cada especie, escollendo aquelas que se encontren en mellor estado, podendo ser un exemplar novo e outro maduro. Aínda que encontredes moitos exemplares dunha mesma especie, o espazo que temos para a exposición é limitado polo que non poderán poñerse todos.



3.- Evitarase coller aqueles cogomelos que xa estean pasados, parasitados ou os que non se encontren enteiros. Esto é importantísimo!!! É mellor que traiades menos cogomelos pero os que cheguen en bo estado. Os cogomelos pasados ou en mal estado é moito mellor deixalos no monte e que sigan cumplindo coa súa función ecolóxica. Recordade que a exposición pretende ser un espazo didáctico polo que os cogomelos deben ser representativos da especie, presentar as características básicas e que estas se aprecien ben.


4.- Para a recollida nunca deberán usarse bolsas de plástico. Os cogomelos son moi delicados, dentro da bolsa estragaríanse. Se alguén ten unha caixa con separadores sería ideal para aquelas especies que son pequenas e que se metemos na cesta serían aplastadas por outras. Levar un anaco de papel de aluminio tamén é moi práctico, e con este sistema e con un pouco de auga os cogomelos poden conservarse varios días na neveira.


5.- Tódolos cogomelos que se descarten e que finalmente non sexan expostos, deberán ser devoltos ó monte, evitando tiralos nos contedores do lixo.


6.- Recomendamos tamén que como en calquera saída, non vaiades sós ó monte e que se o facedes levedes con vós un teléfono móbil deixando indicacións do sitio ó que tendes pensado ir.

Este ano para minimizar o impacto ecolóxico, imos intentar coordinarnos a través do WHATSAPP; con esta idea fixemos un grupo no que imos ir poñendo o que se vaia atopando e que estea ben para expoñer e así evitar duplicidades. Aqueles que queirades participar tedes que enviar unha mensaxe a sendeirina@yahoo.es
Comentarios (0) - Categoría: Xeral - Publicado o 23-10-2014 18:34
# Ligazón permanente a este artigo
XXV Feira de Fungos e Cogomelos das Pontes

Comentarios (0) - Categoría: Xeral - Publicado o 23-10-2014 18:12
# Ligazón permanente a este artigo
Xornadas Micolóxicas en Vilagarcía
Comentarios (0) - Categoría: Cursos, xornadas e conferencias - Publicado o 23-10-2014 10:27
# Ligazón permanente a este artigo
XORNADAS MICOLÓXICAS NA COSTA DA MORTE
Comentarios (0) - Categoría: Cursos, xornadas e conferencias - Publicado o 16-10-2014 08:44
# Ligazón permanente a este artigo
Xornada micolóxica en Conxo
Comentarios (0) - Categoría: Cursos, xornadas e conferencias - Publicado o 15-10-2014 07:45
# Ligazón permanente a este artigo
VI OUTONO MICOLÓXICO DE SENDEIRIÑA


Xa temos carteis!!

Recen saídiños da imprenta!!

Antes de nada agradecer a Costa, que nos cedera tan bonita foto para anunciar o noso Outono Micolóxico.

Este ano volve haber curso de iniciación, e empeza xa o próximo luns, polo que hai que darse presa en anotarse xa que as prazas son limitadas. O curso é gratuíto e está aberto á calquera interesado que queira participar.

Parece que este ano imos ter sorte co tempo e non haberá que mudar de data a exposición, crucemos os dedos.

E das conferencias, destacar a do primeiro día, sobre o novo Decreto de aproveitamentos forestais; é importante estar ó tanto das últimas novidades normativas, non faltedes!!



Comentarios (0) - Categoría: Cursos, xornadas e conferencias - Publicado o 08-10-2014 11:12
# Ligazón permanente a este artigo
© by Abertal



Contador gratis