Mirade que cousa máis curiosa atopamos nunha das últimas saídas que fixemos!

Ainda que nas fotos pareza xigante, o bichiño non mide máis de un centímetro de largo, e está totalmente parasitado por algo que ten toda a pinta de ser un fungo. Non sabemos se o fungo matou o bicho ou se simplemente medrou nel una vez que xa estaba morto... De calquera xeito é una cousa ben interesante!

Outro cantar xa sería saber a especie de bicho e o fungo concreto... ten que haber algún experto que ha de sábelo,... a ver se con un pouco de sorte...

Levamos unha temporada, na que estamos aprendendo cousas pero á forza de desaprender.

Referímonos a eses casos nos que tiñamos aprendido que unha especie era tal ou cual, e resulta que ven alguén e di: Non non é esa, e esta outra!

E cáesenos aquela crenza que tiñamos, e confirmamos que na micoloxía, como en xeral na vida, nunca debemos dar todo por sabido. Unhas veces aprendemos cousas novas e outra desaprendemos aquelas que pensabamos que sabíamos con seguridade.


Pois isto mesmo nos pasou con este bichiño da última nova que puxeramos no blog sobre o tema das fumigacións. Ese pequeno gorgullo que ataca o Eucalipto.

Indícanos Moncho Pato, que hai un erro sobre o nome desta especie, que ademáis se repite pola rede. Non é un Gonipterus scutellatus , como nós lle chamamos e como se di e se repite en moitas páxinas na internet, senón un Gonipterus platensis.

O primeiro, o Gonipterus scutellatus nunca saiu de Australia e o pobre está levando tódalas culpas, sen telas. O que temos en Galicia, é o Gonipterus platensis que tanto dano causa no Eucalipto e que se vai de guay porque ningúen fala del.

Deixámosvos o enlace no que se explica a confusión de nomes:

http://faunayflora.blogspot.com.es/2012/05/ya-podemos-llamarlo-por-su-nombre.html


Agradecemos a Moncho Pato a información, e recomendamos moito, moito, pero moito, que visitedes a súa páxina, porque non ten desperdicio. As galerías de fotos de insectos son impresionantes. E as de cogomelos simplemente preciosas.

Deixámosvos un enlace.

http://www.faunayflora.blogspot.com.es/

(Para os que vos gusten os Hygrocybe as fotos son chulísimas)

Podemos velas porque nacen en conxunto, porque ver un só exemplar destas miniaturas sería case un milagre.

Foron identificadas no foro de micologia.net como Comatricha nigra (Pers.) J. Schröt. , e agradecemos a axuda porque no campo dos mixomicetos andamos un pouco perdidos...

Recordade que non falamos de basidiomicetos nin ascomicetos, é máis, hai algúns autores que nin sequera consideran que esto poida estar dentro do mundo micetal, vamos que non serían nin sequera fungos...

Polémicas a parte, son moi bonitos pero son moi pero moi pequenos, e moi difíciles de fotofrafiar, perdoade que as fotos estén algo movidas.

Foron atopados medrando sobre madeira de eucalipto apilada á beira dunha estrada na parroquia de Zas, polo que é un cromo máis dos que atopamos no Val.

Deixamos un enlace para os que queirades saber algo máis desta especie, ou ver algunhas destas fotos chulísimas que encontramos pola arañeira:

http://www.fotonatura.org/galerias/micologia/378723/

http://www.flickr.com/photos/txapelaundi/5309079742/

http://www.bioinfo.org.uk/html/t2100.htm

Cada vez que chega o outono proliferan as novas nos xornais e na televisión sobre a chegada dos cogomelos. Hai veces que nos recomendan precaución, outras ensinannos cogomelos xigantes ou de tamaño desproporcionado, e tamén ás veces por desgraza, fálannos de graves intoxicacións que enturbian o maravilloso mundo da micoloxía.

Deixámosvos uns exemplos das últimas novas que apareceron recentemente na TVG, con especial referencia á primeira delas, na que saen os compañeiros da Asociación Micolóxica Lucus, e aparece Xosé Castro, ó que aproveitamos para mandarlle un agarimoso saúdo por se nos le.

Parece ser que en Arteixo atoparon uns cogomelos xigantes de máis de 1 metro de diámetro,... o que chama a atención é a cantidade deles que aparecen na mesma leira... pero ou se aprecia mal ou en vez de diámetro igual quixeron dicir perímetro non?

Non é que os cogomelos aparezan en lugares extranos, é que somos nós os que invadimos os seus hábitats, e por iso ás veces recórdannos que eles estaban alí primeiro.

É o caso deste cogomelo que atopamos na Rúa Sercedo en pleno casco de Negreira, medrando sobre o asfalto. Había outros 4 exemplares ó seu lado pero non sobreviviron neste hábitat tan hostil.

Posiblemente se trate dun Coprinus atramentarius, unha especie que é comestible pero que resulta tóxica se se consome con bebidas alcohólicas.

1 [2]