Asociación Micolóxica Sendeiriña


Asociación Micolóxica do Val de Barcala






O meu perfil
sendeirina@yahoo.es
 CATEGORÍAS
 FOTOBLOGOTECA
 RECOMENDADOS
 GALERIA
 BUSCAR BLOGS GALEGOS
 ARQUIVO
 ANTERIORES

Charla en Negreira sobre a Mina de Corcoesto







No IES Xulián Magariños de Negreria, mañá venres 31 de maio, Charla sobre a Mina de Corcoesto, a cargo da nosa compañeira Aurora Puentes, para os alumnos de 4º de Eso e 1º de Bacharelato.


Se non asinaches, faino xa!
Paremos a minería contaminante!
Comentarios (0) - Categoría: Aberracións micolóxicas - Publicado o 30-05-2013 12:49
# Ligazón permanente a este artigo
Fumigacións non!!
Esta é unha desas novas que non nos gusta poñer no noso blog, unha desas aberracións que nos fan botar fume polas orellas, e que nos leva a pensar que ese adxetivo de racional que en moitos casos se lle pon ó ser humano, sobra.

Parece ser que a Xunta de Galicia, ten previsto fumigar 350 mil hectáreas en todo o País para rematar coa praga deste pequeno bichiño que afecta ó eucalipto, o Gonipterus platensis
. Estase a falar de fumigación aérea, e polo tanto nada selectiva...

Para levar a cabo esta misión, vai empregarse unha substancia chamada "flufenoxurón", que polo que nos contan se trata dun producto tóxico, perigoso, bioacumulable na auga, moi persistente no ambiente,... É máis, a Unión Europea a partir do 1 de Agosto do 2012 vai prohibir a súa comercialización. Podedes velo no seguinte enlace:

DECISIÓN DE LA COMISIÓN
de 9 de febrero de 2012
relativa a la no inclusión del flufenoxurón para el tipo de producto 18 en los anexos I, IA o IB de la Directiva 98/8/CE del Parlamento Europeo y del Consejo, relativa a la comercialización de biocidas


A voz de alarma saíu dos apicultores que din que estas accións poden estar detrás da progresiva desaparición das abellas, amáis do risco que supón para a saúde humana.



Adega fixo público un documento que sinala as 69 zonas propostas para aplicar o insecticida. Inclúense zonas habitadas, cursos de ríos e ata espazos incluídos na Rede Natura.
Podedes velo no seguinte enlace: http://adega.info/info/090121joomla/ultimas-novas/759-aspapel-co-conecemento-da-xunta-planexa-fumigacions-sobre-espazos-protexidos-rios-e-vilas



Aquí un enlace á páxina http://fumigacionsnon.org/

E por último o enlace para asinar en contra desta tremenda aberración:

http://www.change.org/es/peticiones/salvemos-las-abejas-de-galicia-queremosabellas
Comentarios (0) - Categoría: Aberracións micolóxicas - Publicado o 10-05-2012 10:54
# Ligazón permanente a este artigo
Hai cousas que non cambian nin no verán




Hai cousas que non cambian nin no verán.

Achegamos proba documental de dúas novas aberracións micolóxicas cometidas no Val de Barcala, e dicimos novas porque foron cometidas nos últimos meses,semanas ou quizais días...

Bloques, uralitas, aramios, e ata unha neveira vella!!

Sen comentarios...









Comentarios (1) - Categoría: Aberracións micolóxicas - Publicado o 12-08-2011 18:52
# Ligazón permanente a este artigo
Día de luto no Val de Barcala



Está ardendo Bergando,... de novo. Son as 19:40 e a foto é de fai 15 minutos.

Tal e como estaba o monte dende a última vez que ardeu, isto non vai haber quen o pare...

Día de luto no Val...









Ás 11:50 esto é o que se vía:



Comentarios (0) - Categoría: Aberracións micolóxicas - Publicado o 29-06-2011 19:40
# Ligazón permanente a este artigo
Nova e triste sección en Sendeiriña
Estivemos retrasando o momento,... pero non nos queda outra, ...

Hoxe temos que inaugurar, e con moita tristeza unha nova sección no noso Blog. (E é que hoxe foi un día moi duro, micolóxicamente falando...)

A nova sección vai chamarse "ABERRACIÓNS MICOLÓXICAS NO VAL DE BARCALA" e pretende ensinar, deixar constancia e tamén denuciar as auténticas barbaridades que o ser humano pode chegar a facer no entorno que o rodea. E niso, por desgraza no Val de Barcala non somos moi diferentes a outros lugares...

Para inaugurar a sección contámosvos a aventura do venres pola tarde:

Venres día 20, peche da campaña electoral, megafonías de tódolos partidos anuncian os actos de peche, así que decidimos desconectar, poñelas botas, navalla, cámara,... fai unha tarde de sol radiante, pero non imos moi lonxe. Unha pequena volta por un lugar preto, para tantear o que puideron facer as últimas chuvias. É un roteiro circular ó que seguro que moitos dos nosos socios teñen ido moitas veces polo outono.

Ía ser un paseo curto e relaxado e cando chegamos, descubrimos que o camiño está invadido por maquinaria pesada! e tan pesada! unha apisonadora, un camión e unha máquina para extender a terra...

De desfeita en Logrosa


Un camiño de monte, con rodeiras que nin sequera estaba en moi mal estado, agora está convertido nunha auténtica avenida, (só faltan as camelias a cada lado...) terra, gravilla, polvo por todas partes,...

De desfeita en Logrosa


O mellor de todo son as tremendas "tajeas" que fixeron a cada beira, que impiden totalmente o acceso ás leiras. Se queremos novamente facer un roteiro á procura de cogomelos por este camiño, deberemos levar unha navalla, unha cesta e.... unha pértiga!!!! Como imos senón subir por eses tremendos barrancos que deixaron??



Seguramente rematen por arranxalo porque os donos das leiras terán que acceder dalgún xeito... poñerán tubos para canalizar a auga e cemento por riba??... é de supoñer... E crucemos os dedos, e poñamos velas a tódolos santos posibles para que non terminen por botar asfalto!!! INDIGNANTE!!!



En fin, que se Mouriño se adicara á micoloxía en vez de ó futbol, hoxe berraría ben forte: POR QUE?? POR QUEEEE??? Cal é a necesidade??Por que??? Para que????

Aquí deixamos mostra de como era antes o camiño para aqueles que non o coñezades, para que valoredes o cambio:

De Desktop


A cantidade de especies que temos encontrado neste camiño, tanto no medio e medio, como nas beiras!! Na saída da Asociación de fai dous anos, quen non se lembra destes Coprinus enormes que nós estaban agardando no medio e medio das rodeiras?

De Desktop


En fin, hoxe é un día moi triste micolóxicamente falando...e co cabreo monumental volvemos á casa e os altofalantes dos partidos siquen pedindo o voto,... e acabamos con ganas de coller unha tenda de campaña e ir acampar á Porta do Sol!!!!

Desta volta, é unha sección que nos gustaría que estivera o máis valeira posible, pero a experiencia dinos que non vai ser así.
Comentarios (0) - Categoría: Aberracións micolóxicas - Publicado o 23-05-2011 17:48
# Ligazón permanente a este artigo
© by Abertal



Contador gratis