Avante Galiza!
'Estamos fartos de saber que o povo galego fala un idioma de seu, fillo do latim, irmao do Castellano e pai do Portugués. Idioma apto e axeitado para ser veículo dunha cultura moderna, e co que ainda podemos comunicar-nos com mais de sesenta millóns de almas (...) O Galego é un idioma extenso e útil porque -con pequenas variantes- fala-se no Brasil, en Portugal e nas colónias portuguesas'.

(Castelão - Sempre em Galiza)



Esta web apoia á iniciativa dun dominio galego propio (.gal) en Internet





 SECÇONS
 FOTOGRAFÍAS
 Também ando por:
 PESQUISAR NO BLOGUE
 PESQUISAR EM BLOGUES GALEGOS
 ARQUIVO
 ANTERIORES
 Artigos destacados

Galiza Celta, a ciencia confírmao
Os celtas que colonizaron Gran Bretaña procedían de Galiza


A ciencia xenética veu a verificar a lenda de Ith. Que o fillo de Breogán entreviu Irlanda dende a torre de Hércules e deu lugar á súa posterior colonización podería ser algo máis que un mito, segundo os resultados dun estudo que analizou o ADN de 10.000 británicos e que apunta a que os celtas que se converteron na tribo dominante nas illas procedían da península Ibérica. Bryan Sykes, profesor de xenética humana na Universidade de Oxford, dirixiu o estudo e publica esta semana as súas conclusións no libro Blood of the isles. A súa teoría é que fai 6.000 anos estes habitantes da península desenvolveron embarcacións capaces de cruzar o océano e chegaron ás illas británicas. O territorio xa estaba habitado, pero estas persoas foron asimiladas nunha tribo celta maior.

Sykes explicou onte a este diario que os celtas chegados dende as costas peninsulares provirían do noroeste e o norte, «moito máis probable que do Mediterráneo». A pegada xenética máis común nos británicos leva a marca daqueles migradores; a continuación, as máis estendidas son as de tribos escandinavas. Isto significa que, ao contrario do que se pensaba, a orixe dos celtas británicos non se acha en Europa central, senón no noroeste da península Ibérica.

Sorpresa

As investigacións de Sykes apuntan, ademais, a que os ingleses comparten a pegada celta na mesma medida que irlandeses e escoceses, algo que seguramente sorprenderá en Inglaterra, que sempre se viu como un pobo saxón. Sykes é consciente de que agora existe un rexurdir do celta como «oposto a inglés», pero tamén advirte de que «Irlanda e Escocia non poden exercer o monopolio sobre esta cuestión». Os datos obtidos polo estudo constatan a presenza da pegada celta «en toda Gran Bretaña».


«As lendas de tradición celta teñen as súas raíces na realidade»


Bryan Sykes, coñecido por investigacións anteriores como As sete fillas de Eva , retratou grazas á xenética a orixe dos celtas británicos, que sitúa nas costas norteñas da península Ibérica. Aínda que a súa investigación ten unha base científica, o profesor oxoniense tamén coñece as lendas que vinculan Galiza coas illas británicas: «Países como Irlanda contan cunha sólida tradición celta con vínculos a España, como a historia de Mil Espane, e que seguramente ten as súas raíces na realidade».

- De feito, Mil Espane viaxou a Irlanda para vingarse da morte de Ith, quen avistou Irlanda dende A Coruña.
- Si, coñezo esa historia e que dende a torre de Hércules era posible divisar Irlanda nunha clara tarde de inverno. Obviamente, é imposible que desde España se vexa Irlanda, pero os feitos de fai moitos anos, como as migracións, fóronse transformando pola tradición popular até orixinar mitos e lendas.

- ¿Por que os ingleses como pobo non se recoñecían nunha orixe celta?
- Os ingleses tamén comparten un importante compoñente celta, a pesar de que se sostivo a súa orixe saxoa con raíces xermánicas, que os diferenzaba de escoceses e irlandeses. Isto débese a un mito do século XIX que se pode rastrexar até Idade Media cando había un interese, xerado por Enrique VIII, de afastar a Inglaterra do catolicismo. Antes diso sempre se creu que os habitantes das illas eran «vellos británicos», é dicir, os que xa se atopaban aquí antes da chegada dos romanos.

- ¿Por qué non se investiguo até agora?
- Realizamo-la primeira proba exhaustiva de ADN, que antes non sería posible por falla de medios, que nos indica que a pegada xenética dos celtas británicos é moito máis similar á das xentes do norte da Península Ibérica do que se pensaba, e non tanto á de Europa central.

- ¿Coñece Galiza?
- Si, visitei Compostela, aínda que non A Coruña. Tamén percorrín a costa norte dende Bilbao a Santander e recordo que ao ver a todas esas persoas louras e de ollos azuis pensaba que ben podería ter estado en Dublín.

- Tampouco existen moitas diferenzas xeográficas entre ámbolos lugares.
- Son paisaxes moi similares. Estou seguro de que se sentiron moi cómodos cando chegaron ás illas británicas.
Comentários (14) - Secçom: Cultura - Publicado o 22-09-2006 12:43
# Ligaçom permanente a este artigo
Chuza! Meneame
14 Comenta-se que...
1 ... tampouco hai que convertir en dogma todo o que di a#blgtk08# ciencia...
.... PERO É QUE ESTO XA SE SABÍA...
Dito por brandomil (22-09-2006 14:34)
2 Gustame coñecer a historia do meu país pero eu a verdade#blgtk08# é que non me considero nin celta nin suevo. So galego.
Dito por A Randeeira (22-09-2006 15:48)
3 ...amplio: os galegos actuais somos o sumatorio de tódolos que pasaron por este territorio.....
....seguramente haberá galegos de ascende#blgtk08#ncia sueva, visigoda, mozarabe, celta, romana.... e ata xudea.... senón como nos explicamos algunhas das cousas que pasan neste pais....
Dito por brandomil (22-09-2006 16:22)
4 Precisamente por ser confirmado pola ciencia non é un dogma, aquel que teña estudado a Historia da Ciencia sabe que se basea en poñer todo constantemente en dúbida.

Eu tamén me considero galego, pero gústame coñecé-los meus anceios, a historia dos meus devanceiros, o motivo polo que son galego e non chi#blgtk08#nés.

Eu tamén amplío: os galegos actuais somos un sumatorio de: suevos, visigodos, gregos, celtas, romanos, xudeus, bascos, casteláns, cataláns, portugueses, ingleses, franceses, etc etc etc. Pero isto do que falo son raíces culturais do noso pobo. Galegos somos todos, porque galego pódeo ser calquera.
Dito por Suso (22-09-2006 16:57)
5 .... que isto xa se sabía.... moitos historiadores, antropólogos e diversos homes de ciencia lévano dicindo moito tempo.... descoñezo en que fontes documentais se baseaban.... pero que a tradición e folclore do noroeste peninsular é mais semellante os pobos das illas británicas que os da Europa central xa fai que estaba demostrado.....
.... a noticia tiña que ser aparece un novo estudio que apoia teses anteriores postas en dubida por unha parte da comunidade científica (por que historiadores e antropólogos participan do método científico)......
..... galego: natural de Galiza.... como non existe suevia.... non hai suevos.... como non existe visigodia.... non hai visigodos..... hai 2500 anos non existía Galiza.... non había galegos.... Galiza naceu por acontecementos socias, políticos, xeográficos, económicos, etc .... medrará e trnasformarase...... e no seu final será asimilada por unha cultura mais poderosa#blgtk08#.... pese a quen lle pese.... o único que se pode facer é espallar e alongar a agonía o mais que se poda para deixar un eco na historia da humanidade ..... Roma foi unha aldea..... Grecia un conxunto de cidades espalladas .... Mongolia 450.000 cabalos........ pero de nada chegaron a moito, e ese é un sentimento que ten calquer reduto de irredutibles galos.... que a súa cultura é a historia da súa comunidade prevaleza.......
.... Hay que saber cuando se es conquistado... ¿Lo sabrías tú?. (Gladiator. Ridley Scout) … non é que a cita sea marabillosa pero serve.....
....aquí é onde radica o espírito de loita en defender, conservar é mellorar unha historia que nos precede sexa boa ou mala.... porque houbo un soño chamado Galiza e eu non sei cando serei conquistado.....
... o dito galego: natural de Galiza, que sexa galeguista ou non iso é palla de outro palleiro....

saúdos a todos
Dito por brandomil (22-09-2006 18:22)
6 Meu benquerido brandomil:
Impórtame tres carallos o que digan dous sociólogos que baseen as súas teses única e exclusivamente en textos. ¿Por qué? Porque a historia é escrita polos vencedores; de xeito que para reconstruíla é preciso xuntar as forzas da ciencia, da historia e dos mitos e lendas. Estas teses que agora publico eran e son postas en dúbida por moitos científicos, historiadores e xentes do común.

Non podes basear as túas teses en que algo sexa sabido, porque eu agora poido dicir E=MC2 e apostome os collóns a que non és quen de lle explicar esta ecuación á primeira persoa que atopes pola rúa. (Que mesmo eu poño en dúbida tal ecuación, xa que se a luz fluctúa non é posíbel que o seu ciclo sexa constante no tempo e espazo eternamente, de xeito que a súa velociade é variábel, de xeito que a Teoría da Relatividade se basea en mitos).

galego: natural de Galicia. Isto é o que atoparás nun diccionario. Galiza é unha palabra que aparece en textos que non forman parte dos vencedores da historia. Tódolas nacións #blgtk08#son nadas a partires de acontecementos sociopolíticos e xeográficoeconómicos. EEUU foi o berce onde medraron as relixións que Europa consideraba herexías, Alemaña era unha rexión de bárbaros e Rusia era o bastión do Antigo Réxime, onde as xentes ían vencelladas á terra que mercaban os ricos. Con isto non conto nada novo, do mesmo xeito que tí non me contas nada novo coa historia esa de Grecia, Roma ou Mongolia... e a pesares diso bótasme a parrafada, criticando que eu o faga. Ante todo incoherencia, sí señor.

"E somentes preservando as nosas enerxías autóctonas, a nosa capacidade creadora, é como poderemos contribuir á civilización universal incorporando a ela as nosas creacións inéditas" ¿Valeche esa frase?

Ou prefires estoutra máis axeitada ó que tí dis: "A nosa galeguidade provén da forteza do espírito, e aínda que carecemos de vontade ofensiva somos inexpugnables na resistencia"

Aquí é onde radia o esprito da Resistencia. En mirar ó futuro sen esquecé-lo pasado. Sempre cara adiante, sempre en positivo.
Dito por Suso (23-09-2006 01:51)
7 Oiga joven, hablar de esta forma de la teoría de la relatividad y decir que se basa en mitos, es un poco prepotente por su parte.
Conoce usted las matemáticas de Riemann, Georg Friedrich Bernhard? Me temo que desconoce incluso la diferencia entre la matemática euclidiana y Riemann, a raíz de lo grotesca que es su reflexión.
También supongo que desconoce que una parte impor#blgtk08#tante de los objetos cotidianos que usted utiliza no funcionarían sin los planteamientos teóricos realizados por el profesor Einstein.
Para todo lo demás recurro a una frase del profesor, al que si usted hubiese estudiado con cierta profundidad supongo que conocería "El nacionalismo es una enfermedad infantil. Es el sarampión de la humanidad"
Ernest


Dito por Ernest Willyant (26-09-2006 13:09)
8 Meu querido Suso:
...."Impórtame tres carallos":Quedamos coa parte da historia que nos interesa, empezamos ben...
..."xuntar as forzas da ciencia, da historia e dos mitos e lendas": pero se unha parte non che interesa... sacámola eh tranquilo....
..."e a pesares diso bótasme a parrafada, criticando que eu o faga": me parece que fas unha interpretación moi acelerada do meu texto... creo que non che critiquei nada... expuxen a miña idea....
..."apostome os collóns a que non és quen de lle explicar e#blgtk08#sta ecuación á primeira persoa que atopes pola rúa": home a mecánica cuántica non é o meu forte, eu son Inxenieiro Naval e levo 15 anos deseñando barcos e plataformas para unha empresa danesa, pero seguro que o pingas anterior igual che pode botar unha man a entendela....
...."¿Valeche esa frase?": a min válenme todas con tal de defender a Galiza....
... penso que no fondo coincidimos en que se trata de conservar, defender e mellorar.... Non entendo como te alporizas tanto?
Saúdos


Dito por brandomil (26-09-2006 18:35)
9 OS GALEGOS SOMOS CELTAS-SUEVOS E TAMEN SI QUERES ROMANOS,PERO ASI O INDICA NOSA ARTE.
O QUE NON SOMOS MOZARABES NIN VISIGODOS
PORQUE NON HAY NADA OUN CASI NADA QUE ASI O INDIQUE.
Y la gran mayoría de los apellidos que hay en Galicia son de origen celta/sueva mientra#blgtk08#s que en el resto de la península cantidad de toponimos y apellidos son de origen árabe.

Y para ejemplo:

Guadalajara viene del Árabe Oued-el-j'ra (Río de la mierda)
NOS TEMOS QUE ISCRIBIR NOSA HISTORIA,
NOS TEMOS QUE ESCRIBIR A NOSA HISTORIA.
Dito por ANXO (30-10-2006 14:02)
10 anjel cuando recustes tu cabeza sobre la almohada (almofada) piensa que ese es un vocablo arabe lee un poco mas y descubre como en#blgtk08# galicia existieron cudillos arabes. por cierto a los suevos los machacaron los visigodos en la batalla del orbigo ¿me equivoco?
Dito por perico (07-11-2006 13:56)
11 Eu estoi totalmente deacuerdo con esa teoria.Eu m#blgtk08#e siento galego e celta. GALIZA CELTA E CEIVE.
Dito por OSKELTOI (21-11-2006 21:34)
12 Eu estoi totalmente deacuerdo con esa teoria.Eu m#blgtk08#e siento galego e celta. GALIZA CELTA E CEIVE.
Dito por OSKELTOI (21-11-2006 21:40)
13 Forom vários os povos que se asentarom na Galiza ao longo dos śeculos, pero quais som as nossas raízes éticas e culturais?
Di a história que os celtas chegarom à Galiza em sucessivas quendas, arredor do 1800 adC e arredor do século IV adC, sendo a primeira civilizaçom que se asentou na Galiza, formando o substrato sobre o que se asenta a nossa etnologia, e por certo, viviam nos castros. Dito doutro jeito, foi o povo celta o que deu umha primeira forma à nossa raça, à nossa toponímia, ao nosso idioma, à nossas tradiçons... Em definitiva, a todo aquilo que pasa de pais a filhos. Dos celtas herdamos costumes,#blgtk08# numerosos topónimos, mitologia, lendas, fermosas verbas no galego... e o próprio nome da nossa terra.
Algúns bem sabem que manipular a nossa história por interese é coma cortar as raízes da naçom galega... Nom permitamos o engano, a realidade já ficou escrita.
Pra finalizar, pese a rica diversidade aportada por outros povos, coma os romanos, pódese afirmar que os galegos somos celtas, já que forom os celtas os nossos primeiros devanceiros pertencentes a umha civilizaçom asentada nesta parte do mundo.
É a Galiza, polo tanto, um povo milenário e temos que estar orgulhosos da nossa história.
Dito por (26-03-2007 03:52)
14 Mi pareja y yo absolutamente me encanta su blog y encontrar muchos de sus post ' s para ser justo lo que estoy buscando. ¿ofrece uno escritores invitados para escribir conten#blgtk08#ido para usted personalmente? No me importaría escribir un post o elaborar en muchos de los temas que escribes en relación con aquí. ¡ otra vez, sitio impresionante!
Dito por 192.168.1.1 (26-06-2017 10:03)
E ti que pensas disto?
Venho a ser:
Correio-e: (Nom aparecerá publicado)
URL: (Debe começar por http://)
E digo eu:

(Introduza o código da imagem)
© by Abertal
"Se aínda somos galegos é por obra e gracia do idioma"
(Castelao)


Apoiamos a Candidatura do Patrimonio Inmaterial Galego-Portugués


Creative Commons License
Esta obra está licenciada sob uma Licença Creative Commons.