|
|
|
|
| Comezamos hoxe co Obradoiro da Risa |
|
 Comezamos hoxe o Obradoiro da Risa impartido por Marta Rodríguez Pérez, Técnica de Igualdade da oficina I+B de Carballo. Antes do inicio do cursiño estivemos a falar con ela para que nos comentase como xurdiu a idea da realización deste obradoiro.
Marta comentounos que as actividades que desenvolve a oficina I+B de Carballo saen dunha diagnose que fan as asociacións da Comarca. A partir do resultado da análise, as asociacións solicítanlle ao Consorcio o Obradoiro da Autoestima, Educación para a Saúde, Habilidades de Comunicación e o Obradoiro da Risa.
O Obradoiro da Risa ten entre os seus obxectivos:
-Mellorar a calidade de vida.
-Fomentar a cohesión grupal e apoio mutuo.
-Favorecer o autocoñecemento e aceptación.
-Acadar estratexias de afrontamento da nosa vida.
O Obradoiro da Risa comprenden as seguintes actividades:
-Dinámicas de Presentación.
-Dinámicas de baile.
-Dinámicas de quencemento, e remátase coas
-Dinámicas de relaxación.
Xa vos contaremos como nos foi! |
|
|
|
|
| Pilar García Negro gaña o Premio xornalístico do Concello de Carballo |
|
O xurado do V Premio do concello de Carballo decidiu concederlle o premio, dotado de 1.200 euros, ao artigo A nena que berra, de María Pilar García Negro, que será publicado en A Nosa Terra, A Peneira, Diario de Bergantiños, Galicia Hoxe, La Opinión de A Coruña, La Voz de Galicia, O Acontecer, Tempos Novos, Vieiros e Xornal de Galicia.
Segundo o xurado, o recoñecemento deste artigo débese á imaxe moi plástica e moi visual que retracta e describe a situación actual de conflito lingüístico entre galego e castelán e á introdución de conceptos interesantes, modernos, novidosos e moi valiosos para a descrición sociolingüística, como “lingua inevitábel” ou “xustiza ecolingüística”, entre outros.
Máis datos |
|
|
|
|
| Obradiro da Risa |
|
 |
|
|
|
|
| Máis de 50.000 persoas participamos na maior manifestación da historia en defensa do galego. |
|
Como publicou a Mesa, fomos moitas e moi diversas as asociacións e colectivos que acudimos con pancartas propias e da Mesa á manifestación pola defensa do idioma propio de Galiza. Percorríamos Compostela berrando “aínda que se molle, o galego non encolle”, “sempre en Galiza, sempre en Galego” ou “vaia molladura por culpa dun caradura” até chegar á Praza da Quintana. Alí, despois da intervención do presidente da Mesa, Carlos Callón , chamando á mobilización continuada da sociedade na defensa do noso idioma, Yolanda Castaño, Nemésio Barxa, Teresa Moure e Avelino Pousa Antelo deron lectura ao manifesto a prol da convivencia lingüística e a igualdade de dereitos para o galego.
Lembra a Mesa, con toda a razón, que na manifestación escoitouse falar moito galego mais tamén castelán, deixando patente que non só os galegofalantes queren a igualdade de dereitos para o galego, senón que a maioría da poboación galega está en contra da desmantelación da protección xurídica do galego que pretende o goberno do Partido Popular.
Para acceder á galería de fotos clica aquí |
|
|
|
|
| Acudamos na defensa do noso idioma. Tod@s a Compostela! |
|
 Desde as asociacións Quinta Feira, Campo da feira e A Cutareira animamos a toda a sociedade a manifestarse este domingo contra a discriminación do noso idioma que pretende o actual goberno na Xunta de Galiza. Mentres que os dados reflicten unha continúa perda de falantes na nosa lingua, en especial na mocidade, algúns meios da oligarquía espallan que o galego se está a impoñer,cando é xusto ao contrario, está en situación de inferioridade xurídica e social fronte ao español. Queren invertir o papel de opresor e oprimido: é a lingua galega a que está submetida ao español, a que sofre un patente proceso de substitución lingüística, a que segue estando marxinada nos medios de comunicación, na xustiza, na nosa vida diaria. As dificultades para vivir en galego son constantes, e agora o PP quere impedir que as xeracións futuras de galegas e galegos poidan medrar en galego.
Polo dereito a poder vivir en galego, este domingo acudamos todas e todos a Compostela para defender a obra máis prezada do pobo galego: a nosa lingua!
|
|
|
|
|
| Novo enderezo electrónico |
|
Temos xa activado o novo enderezo de correo electrónico quintafeira@telefonica.net.
Antes contactabas a través do correo da presidenta de Quinta Feira
"mariarei@telefonica.net" ou a través do teléfono
625686787.
Agora xa temos o propio da asociación. Pregamos que calquera comunicación electrónica se faga ao novo enderezo.
Unha aperta
quintafeira@telefonica.net
|
|
|
|
|
| Os Bolechas en directo na Laracha. Galería de fotos |
|
Os nosos parabéns á A.VV. A Cutareira de Torás - A Laracha polo seu traballo na defensa da Cultura Galega. Outra vez a aula cultural de Caixa Galicia ficou pequena o pasado venres 8 de maio para dar cabida a unhas 108 nenas e nenos que, acompañados polos seus proxenitores, abarrotaban o lugar para ver como o "pai" dos Bolechas debuxaba en directo á famosa famila. Clica aquí para ver as fotos.
Como ben din dende a nosa asociación amiga, Pepe Carreiro amosaba a súa máis que demostrada habilidade como ilustrador nun acto que espertou grande interesese entre a veciñanza larachesa e que non saberiamos dicir se agradou máis ás cativas e cativos ou aos seus proxenitores.
A directiva da asociación tamén fixo entrega a cada nen@ asistente dun libro dos personaxes homenaxeados:Os Bolechas e tamén realizou sorteos dun CD-DVD dos "Meniños Cantores", posters dos Bolechas e da Historia de Galiza e dos debuxos que Pepe realizou en vivo!!! e que tanto ilusionaron á xente máis nova.
Rematado o acto Pepe Carreiro continuou facendo as delicias das nenos e dos nenos e asinou os libros que a rapazada lle solicitaba.
OS NOSOS PARABÉNS Á ASOCIACIÓN A CUTAREIRA E A PEPE CARREIRO! |
|
|
|
|
| O galego, o idioma que nos une |
|
 Varias veciñas e veciños do noso concello xa se están apuntando para ir no bus á manifestación na defensa do idioma propio das galegas e galegos en Compostela.
Manifestémonos polo dereito a usar a nosa lingua no noso país. As persoas, usuarias do galego debemos desfrutar na Galiza do mesmo status legal que o castelán ten no seu. Non debemos esquecer que as conquistas e avances na normalización lingüística foron froito do consenso entre tod@s e que agora o goberno do PP pretende enviar o galego e nosa cultura á absoluta marxinalidade.
Teléfono de contacto na Laracha: 625686787
Correo electrónico: mariarei@telefonica.net
Saída: 10:30 da Praza do Instituto da Laracha.
|
|
|
|
|
| Na defensa do galego, o idioma que nos une, participa na manifestación das Letras Galegas |
|
 Domingo 17 de maio: As persoas que se queiran apuntar para ir no bus á manifestación na defensa do idioma propio das galegas e galegos en Compostela e/ou á comida posterior, poden ir reservando praza.
Teléfono de contacto na Laracha: 625686787
Correo electrónico: mariarei@telefonica.net
Saída: 10:30 da Praza do Instituto da Laracha.
Participa, Non podemos permitir que os actuais dirixentes da Xunta confinen a nosa cultura á absoluta marxinalidade, do mesmo xeito que non podemos permitirnos enterrar o galego nin outro retroceso letal para a lingua que nos une como galegas e galegos.
|
|
|
|
|
| Reparto de información da manifestación na defensa da nosa lingua |
|
 A Mesa Pola Normalización Lingüística repartiu en Paiosaco ( A Laracha) este domingo, 3 de maio, en colaboración coas asociacións Quinta Feira, A Cutareira e Campo da Feira, a información relativa á manifestación nacional do vindeiro 17 de maio. O lema é “O galego, a nosa columna vertebral. O idioma que nos une!” A manifestación comezará ás doce do mediodía na Alameda compostelá. Participa, non podemos permitirnos enterrar o galego nin outro retroceso letal para a lingua que nos une como galegas e galegos.
Clica aquí para acceder á galería de fotos
Tamén podes acceder no espazo RECOMENDAMOS |
|
|
|
|
|
|
|
