PROFESGALEGAS


Diferencia nas seguintes cláusulas os distintos tipos de QUE (conxunción completiva, pronome interrogativo, determinante interrogativo ou pronome relativo)
EX. Non sei qué (pronome interrogativo) quere que (conxunción completiva) faga co libro que (pronome relativo) me deixou.

1. O feito de que non o convocasen é moi significativo.
2. A rapaza coa que falaba Manuel era a moza de Luís.
3. É o mellor regalo que me puideron facer.
4. Creo que todos estamos pensando no mesmo.
5. Parece que as alternativas que lles ofrecen non os convencen demasiado.
6. A cuestión é que perderon o partido.
7. O xogador que fora convocado polo seleccionador nacional mancouse durante o adestramento matinal.
8. Moitos pensamos que a última película que protagoniza ese actor será todo un éxito.
9. Os zapatos que mercou Mariña sonlle moi cómodos.
10. O bar da esquina que rexenta Alberto ten sempre moita xente.
11. Xa lle dixemos que o programa informático que nos pasara Rafael estaba moi ben.
12. Non sabiamos qué roupa poñer para ese evento.
13. Durante as xornadas que imos celebrar dirémoslles que todo o traballo que deben realizar corre pola súa conta.
14. Parece que hai demasiada xente que opina que todo o que sae na Internet é pouco fiable.
15. Dille que xa sabes que naceu o neno que esperaba a veciña do quinto e que é un bebé precioso.
16. Necesito que me digas qué tipo de tea queres que merque para lle faceres o disfraz que che pediu Manuela.
17. Xa sabemos que o que temos que traballar é importante para poder aprobar todo o curso.
18. Nunca chegamos a pensar que iso que lle dixemos puidese afectarlle tanto.
18. Non sabemos qué lle puido sentar tan mal.
20. Cóntalle ao teu amigo qué é o que che pasou.
21. Queres que sexa eu o que lle diga que aprobou?
22. Gústame moito o xersei de raias que leva Adela.
23. Encantoume oírlle dicir que tiñas razón.
24. Preferiría que foses ti a persoa que lle comunicases esa nova.
25. Non sei qué lle puido pasar pola cabeza para pensar que nós poderiamos desexarlle que lle sucedese iso que lle pasou.


Categoría: EXERCICIOS DE SINTAXE - Publicado o 26-04-2010 13:32
# Ligazón permanente a este artigo
Chuza! Meneame
Neste espazo deixaremos pegadas sobre aspectos lingüísticos e literarios da nosa cultura
Benvid@s ao noso blog. Nel atoparedes, tal e como vedes, aspectos relativos ao noso idioma, tanto desde a perspectiva lingüística, como sociolingüística e literaria. Contamos coa vosa colaboración para que isto vaia "pra diante".

Ademais de información relacionada coa materia de Lingua e Literatura Galega, vou ir engadindo datos relacionados coas materias de Lingua e Literatura Catelá e de Latín, pois son dúas materias que imparto este curso e como este blog é para min unha ferramenta de traballo, incluirei tamén temas relacionados con estas dúas materias.

O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

© by Abertal