|
|
|
|
|
|
Un ano mais temos a celebración da festa maior da nosa aldea. Unha festa que como tódalas festas é unha boa ocasión para ver a eses veciños ou veciñas que xa fai tempo que non vemos. No adro ou no torreiro da nosa pequena igrexa comparten espacio as mais novas xeracións cos maiores da nosa aldea. É un bo momento para compartir anacos da nosa vida, para interesarse polos que non acoden fisicamente, e sabemos que andan en horas baixas, é un tempo para ver como os mais cativos medran e medran. Os mais maiores observan con ollos críticos a execución da vella Danza de Prado da Canda, comentan entre si os posibles erros, esquecéndose de todo, sentencian que calquera tempo pasado foi mellor. As vellas pedras da igrexa, do adro e mais do torreiro son mudas testemuñas destes encontros. Magoa que estes testemuñas de pedra non poidan falar, cantas cousas saberiamos.
Dende a Asociación de Veciños e dende a Comunidade de Montes de Prado da Canda, desexamos que a Festa da Nosa Sra. do Rosario serva como feliz escusa de encontros coas amizades, familiares e tamén cos recordos que nós trae a celebración desta festa.
|
|
|
|
|
| PARA RECORDAR ... |
|
Dende este medio lembramos as citas desta fin de semana.
Por unha banda a festa na honra da Nosa Señora do Rosario. Os días 1 e 2 de outubro temos unha cita coa verbena, coa danza da nosa aldea e tamén para os mais crentes cos oficios relixiosos. Por outra banda a Asociación de Veciños ofrécenos unha mostra do Arquivo de Imaxes. A axenda é interesante para pasar unha boa fin de semana. Aquí deixamos os cartaces dos acontecementos mencionados.
|
|
|
|
|
| REMATA A REPARACIÓN DO PERÍMETRO DO PARQUE INFANTIL DE PRADO DA CANDA |
|
A Asociación de Veciños ven de reparar definitivamente o parque infantil de Prado da Canda.
O perímetro de madeira que dá seguridade ao parque foi danado a causa dunha tormenta. A madeira foi reparada no seu día por un veciño, só quedou pendente de arranxar os cimentos onde están asentados os postes que aseguran a valla perimetral. O traballo realizouse en breve espacio de tempo. O parque infantil volve a ofrecer seguridade aos cativos, tendo reparado na súa totalidade o peche que protexe aos nenos do trafico.
|
|
|
|
|
| TODO PREPARADO PARA A EXPOSICIÓN DO ARQUIVO DE IMAXES DE PRADO DA CANDA |
|
O Arquivo de Imaxes de Asociación de Veciños de Prado da Canda, ten todo preparado para a vindeira exposición. Hoxe rematáronse os traballos de acondicionamento e colocación das fotos que forman parte da exposición. A Asociación de Veciños espera que o traballo realizado se vexa recompensado coas visitas dos veciños e veciñas que se animen a ver unha parte da memoria fotográfica da nosa aldea.
|
|
|
|
|
| INTERESANTE EXPOSICIÓN EN SANTIAGO |
|
 Ata o día 30 de setembro estará no Parador Hostal dos Reis Católicos de Compostela a exposición "Conchas Peregrinas. Miradas diferentes", un traballo conxunto con fotografías de Riobó Prada, na imaxe, e o pintor Manuel Blanco. Aínda non está confirmado que vaia a visitar outras cidades. Interesante exposición a visitar facendo un paseo por Santiago de Compostela. Para saber mais
|
|
|
|
|
|
|
|
