|
|
|
|
| ANIVERSARIO NA FRANQUEIRA |
|
O Sr. Bispo da diocese Tui – Vigo celebrou a eucaristía coa presencia de numerosos fieis chegados de múltiples parroquias.
Moi emotiva foi a celebración dos cincuenta anos da coroación da imaxe da nosa Sra. da Franqueira. Os mozos que bailaron fai cincuenta anos, volveron a facelo coa mesma ilusión. Un numeroso publico foi testemuña deste acto conmemorativo, onde os fieis volveron a disfrutar dunha esforzada organización para que todo saíse o mellor posíbel. O Santuario da Franqueira non escatimou esforzos e sacrificios para que os asistentes levasen un bo recordo desta xornada tan especial.
|
|
|
|
|
| SERÁN SOLIDARIO EN TOUTÓN |
|
 As pandeireteiras da parroquia mondarizana organizan un serán contra o cancro.
Interesante iniciativa das pandeireteiras de Toutón de Mondariz. O próximo sábado, día tres organizan un serán contra o cancro. A festa dará comezo ás seis da tarde, están convidados os grupos que se queiran unir a esta solidaria iniciativa. Os beneficios serán doados á Asociación Española Contra o Cancro de Pontevedra.
|
|
|
|
|
|
|
 |
|
|
|
|
| FESTA DO 25 DE XULLO EN PRADO DA CANDA |
|
 O colectivo veciñal da nosa aldea, pretende que a festa sirva de escusa para facilitar o encontro da veciñanza.
A Asociación de Veciños prepara os últimos detalles da festa do vinte e cinco de xullo. Aquí deixamos o cartace que anuncia a IV Festa da Asociación. Xa son catro anos que se organiza esta pequena festa. A charanga Vai de Baile animará aos asistentes cos súa música. |
|
|
|
|
| ANIVERSARIO NO SANTUARIO DA FRANQUEIRA |
|
 Os organizadores teñen moita ilusión na celebración deste acto.
O próximo vinte e un de xullo o Santuario da Franqueira celebra o cincuenta aniversario da coroación da imaxe da Virxe de Franqueira. Aquí ofrecemos o cartace co horario de tan importante celebración. Os danzantes de fai cincuenta anos volveran a interpretar os mesmos pasos, que sendo mais xoves interpretaron coa enerxía propia da idade, agora con cincuenta anos xa vividos volven a executar con moito cariño e paciencia.
Outro interesante artigo na seguinte enlace ... |
|
|
|
|
| FESTA DA ASOCIACIÓN DE PRADO DA CANDA |
|
O colectivo veciñal prepara con bo animo a festa do vinte e cinco de xullo.
A Asociación de Veciños da nosa aldea prepara a festa do vinte e cinco de xullo. Este ano cúmprese a cuarta edición desta festa. Os xogos populares e mais a música poderán compartir protagonismo nesta xornada festiva en Prado da Canda. A Asociación de Veciños leva anos celebrando esta pequena festa, onde os maiores aproveitan para botar unha parrafada e os mais novos descobren que hai xogos mais ala das vídeo consolas. O Torreiro da Igrexa na Aldea de Abaixo acollerá á diversión, si acaso o tempo se tornase desapracible, a festa trasladase ao Centro Socio Cultural de Prado da Canda. |
|
|
|
|
| ASEMBLEA XERAL DE COMUNEIROS DE PRADO DA CANDA |
|
 No mes de agosto pode andar a data para celebrar a asemblea que decide o futuro do monte comunal.
A Comunidade de Montes de Prado da Canda, prepara a Asemblea Xeral de Comuneiros para finais de agosto. Aínda sen determinar unha data concreta a Xunta Reitora da Comunidade de Montes, prepara a Asemblea Xeral para informar e someter ao criterio da maioría dos comuneiros, os diversos temas que afectan á xestión do monte comunal. O tramite de subvencións para a limpeza do monte é un dos cabalos de batalla na xestión do ben común. |
|
|
|
|
| SERÁN E CHURRASCADA NA CAÑIZA |
|
 A Ruada de Randufe organiza dúas actividades moi interesantes.
En Randufe, barrio da parroquia cañicense das Achas, preparan para o día sete un fiadeiro. A partir das cinco da tarde comezará un serán, o lado do campo de fútbol, onde os publico asistente poderá gozar da música tradicional mentres toma uns pinchos ofrecidos polos organizadores. O día vinte e un tamén preparan unha churrascada, no lugar coñecido como A Carballa. A Ruada de Randufe é quen organiza estes interesantes actos. Aquí deixamos un cartace con tódolos detalles. |
|
|
|
|
| O CENTRO SOCIO CULTURAL DE PRADO DA CANDA CHEO DE VIDA NA NOITE DE SAN XOÁN |
|
A Comunidade de Montes e mais a Asociación de Veciños puxeron as bebidas.
A veciñanza da nosa aldea asistiu á festa da noite de San Xoán. Moitos veciños e veciñas acudiron á cita que prepararon os colectivos veciñais. Os asistentes compartiron a comida preparada nas súas casas. Cada quen aportou o que considerou, e unha vez posto na mesa, foi compartido polos asistentes. Aquí deixamos unha foto da festa de San Xoán. |
|
|
|
|
