Novas de Prado da Canda
Prado da Canda dixital é o boletín informativo da Comunidade de Montes e mais da Asociación de Veciños de Prado da Canda
( Covelo )









O MEU PERFIL
forxaferreiro@yahoo.es
 CAIXAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

ÉXITO DA ANDAINA DO BRETE

A nutrida asistencia, anima aos colectivos veciñais de Prado da Canda a seguir organizando este tipo de actividades.

Un nutrido grupo de animosos camiñantes realizaron a Andaina do Brete. Mais dunha vintena de veciños e veciñas fixeron o recorrido programado pola Comunidade de Montes e a Asociación de Veciños. Os sendeiristas visitaron os Cotos da Bouza e o Coto do Brete onde puideron gozar da paisaxe que ofrecen estes miradores. Na profundidade do bosque, no Regueiro da Valouta, descubriron a cruz labrada na pedra que é o marco que define os montes comunais de Paraños e Prado da Canda. Souberon tamén da existencia de outros seres, personaxes que acostuman a saír na noite.

Comentarios (0) - Categoría: XERAL - Publicado o 28-06-2013 16:36
O SAGRADO CORAZÓN DE XESÚS EN PRADO DA CANDA
A parroquia prepara esta tradicional festividade moi querida na nosa aldea.

Interesante cita para os crentes da nosa aldea. Esta vez a festividade relixiosa é do Sagrado Corazón de Xesús. A misa solemne do día sete de xullo é as oito da tarde, tendo a procesión como o acto mais significativo de toda a cerimonia. A imaxe do Sagrado Corazón é moi querida na parroquia, conta para o seu transporte cun curioso carro feito en forxa. A imaxe ten un considerábel peso o que non facilita o seu traslado nas andas. Isto ultimo provocou no seu día, xa lonxe no tempo, da creación deste peculiar carro de ferro. Deixamos o cartace que detalla os actos.
Comentarios (0) - Categoría: XERAL - Publicado o 27-06-2013 23:43
MÚSICA TRADICIONAL NA CAÑIZA
As Charraviscas da Cañiza convidan a pasar unha xornada con grupos tradicionais do pais.



O sábado, día seis de xullo, podemos asistir á II Xornada de Grupos Tradicionais. As Charraviscas da Cañiza organizan este interesante evento. Ás vinte horas sairá dende a Rúa Oriente da Cañiza un pasarrúas que chegará ata a Casa da Cultura da Cañiza. Varios grupos interpretarán pezas propias da música tradicional do noso pais. Podemos consultar o programa no cartace que aquí deixamos.
Comentarios (0) - Categoría: XERAL - Publicado o 26-06-2013 11:38
A ANDAINA REMATARÁ CUNHA FESTA DE SAN XOÁN

O lume será o protagonista na noite de san Xoán que preparan os colectivos de Prado da Canda.


O día vinte e tres vai ser unha xornada moi completa. Aproveitando a noite da San Xoán a Asociación de Veciños e mais a Comunidade de Montes organizan unha pequena festa no Centro Socio Cultural de Prado da Canda. Despois da andaina, o lume e mais a festa serán os protagonistas, sempre que o tempo o permita a festa preparase para desenvolverse ao aire libre. Aquí deixamos o cartel co programa.
Comentarios (0) - Categoría: XERAL - Publicado o 19-06-2013 13:29
SABIAS QUE ...



Os colectivos veciñais da nosa aldea organizan unha andaina, que entre outros lugares visita o Coto do Brete. Os que se animen a realizar esta pateada, e si a climatoloxía o permite, poderán ver unha unha boa panorámica paisaxística. A altitude á que se atopa esta curiosa forma rochosa ronda os setecentos metros, nun día libre de nubes tal vez poidamos contemplar unha fermosa despedida do sol.
Comentarios (0) - Categoría: XERAL - Publicado o 17-06-2013 23:23
REFORZO DUN VALADO EN PRADO DA CANDA

O Concello realiza traballos de mellora no muro do Torreiro da Igrexa.

O Concello de Covelo consolida o muro perimétrico do Torreiro da Igrexa. O Concello aproveita os traballos do derrube do escenario, para mellorar e consolidar o valado que sustenta o terreo do torreiro. O vello valado presentaba deficiencias que podían provocar desprendementos de terra. Con estes traballos o Concello pretende mellorar a utilidade do muro.
Comentarios (0) - Categoría: XERAL - Publicado o 13-06-2013 13:40
A ANDAINA DO COTO DO BRETE XA TEN ROTEIRO
Os colectivos de Prado da Canda veñen de establecer por onde pasa esta interesante ruta.

A andaina que están a preparar a Comunidade de Montes e mais a Asociación de Veciños de Prado da Canda xa ten o roteiro marcado. O recorrido é de aproximadamente oito km, e pasa polo Coto da Bouza, o Coto do Brete que é o punto mais alto desta ruta, e visita tamén as fragas do Regueiro de Valouta, cruza o Rio Azal e remata no Torreiro da Igrexa pasando antes pola Forxa do Ferreiro. A data concretarase esta fin de semana, e o mais probable é que sexa unha andaina nocturna, aproveitando a lúa chea.
Comentarios (1) - Categoría: XERAL - Publicado o 06-06-2013 18:44
AS PASCUILLAS DA FRANQUEIRA ENCHEU DE DEVOTOS O SANTUARIO

Miles de fieis asistiron A Franqueira chegados de diversas parroquias.


Xa pasaron as Pascuillas da Franqueira, atrás queda xa no calendario esta importante cita para moita xente. Agora empezase a preparar a Roxeria do oito de setembro, outro dia a marcar no calendario das festas vencelladas á tradición. Como sempre nos últimos anos a organización das Pascuillas non deixou de sorprender aos romeiros que acudiron coas imaxes ao Santuario da Franqueira. Novos circuítos, que procuran axilizar a chegada ao chamado Santuario provisional por algúns medios de comunicación. Unha carpa que acolleu ás imaxes e mais aos asistentes á misa solemne das doce, celebrada polo Sr. Bispo da diocese. Algúns asistiron á eucaristía, outros ficaron a dar conta do polbo á feira. Como tódolos anos repetiuse a liturxia.
Comentarios (0) - Categoría: XERAL - Publicado o 03-06-2013 18:58
© by Abertal