Novas de Prado da Canda
Prado da Canda dixital é o boletín informativo da Comunidade de Montes e mais da Asociación de Veciños de Prado da Canda
( Covelo )







O MEU PERFIL
forxaferreiro@yahoo.es
 CAIXAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

NOITE DE FIADEIRO EN VILAVIDAL
Rebulir organiza unha noite de música tradicional que garante a festa.



Dende Vilavidal, na provincia de Ourense, chéganos este convite a participar na VII Noite de Fiadeiro do sábado, día vinte e sete. A Escola de Baile e Música Tradicional Rebulir organiza coa axuda de diversos patrocinadores esta noite de fiadeiro. Os organizadores garanten unha noite a proba da chuvia, dado que contan cunha gran carpa. Podemos ver un vídeo promocional ...




PARA SABER MAIS ...

Comentarios (0) - Categoría: XERAL - Publicado o 24-04-2013 21:18
O SANTUARIO DA FRANQUEIRA PREPARA AS PASCUILLAS DO 2013
A organización esforzase en que todo este preparado para que sexa unha boa xornada de fe.


O Santuario da Franqueira, comezou a distribución do cartace que dá a coñecer o programa dos actos das Pascuillas do 2013. O día vinte de maio os fieis da comarca teñen un ano mais unha cita na Franqueira. O Santuario non escatima esforzos á hora de organizar a presencia dun nutrido numero de persoas, que traen consigo as imaxes relixiosas representativas das parroquias. Esta xornada tamén é un día de festa, onde moitos fieis aproveitan para dar conta do polbo á feira e fan o xantar á sombra das arbores que ofrecen os espazos naturais da Franqueira. Como nos últimos anos, o bispo da diocese oficiará a misa solemne das doce do medio día.
Comentarios (0) - Categoría: XERAL - Publicado o 23-04-2013 21:42
SABIAS QUE ...
Nas proximidades da nosa aldea podemos gozar da paisaxe que deixa o paso da choiva.

No que levamos de primavera a choiva é a principal protagonista. Nestes últimos dias de tregua climatolóxica visitamos a Lagoa do Montouto. A lagoa ten a particularidade de ser estacional, é dicir, literalmente evaporase na estación estival. Despois das intensas choivas das ultimas semanas podemos ver un a formación dunha paisaxe que coa chegada do estío transformase en boa parte. Aquí deixamos unha reportaxe fotográfica deste interesante espacio natural.





PODEMOS VER UN VÍDEO INTERESANTE NA SEGUINTE ENLACE ...
Comentarios (0) - Categoría: XERAL - Publicado o 08-04-2013 12:06
A COMUNIDADE DE MONTES DE PRADO DA CANDA SOLICITA AXUDAS

Os comuneiros da nosa aldea sempre consideran precisos os traballos de poda e desbroce.

A Comunidade de Montes de Prado da Canda vén de solicitar diante da Xunta de Galicia, unha axuda para podar e desbrozar a plantación do Río Azal. Nos últimos anos a Comunidade de Montes solicitou esta axuda, dado que os comuneiros consideran necesarios estes traballos silvícolas. Na plantación mencionada nunca se fixeron traballos forestais. Tódolos anos a Comunidade de Montes solicitou estas axudas, precisas para a prevención de lumes e para a boa evolución do bosque.
Comentarios (0) - Categoría: XERAL - Publicado o 03-04-2013 22:11
© by Abertal