Novas de Prado da Canda
Prado da Canda dixital é o boletín informativo da Comunidade de Montes e mais da Asociación de Veciños de Prado da Canda
( Covelo )









O MEU PERFIL
forxaferreiro@yahoo.es
 CAIXAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

BO NADAL E FELIZ ANO NOVO !!!



A Comunidade de Montes e a Asociación de Veciños Santiago de Prado da Canda, queren agradecer o voso interese ao utilizar esta xanela para visitar a nosa aldea. Que teñades unhas boas festas de Nadal e que no próximo ano se cumpran tódolos vosos desexos.
Comentarios (0) - Categoría: XERAL - Publicado o 22-12-2009 17:33
Un conto de Prado da Canda.
Unha vez mais a paciencia de Isaura dedícanos uns minutiños para contarnos o que lle aconteceu xa fai algún tempo.

Comentarios (0) - Categoría: XERAL - Publicado o 22-12-2009 17:30
OPINIÓN

A fin do mundo



Din os analistas que estamos nun momento crucial. Horas e horas de análise para decatarse do obvio. Non, non vou falar de que a humanidade vai desaparecer. Polo menos do xeito en que nos teñen acostumados certas películas norteamericanos. Iso si, o mundo, tal e como o coñecemos, está a piques de rematar. A crise, unha verba apartada por algúns e espallada con altofalantes por outros, é estructural e non só económica como nos queren facer ver, explícome. Agora sabemos que o sistema, baseado na lei depredadora do máis forte, non funciona. A especulación traballou, todos estes anos, a costa do traballo da xente de a pé e dos seus aforros. No Estado español mentres uns acadaban cotas de poder a partir dos anos 80, ben en empresas privadas ou ben en postos de responsabilidade política, a maior parte da poboación fornecía, sen sabelo, de cartos abondo para que o “monstro” medrara. Ninguén fixo caso da alerta de moitos especialistas que avisaban do que podía pasar. Agora temos aquí o resultado: paro e pobreza. Pero o sistema non só fallou a nivel económico, tamén fracasou a nivel ambiental e cultural.
Hai xente que pensa que vive libre do problema. Está nun erro. Por moito que teñamos a sorte de ter casa, traballo e mesmo terras e uns cantos animais para poder subsistir, da segunda parte da crise mundial ninguén escapa. Estou a falar da crise ambiental. O clima está a mudar dun xeito tan perigoso e rápido que non haberá ningunha posibilidade de fuxir da subida de temperaturas e o avance vertixinoso da sequia no noso país. Que podemos facer? En primeiro lugar actuar a nivel individual cos moitos consellos que se dan, sobre todo por parte das organizacións ecoloxistas. Agora ben, tamén temos que esixir que as grandes empresas e institucións fagan o mesmo, senón non serviría de nada o noso sacrificio.
A nivel cultural, por moito que a algúns lles poda parecer algo menos importante, están a desaparecer sistemas enteiros de formas de vida. En poucos anos pasamos a ser unha sociedade cada vez máis urbana e menos rural. Quen pode dicir hoxe que non precisa dun teléfono móbil, por exemplo? Pero o máis aterrador é que esta unificación tecnolóxica, se cadra necesaria, impón unha regras de destrucción do elemento máis importante dunha cultura: a súa lingua. No noso caso asistimos a unha sistemática ocultación do galego en todo tipo de lugares: manuais de instruccións, páxinas web, medios de comunicación,... Fálase de imposición e a un tempo de liberdade cando os que vivimos aquí, neste caso en Prado da Canda,non sabemos de que diaños están a falar.
En fin, penso que ata a última parroquia galega, por moi lonxe que se atope dos centros de decisión (e por desgraza semella que estes cada vez estén máis lonxe) pode actuar e conta no conxunto da sociedade. Pensemos nisto e seguro que a fin do mundo non vai ser agora, ou polo menos conseguiremos retrasala o máximo posible.

Por Antón F. Escuredo, Redactor Xefe do Xornal A Peneira

Comentarios (0) - Categoría: XERAL - Publicado o 22-12-2009 00:15
Sabias que…
O Monte Comunal de Prado da Canda foi clasificado como tal o 4 de Maio de 1979. A superficie desta clasificación era de 145 has. Dende aquela primeira clasificación ate o día de hoxe o Monte Comunal mudou a súa extensión territorial, debido aos procesos xurídicos que deron como resultado un novo deslinde. Podemos ver aquí un mapa de como era inicialmente o Monte Comunal de Prado da Canda no ano 1979.

Comentarios (0) - Categoría: XERAL - Publicado o 22-12-2009 00:04
A Asociación de Veciños de Parada de Achas organiza a visita de Papá Noel.
A AVV de Parada de Achas, a Caniza, organiza a visita de Papá Noel á parroquia. O próximo día 23 de decembro ás 17:00 horas, na Casa da Cultura – Teleclub do Feiron.
O programa do colectivo veciñal para este día, conta coas actuacións, do contacontos Manuel Solla, e de Xosé Manuel Conde, actor e director de teatro, membro do grupo Lambríaca e fundador do trío Fulano, Mengano e Cítano.
Rematada as actuacións se recibira a chegada de Papá Noel con entrega de agasallos, finalizado o acto se serviran uns pinchos. A Asociación de Veciños conta coa colaboración da Asociación Gran Vigo e Lambríaca.
Comentarios (0) - Categoría: XERAL - Publicado o 20-12-2009 23:35
Cartel do Serán do 2010 de Prado da Canda.
Comentarios (1) - Categoría: XERAL - Publicado o 17-12-2009 15:47
O Centro Socio Cultural de Prado da Canda esta a piques de rematar.
Nestes últimos días os traballadores están a rematar o Centro Socio Cultural. A xulgar polo avanzado da obra, esta semella chegar pronto o seu fin. Na Comunidade de Montes e na Asociación de Veciños non poñen aínda, a día de hoxe, unha data de inauguración deste local. Só o parón vacacional de agosto retrasou a edificación deste demandado espacio social. Os veciños e veciñas de Prado da Canda esperan con ilusión poder utilizar en breve os locais que ofrece esta nova casa.


Comentarios (1) - Categoría: XERAL - Publicado o 16-12-2009 00:07
A Executiva da Asociación de Veciños de Prado da Canda comeza a organizar o Serán do 2010.
A primeira actividade que organiza a Asociación de Veciños para o 2010 é o Serán de Prado da Canda. Esta xa é a quinta edición do Serán. A executiva vai introducir novidades, que espera que sexan do agrado dos músicos, así como tamén dos bailadores e bailadoras que visiten a nosa aldea, o próximo 16 de Xaneiro. O Serán comezará ás 21:30 horas e o lugar estará sinalizado. A Executiva espera repetir o éxito de edicións anteriores. Aquí podedes ver algunhas fotos do Serán do 2009.


Comentarios (0) - Categoría: XERAL - Publicado o 15-12-2009 16:02
Teatro en Prado da Canda.
O teatro foi unha das primeiras actividades que organizaba a Asociación de Veciños. A idea orixinal partiu de Don Xavier Alonso Docampo, Don Xavier é o crego da parroquia, foi quen animou aos mozos e mozas a facer unha pequena representación de teatro no Nadal. Os veciños gustaron moito desta interpretación, a raíz daquela primeira e exitosa representación, a Asociación de Veciños de Prado da Canda, intentou contar co teatro nas súas actividades. Aquí podemos ver algunhas fotos dunha función que tivo lugar en Paraños, no Día das Letras Galegas do 2001.


Comentarios (0) - Categoría: XERAL - Publicado o 11-12-2009 17:07
Mais fotos no Arquivo de Imaxes da Asociación de Veciños.


Abel e mais a súa muller Éstrella, déixanse fotografar nesta imaxe, que nos serve para animarvos a que visitedes o blogue do Arquivo de Imaxes.


FAI cLIK NO SEGUINTE ENLACE:



Comentarios (0) - Categoría: XERAL - Publicado o 10-12-2009 12:38
A Comunidade de Montes de Prado da Canda, quere acondicionar pistas forestais.
O monte comunal de Prado da Canda ten pistas forestais, debido ao mal tempo e a rodadura dos vehículos que as usan, na súa maioria todoterreo, algunha pistas presentan un mal estado de consevacion. A Comunidade de Montes ten intención de arranxar as mais estropeadas. A que vemos nas fotos é a que mais urxentemente precisa un arranxo. Esta pista vai dende o Curro ate o Regueiro do Marco, e facilita a comunicación entre o monte comunal de Prado da Canda e o alto de Fontefria, tamén podendo chegar á Franqueira. Podemos ver fotos do estado actual da pista que se quere arranxar.



Comentarios (0) - Categoría: XERAL - Publicado o 10-12-2009 12:08
O río Prado tamén forma parte do roteiro etnográfico do río Xabriña.
Na Aldea de Arriba de Prado da Canda, o río Prado atopase formando parte da ruta do Xabriña. O río Prado é pequeno e verte as súas augas ao río Xabriña. O muíño da Parauta ou temen chamado do Ferreiro é testemuña deste encontro entre ámbolos dous ríos. Aquí podemos ver algunhas fotos do pequeno río Prado.


Comentarios (0) - Categoría: XERAL - Publicado o 09-12-2009 13:49
1 [2]
© by Abertal