Novas de Prado da Canda
Prado da Canda dixital é o boletín informativo da Comunidade de Montes e mais da Asociación de Veciños de Prado da Canda
( Covelo )









O MEU PERFIL
forxaferreiro@yahoo.es
 CAIXAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

O ALCALDE DE COVELO VISITOU PRADO DA CANDA


Esta é a segunda vez que un mandatario municipal se reúne co colectivo veciñal.

O Alcalde de Covelo, Pablo Castillo, reuniuse coa executiva da Asociación de Veciños. A primeira vez, foi o anterior Alcalde, Jose Costa, a reunión consistiu nunha visita ao centro cultural, onde o colectivo veciñal fixo ver as deficiencias que o edificio padece, tanto no seu exterior como no interior, onde padece graves filtracións de humidade. O mandatario municipal solicitou que se lle enviase unha relación por escrito de tódolos problemas que padece a casa, amosou a súa dispoñibilidade para negociar un convenio de colaboración entre o Concello e a Asociación de Veciños para o uso do edificio.
Comentarios (2) - Categoría: XERAL - Publicado o 26-01-2016 13:32
O CERCO VOLVE A PECHARSE EN PRADO DA CANDA

Os fieis realizaron un ano mais a tradicional procesión, con San Sebastián, San Roque e Santa Bárbara.




O cerco volveu a saír a facer a procesión, que deixa no interior do perímetro que recorre ás vivendas da nosa aldea. Os santos visitaron o Peto das Ánimas da Aldea de Abaixo, os Cotos da Bouza e o Peto das Ánimas da Arigua. O recorrido non variou con respecto a outros anos. Dende o punto mais alto, bendiciuse a aldea, antigamente tiñan por costumbre deixar o gando fora das cortes, para que tamén recibisen a debida bendición. Aquí deixamos unhas bonitas fotos, realizadas por Laura ...
Comentarios (0) - Categoría: XERAL - Publicado o 24-01-2016 19:41
A ASOCIACIÓN DE VECIÑOS QUERE PODAR UNHA ARBORE

O colectivo veciñal de Prado da Canda, volve a pedir un traballo solicitado no 2013.




A Asociación de Veciños volveu a solicitar a poda da arbore que esta pegada ao parque infantil, na Aldea de Abaixo. Este traballo foi solicitado no mes de Agosto do ano 2013, mediante a presentación do correspondente escrito. Despois deste tempo non se recibiu resposta nin tampouco se fixo nada sobre esta solicitude. Daquela o actual Alcalde, Pablo Castillo era Tenente de Alcalde, é dicir o segundo de abordo do equipo de goberno. Dende o colectivo veciñal vaise facer un traballo para recordarlle gustosamente ao novo Alcalde as demandas presentadas cando xa formaba parte do anterior equipo de goberno, e semella ter esquecido.
Comentarios (0) - Categoría: XERAL - Publicado o 14-01-2016 12:59
SOLICITUDE DE REUNIÓN CO ALCALDE

O colectivo veciñal de Prado da Canda, solicita unha xuntanza co mandatario municipal de Covelo.

A Asociación de Veciños solicita unha reunión co alcalde do noso municipio. A executiva do colectivo veciñal, quere poñer en coñecemento do novo alcalde, as demandas que desde algún tempo se lle veñen reclamando ao Concello. Esta é a primeira reunión solicitada dende que tomou posesión o novo alcalde de Covelo, Pablo Castillo.
Comentarios (0) - Categoría: XERAL - Publicado o 12-01-2016 23:53
MERENDA EN PRADO DA CANDA
O colectivo veciñal da nosa aldea quere empezar o ano celebrando unha pequena festa.

Despois de recoller os santos, o día do Cerco, que este ano celebrase o sábado 16 de Xaneiro, a Asociación de Veciños organiza unha pequena festa. O primeiro andar do Centro Socio Cultural, acollerá aos músicos, onde os organizadores ofrecerán chocolate ben quente. A veciñanza que acuda pode aportar o que considere oportuno, aquí deixamos o cartace que anuncia esta pequena festa veciñal.

De 10 de xaneiro do 2016
Comentarios (0) - Categoría: XERAL - Publicado o 10-01-2016 21:00
© by Abertal