Novas de Prado da Canda
Prado da Canda dixital é o boletín informativo da Comunidade de Montes e mais da Asociación de Veciños de Prado da Canda
( Covelo )







O MEU PERFIL
forxaferreiro@yahoo.es
 CAIXAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

MERENDA NO CERCO DE PRADO DA CANDA
O colectivo veciñal da nosa aldea organiza unha festa merenda para o día do cerco.

O próximo sábado, día 26 de xaneiro, a Asociación de Veciños ofrecerá unha merenda, no primeiro andar do Centro Socio Cultural de Prado da Canda. A festa dará comezo ás oito do serán. A música estará presente, acompañando a aqueles que queiran pasar un rato de lecer, despois de acompañar aos santos no día do cerco. O chocolate ben quentiño animará aqueles corpos mais fríos.
Comentarios (0) - Categoría: XERAL - Publicado o 20-01-2013 17:41
SERÁN EN ARBO
A veciñanza de Cabeiras organiza o segundo serán na honra de San Sebastián.


No concello de Arbo celebran o II Serán de Cabeiras. Ás nove da noite do dia 19 de Xaneiro, dará comezo a festa, tendo viño e comida de balde. Os organizadores contan coa participación, ás doce da noite, do Bruxo Queiman co espectáculo Galiza Terra Meiga.
Comentarios (0) - Categoría: XERAL - Publicado o 16-01-2013 12:21
SUSPENDESE O SERÁN DE PRADO DA CANDA
O colectivo veciñal organiza unha merenda para o día do cerco.



A Executiva da Asociación de Veciños de Prado da Canda, reuniuse o pasado sábado, día doce. Entre outras cousas, decidiuse aprazar este ano a celebración do Serán de Prado da Canda. A cancelación é debida á ausencia de persoas, que por distintos motivos persoais non pode volcarse este ano en todo o proceso organizativo do serán. A Executiva valorou estes motivos optando pola cancelación da festa. Así tamén decidiuse organizar unha merenda, que o colectivo veciñal vai ofrecer unha vez rematado o Cerco. Ás vinte horas do dia vinte e seis de Xaneiro, no primeiro andar do Centro Socio Cultural de Prado da Canda o colectivo veciñal ofrecerá unha merenda, cun chocolate ben quentiño e música.





Comentarios (1) - Categoría: XERAL - Publicado o 15-01-2013 12:50
CAE UNHA PONTE EN CASTELÁNS

A veciñanza vese obrigada a recorrer mais kilometros tras a caída da ponte.

A ponte de Casteláns, no noso municipio, veu de quebrar. Esta ponte vertebraba á parroquia de Casteláns. Transitada por moitos viaxeiros e veciños que utilizaban esta ruta para ir a Barcia de Mera. Só houbo que lamentar danos materiais, a perda de dous cans e agradecer á providencia a sorte que tivo a unica persoa que caeu ao río, sobrevivindo a unha situación moi perigosa para a súa vida. O Concello de Covelo vén de asegurar que non conta con cartos para poder fronte á reconstrución do vial. Esta ponte era utilizada polo transporte escolar do noso municipio.
Comentarios (0) - Categoría: XERAL - Publicado o 07-01-2013 20:14
© by Abertal