O indicador da parroquia sufriu o paso do tempo, cumpría unha reparación.
O colectivo veciñal de Prado da Canda ven de repoñer o cartace de sinalización da nosa aldea. Este indicador foi colocado xa fai uns anos, presentaba un grave deterioro o que urxía á súa reparación. Aquí deixamos unha fotos de como estaba e de como luce unha vez reparado.
Despois de moitos anos, a veciñanza de Prado da Canda ve arranxado un camiño abandonado.
Nalgún tempo os camiños eran reparados polos propios veciños, o adro da igrexa, si tivese a facultade de falar, podería contarnos algunhas daquelas reunións. Os veciños, antes ou ben despois de escoitar a misa, falaban de arranxar tal ou cal camiño, cada quen aportaba, a parte do tempo, o que podía, algúns pedras, outros os bois e os carros se fose necesario, todos ofrecían o seu saber para sacar adiante os traballos precisos para manter en boas condicións os camiños, fontes, pontes ou o que fose necesario. Cando a obra se escapaba ás posibilidades da veciñanza acudíase ao Concello. Hoxe as cousas mudaron, non sabemos si para mellor ou para peor, pero basicamente acontece algo parecido. O Concello acometeu o arranxo do camiño da Arigua, unha demanda que podemos cualificar, sen medo a caer na esaxeración, histórica. A Asociación de veciños teimou dende o 2008 para que se acometese esta obra, pequena pero moi necesaria. Aquí deixamos unhas fotos.
A Asociación de Veciños considera necesaria esta pequena intervención.
O pequeno parque infantil, tamén coñecido como xardín da infancia xa ten uns anos, e como nos pasa a nós precisa unha pequena posta a punto. O colectivo veciñal de Prado da Canda vai facer unha pequena operación estética, onde se reparará a valla de madeira do perímetro do parque, afianzar os postes, repoñer a madeira que foi caendo e por ultimo protexer cun verniz toda a valla.
A veciñanza de Prado da Canda satisfeita cos traballos realizados.
O camiño da Costa luce deste xeito despois dos traballos realizados para o seu arranxo. Este camiño presentaba un forte, deterioro froito do abandono de moitos anos. Agora a veciñanza goza da comodidade que representa o acondicionamento desta vía de comunicación da nosa aldea.
