O EDL pretende recoller neste recuncho aquelas actividades e actos que se realizan nesta escola co fin de promocionar e normalizar a nosa lingua galega
Como colofón á festa todo o público se deleitou coas actuacións de baile galego do grupo de baile galego do Portofaro e coas cantigas dos alumnos de 2º de primaria, que viven con paixón a música e cantan fantásticamente. Aquí vai un video gravado polos alumnos da actuación de dous destes cantareiros moi aplaudidos por todo o público.
Unha das actividades máis divertidas e con máis participación foi a do concurso de chistes.
Deixámosvos aquí uns videos gravados polos propios alumnos nos que podedes ver a final do concurso de chistes e a entrega de premios.
Pero non pensedes que nesta semana todo foi falar. Tamén deixamos un tempiño para pensar e por iso todo o colexio participou no concurso de pancartas. Sen nada que envexar aos bos publicistas pensamos varios lemas para defender o uso do galego e conseguimos unhas pancartas moi reinvidicativas e coloristas para manifestarnos a prol da nosa lingua.
Outra das actividades realizadas na Semana cultural foi o obradoiro de dobraxe.
O alumnado de 5º e 6º de primaria pasouno moi ben e participou activamente, tal como dá conta esta presentación que engadimos aquí.
A súa colaboración e a axuda inestimable de Anxo (profesor de galego nun centro próximo ao noso) serviron para traballar a entoación e practicar a oralidade case sen esforzo, ademais de para reflexionar un pouco sobre a escaseza de filmografía dobrada ao galego.
Ao final conseguimos dobrar un anaquiño de Toy Story e quedou bastante ben.
Como xa sabedes a semana do 9 ao 13 de maio celebramos no cole a I Semana cultural "Saca a lingua fóra". Buscabamos con esta iniciativa usármos o galego dentro e fóra das aulas e pasármolo ben usándoo.
Conseguimos a participación de todos os cursos e pasámolo moi ben. Para que vexades unha mostra, aí van unhas imaxes dunha das sesións de contacontos feitas polos nenos e para os nenos.
Carapuchiña vermella versionada por 6º de primaria para o nenos e nenas de 4 anos A.
A COORDINADORA DE EQUIPOS DE NORMALIZACIÓN ELABOROU UNHA RECOPILACIÓN SOBRE TODO O MATERIAL PARA TRABALLAR AO REDOR DE LOIS PEREIRO. PODEDES ATOPALO NO ENLACE SINALADO.
Aproxímase a semana das letras galegas, este ano adicado a Lois Pereiro.
Como todos os anos contamos co traballo elaborado polo Seminario Galán.
Atopamos tamén unhas páxinas interesante doutro colexio onde podemos atopar máis informaciòn e actividades para traballar a este autor.
Aproxímase a semana das letras galegas, este ano adicado a Lois Pereiro.