O club de lectura Portas Abertas está a ler Herba Moura da monfortina Teresa Moure.
Premio Xerais 2005, trasládanos, da man dunha personaxe contemporánea chamada Einés Andrade, ao século XVII, onde nos atopamos coa figura dun Descartes humano e fráxil e, sobre todo, coa presenza de dúas mulleres: a ráiña Christina de Suecia e Hélène Jans, una entrañabel meiga residente en Amsterdam. Botando man de recursos tan dispares como a epístola, o diario, o ensaio ou a poesía, a autora contrúe unha novela estilisticamente deslumbrante, sen caer nunca no lirismo gratuíto nin no sentimentalismo. Herba Moura é un canto ás paixóns: á paixón amorosa, desde logo, mais tamén a outras paixóns deostadas como a do amor polo coñecemento, a da amizade, a da maternidade, a da lectura e a da palabra. Esta novela engailante deita unha ollada crítica sobre o devir das mulleres na historia, dándolles voz e recupérandoa para elas.

Xuntámonos o luns 8 de marzo DIA INTERNACIONAL DA MULLER TRABALLADORA para comentala novela, ás 17:00h no Centro de Interpretación do Contrabando en Vilardevós.

O CDR Portas Abertas está a levar a cabo o proxecto "Orientación, formación e promoción do autoemprego" financiado por Obra Social Caixa Galicia, no cal estanse a desenvolver algunhas das seguintes actuacións:
-Bolsa de emprego, que conta cos seguintes servizos:
Publicación no taboleiro de anuncios de ofertas de emprego actualizadas diariamente.
Publicación de información sobre formación e becas actualizadas semanalmente.
Realización e envíos de currículos.
Orientación laboral.
Proporcionar ás empresas que así o desexen posibles candidatos/as para as vacantes que oferten.
- Preparación para as probas de competencias clave, un requisito para os novos certificados de profesionalidade.
- Alfabetización dixital de persoas adultas.
- Apoio escolar a menores, tódolos martes durante dúas horas, en Vilardevós, estase a traballar con menores en materia de reforzo escolar.

O pasado sábado 30 de xaneiro, o club de lectura Portas Abertas desprazouse ata Ourense para percorrer aquelas rúas que Eduardo Blanco Amor evoca na súa novela A Esmorga. Espazos identificados con nove placas de cerámica que sinalan as oito paradas do roterio (a nove situase na que foi casa de Blanco Amor) por onde van pasando O Bocas, O Milhomes e O Cibrán.

O pasado venres 22 levouse a cabo un obradorio de construcción de niños cos nenos e nenas do CEIP Rodolfo Núnez de Vilardevós co fin de recolonizar as especies autóctonas e o venres 29 colocáronse os mesmos pola ribeira do río Fornos.

Con esta actividad rematamos co proxecto "Móllate polo río" do Programa de Voluntariado en Ríos 2009 que viñamos desenvolvendo dende o mes de outubro.

Gracias a tódolos/as participantes!

SEGUIREMOS A PROMOVER A PARTICIPACIÓN E IMPLICACIÓN ACTIVA DA SOCIEDADE NA CONSERVACIÓN E MELLORA DO NOSO MEDIO AMBIENTE.

O pasado xoves 21 de xaneiro realizouse un Obradoiro de aforro de auga no fogar no marco da "Campaña de aproveitamento sostible da auga" que o CDR Portas Abertas está levando a cabo dentro do seu proxecto "Móllate polo río", do Programa Voluntariado en ríos 2009 xestionado polo Ministerio de Medio Ambiente, Medio Rural e Mariño a través da Confederación Hidrográfica do Douro.
O fin é afondar nunha maior concienciación sobre a importancia da auga como recurso natural escaso e insustituible e sensibilizar na responsabilidade que todos temos na súa axeitada xestión.

[1] ... [24] [25] [26] 27 [28] [29] [30] ... [37]