Tras unhas largas vacacións, o club de lectura Portas Abertas retoma a súa andaina coa lectura de El vagón de las mujeres da escritora Anita Nair.

Akhila, unha muller de corenta e cinco anos, solteira, e de quen dependeu sempre a súa familia sente un repentino impulso de fuxir de todo. No furgón dun tren que atravesa a India en dirección ao sur, encóntrase con outras cinco viaxeiras coas que comparte confidencias.
Janaki, una nai confundida; Margaret, unha profesora de química cun marido tiránico; Prabba, unha sumisa esposa que busca a súa verdadeira identidade; Shaela, unha rapaza de catorce anos que comprende os últimos desexos da súa avoa mellor qque ninguén; Marikolanthu, que viviu máis experiencias que todas elas xuntas; e Akhila, que espera que as súas historias cambien as súas vidas. Seis personaxes que se atopan nesta cálida novela para descubrir o amor, o matrimonio, a familia, a amizade e o traballo na India e no mundo.

Podedes pasar mañá venres 5 de novembro polo Centro de Interpretación do Contrabando, en Vilardevós, a recoller o libro.

[1] ... [19] [20] [21] 22 [23] [24] [25] ... [37]