Unha veintena de persoas asisten a charla coloquio impartida por Xerardo Dasairas sobre Roberto Vidal Bolaño, con motivo da celebración do Día das Letras Galegas o 17 de maio no Centro de Interpretación do Contrabando en Vilardevós.

"Roberto Vidal Bolaño naceu en Santiago de Compostela en 1950 e faleceu na mesma cidade en 2002. Formou parte do denominado "Grupo Abrente" que, a partir da década dos 70, renovou e actualizou tanto a escrita como as representacións dramáticas galegas. Todas as súas actividades xiraron sempre, e en exclusiva, arredor do teatro: desde a creación do "Grupo Antroido", en 1975, até a súa compañía actual "Teatro do Aquí", pasando pola breve experiencia da cooperativa "Teatro do Estaribel". En 1978 deu o paso definitivo que levou ás xentes do teatro galego a se transformaren en profesionais, superando de vez a pantasma de "amador" que parara sempre sobre a historia do noso teatro.
A súa produción está caracterizada polo compromiso co país e a lingua, a experimentación estética, e o diálogo coa tradición, tanto culta como popular, literaria e histórica, social e política. O feito de que Vidal Bolaño escribise para a súa compañía, coa urxencia que esixe a obrigada estrea anual e a atención dedicada ao texto espectacular, non empeceu en absoluto a calidade literaria dos seus textos dramáticos, nos que as resonancias de Otero Pedrayo e Valle Inclán se transforman en esmaltes que enriquecen a súa literatura e agasallan ao lector.
A pesar de que xa nas décadas dos setenta e oitenta lograra diversos premios ("Abrente", "O Facho" e "Ciudad de Valladolid"), como aconteceu con outros integrantes do "Grupo Abrente", o recoñecemento artístico de Vidal Bolaño non se produciu até os anos noventa, cando a obtención de premios institucionais, galegos e portugueses ("Rafael Dieste", "Alvaro Cunqueiro", "Xacobeo 92", "Eixo Atlántico", "María Casares"...), normalizou tanto a publicación das súas obras como o seu coñecemento por parte da prensa e, en consecuencia, do público.
A súa forte personalidade deixou unha profunda pegada nos dramaturgos máis novos, cuxas consecuencias se verán co trancorrer do tempo.
A figura e a obra de Roberto Vidal Bolaño foron fundamentais na construción dun teatro nacional galego.

Con motivo da celebración do Día das Letras Galegas o 17 de maio, o Centro de Desenvolvemento Rural Portas Abertas organiza unha charla coloquio acerca da vida e obra do autor o que está adicado tal día, ROBERTO VIDAL BOLAÑO.
Esta charla é impartida por Xerando Dasairas Balsa e terá lugar o venres 17 de maio ás 19:00h no Centro de Interpretación do Contrabando en Vilardevós.

ANIMÁMOSVOS A PARTICIPAR!

O Centro de Desenvolvemento Rural Portas Abertas está a organizar obradoiros de cestería para todas aquelas persoas interesadas en coñecer uns dos oficios tradicionais na nosa cultura; aprendendo a elaborar cestos empregando materiais como o mimbre e a tireta.
Cunha duración de 30 horas e un horario por convir cos/as interesados/as.

Os primeiros obradoiros terán lugar no Centro de Interpretación do Contrabando en Vilardevós e no Centro situado na rúa Mariano Carrero, 10 en Verín.

Para máis información e matrícula nos teléfonos 988717232 ou 988989508

O vindeiro domingo 12 de maio celébrase o torneo de xadrez organizado pola Associaçao Cultural e Desportiva de Rebordochao e a Associaçao de Xadrez de Vila Real con apoio da Junta de Freguesia de Bornes de Aguiar e a colaboración do Centro de Desenvolvemento Rural Portas Abertas.

A competición realizase no Salón Nobre da Junta de Freguesia nas Pedras Salgadas. As inscricións son gratuitas e o xogo realizase polo sistema suízo de 7 sesións, no ritmo semirápido de 12 minutos.

Información e inscricións no Centro de Desenvolvemento Rural Portas Abertas na rúa Mariano Carrero, 10 Verín ou no teléfono 988989508

O pasado venres 19 de abril saiu publicada no DOG a Resolución do 10 de abril de 2013, da Dirección Xeral de Emprego e Formación, pola que se convocan probas de avaliación en competencias clave para acceder ás accións formativas dos novos certificados de profesionalidade de nivel 2 e 3 de cualificación dentro da formación profesional para o emprego da Comunidade Autónoma de Galicia.

A través da páxina da Consellería de Traballo e Benestar podedes acceder a tódala información ao respecto e descargar a solicitude para poder presentala ata o día 3 de maio. As listas de admitidos sairán o 30 de maio para as cais abrirase un periodo de alegacións ata o día 4 de xuño e finalmente os exames terán lugar no Recinto Feiral de Silleda o días 22 de xuño para as competencias clave de nivel 2 e 23 de xuño para as competencias clave de nivel 3.

O Centro de Desenvolvemento segue a preparar para ditas probas, os martes e xoves polas mañáns, as competencias de lingua galega, lingua castelán, tecnoloxía, ciencias, matemáticas e dixital. Para máis información 988417232 e 988989509.

A pasada semana o CDR Portas Abertas colaborou no curso de "Mediación e xestión de conflictos" da Uned organizado polo Concello de Verín.
Tamara Balboa, traballadora social de esta entidade participou no obradoiro "Bullyng, mediación e violencia en imaxes" no que cuestionou os/as participantes e reflexionou acerca da película Precious.

O vindeiro martes 16 de abril ás 16:00h no Centro de Interpretación do Contrabando en Vilardevós, o club de lectura Portas Abertas volve a reunirse para comentar a obra de Nancy Mitford, A caza do Amor.
Nesta novela, Nancy Mitford emprega elementos reais da súa extravagante e famosa familia para construir o relato.

A acción ábrese no salón de Alconleigh, a casa de campo dos Radlett. Ante os nosos ollos van desfilando os distintos membros da familia: o malhumorado pai, tío Matthew, cos seus violentos e cómicos estalidos de cólera e os seus curiosos pasatempos, como organizar cacerías nas que as pezas son algún dos fillos…; a ausente e devota nai, Sadie; e os sete fillos que xunto a súa prima Fanny forman unha estrafalaria e divertidísima familia. Pero realmente é a xoven Linda Radlett e a súa permanente busca do amor o auténtico centro desta historia. A través das súas páxinas acompañarémola nas súa azarosa conquista e coñeceremos ós distintos homes nos que pensou atopalo.

O texto desprega o famoso inxenio satírico e a extraordinaria capacidade da autora para reconstruir o ambiente, a vida e as persoas nos círculos aristocráticos ingleses de entreguerras. Un libro inteligente y divertido, que, aunque pudiera gustar simplemente por lo que es: una novela vibrante y mordaz, es también un verdadero trozo de vida.

1 [2] [3] [4] [5] [6] [7] [8] ... [32]