DE LINGUA EN LINGUA


BLOGUE DE LINGUA GALEGA DO CPI DE PONTECESURES
Hai quen bota a lingua a pacer con moita facilidade; outros chegan a perderse pola lingua ou teñen que morder a lingua para non irse da lingua. Nós, neste caderno de bitácora, imos tirar da lingua para dicir todo aquilo que temos na punta da lingua aínda que fiquemos coa lingua fóra. Tentaremos non ser lixeiros de lingua, ou si, se cadra...pero nunca malas linguas...Iso deixámosllelo ás linguas viperinas, que cospen veleno. Quizais cheguemos a ter don de linguas, mais o que nos importa de verdade é que a nosa lingua vaia de lingua en lingua.

O meu perfil
 CATEGORÍAS
 WEBS RECOMENDADAS
 FOTOBLOGOTECA
 DESTACADOS
 BUSCADOR
 BUSCAR BLOGS GALEGOS
 ARQUIVO

AS FRAGAS DO EUME

As Fragas do Eume, que se atopan na provincia da Coruña,foron declaradas Parque Natural o 30 de xuño de 1997 e abarca 9126 ha. Na actualidade residen nela 521 persoas, dos concellos de: Cabanas, Capela, Monfero e Pontedeume. Os bosques das fragas son dunha elevada biodiversidade. A flora fora moi explotada polo home a causa da fertilidade das súas terras. As árbores que máis abundan no parque son os carballos e os castiñeiros. As fragas polo seu clima, húmido e sombrío, ten moitas especies de anfibios, entre os podemos atopar 13 das 15 especies que hai de salamántigas. Tamén podemos atopar moitos: sapos, ras, cabalos do demo, martiños pesqueiros... Dentro dos límites do parque existen numerosos vestixios de actividades humanas, por exemplo, cruceiros, pontes, ou santuarios. O 31 de marzo de 2012 produciuse un incendio no concello da Capela que queimou 750 hectáreas. 350 correspondían ao parque. O terrible incendio non se puido apagar ata o 3 de abril.

SAMUEL GARCÍA CASTRO
4º ESO Curso 2014/2015
Comentarios (0) - Categoría: A FORXA DAS LETRAS - Publicado o 01-12-2014 13:32
# Ligazón permanente a este artigo
"O DÍA QUE PERDÍN O MÓBIL E NON TIVEN INTERNET"

Un día que paseaba polo parque coas miñas amigas deime conta de que xa era tarde, que tiña que ir para a casa e, como non me dera présa, miña nai íase enfadar. Levaba unha chaqueta posta co móbil e cos cartos no peto. Empecei a correr porque xa chegaba tarde e non quería que mamá discutira comigo. Cando cheguei, ía coller o móbil para chatear cos meus amigos, pero decateime de que non estaba. Empecei a buscar por toda a casa, pero non aparecía e pensei que o puidera perder polo camiño. Cando llo dixen a mamá enfadouse por non ter coidado coas cousas. Fomos buscalo á vila e non o dabamos encontrado, así que volvemos para a casa. Loxicamente sen móbil non tiña internet e non podía falar cos meus compañeiros a través das redes sociais. Pola noite sentíame mal por perder o móbil. Tamén estaba aburrida porque todas as noites adoitaba falar con todos. Ao día seguinte, miña nai traballaba ata as nove da noite e eu quedei estudando na casa, aínda que, debo admitir que en vez de estar centrada nos estudos, estaba preocupada polo móbil. Chegada á noite, miña nai chegou a casa e entrou no meu cuarto, díxome que íamos ir comprar outro teléfono, xa que ese non aparecía...
Eu estaba contenta porque íamos ir a por un novo. Era luns pola mañá. Miña nai e mais eu fomos á vila a comprar e, por casualidade, mamá contoulle a un amigo seu, que era o dono dunha tenda preto do parque, que eu perdera o móbil. O home díxolle que o sábado, diante da súa tenda encontrara un, que pasaramos por alí para ver se era o meu. Cando chegamos á tenda ensinoume o teléfono e, efectivamente, era o meu. Estaba sen carga, así que, ao chegar á casa púxeno a cargar. Logo, cando o acendín, tiña moitísimas mensaxes do Whattssapp preguntándome se me pasara algo (xa que eu adoitaba estar moito conectada) e moitas chamadas perdidas. Fun contestando un a un, contándolle o que me pasara e todos quedaron máis tranquilos.

Verena Vieites Fernandes
4º ESO Curso 2014/2015
Comentarios (0) - Categoría: A FORXA DAS LETRAS - Publicado o 01-12-2014 13:09
# Ligazón permanente a este artigo
Cáritas denuncia que 3.600 galegos viven na rúa
1.Le a seguinte noticia e resúmea en ideas breves.

http://www.europapress.es/galego/noticia-caritas-denuncia-hai-mais-3600-galegos-viven-na-rua-pide-unha-vivenda-digna-todo-mundo-20141126182942.html

2. Redacta un texto no que expliques que medidas cres ti que se deberían adoptar para axudar a remediar a situación que se recolle na noticia.
Comentarios (0) - Categoría: DE ACTUALIDADE - Publicado o 27-11-2014 13:44
# Ligazón permanente a este artigo
DETRÁS DA XANELA
Fionde é unha vila moi tranquila, fermosa pero misteriosa. Na vila hai dous colexios: un deles, o máis vello, cerrado porque se oían berros e ruídos. Tamén se vían nel alumnos pantasmas. Ao cerrar este, fíxose outro máis lonxe do antigo.
Noelia é unha rapaza fermosa, boa é moi intelixente. Un día, cando ela ía cara á súa casa, pasou pola mansión dos Bultorre, onde sentíu unha presenza dunha sombra nunha das xanelas. Ela, ao principio, non lle deu importancia, pero como esa sombra se ía parecendo pouco a pouco a un rapaz, Noelia marchou un pouco asustada.
Daquela, no colexio de Noelia estaban celebrando o Samaín. A súa profesora Carmiña presentoulles un novo alumno. Noelia, cando o viu, asustouse e empezou a chorar. A mestra acudiu onda ela; Polo Baixo, Noelia contoulle á profesora que ese rapaz era o que estaba detrás da xanela dos Bultorre. Pero Carmiña non a creu e aseguroulle que iso das pantasmas era mentira, que se centrase e se deixase de lerias. Aínda así, Noelia seguiu matinando naquela coincidencia.
Ao final das clases, Noelia colleu outro camiño para chegar á súa casa e sen pasar pola mansión dos Bultorre. Pero, nun momento en que mirou para atrás coa intención de asegurarse de que ninguén a seguía, decatouse con sorpresa e pavor que o novo compañeiro estaba atrás dela.
Sen que Noelia tivese oportunidade de reaccionar, o misterioso rapaz saltou enriba dela, atouna e levouna ata a mansión. Alí, atouna a unha cadeira cunha corda, preparándoa para cravarlle un coitelo e matala. O motivo deste propósito era que, tempo atrás, unha rapaza semellante a Noelia deixouno plantado nunha cita. Daquela o mozo estivera mirando a través da xanela esperando pola súa amada; como non chegaba, aforcouse alí mesmo.
O caso é que, cando o rapaz se disponía a cravarlle o coitelo á pobre Noelia, que nada tiña que ver con este asunto, mentres o mozo estaba na cociña buscando un coitelo ben grande, a pantasma da rapaza que o deixou plantado, apareceu, desatándoa e contándolle o que tiña que facer para desfacerse del.
Noelia fixo o que a rapaza lle dixera: colleu a corda coa que se aforcara o rapaz, amarroulla a unha man e coa outra a un extremo da xanela. Ao chegar o mediodía, o rapaz pouco a pouco estaba sendo arrastrado cara á dimensión da ventá cando este lle colleu a man de Noelia arrastrandoa con el.
Dise que cada Samaín, o rapaz sae da xanela obsevando a próxima rapaza que vai asasinar, aínda que pode impedilo a axuda da pantasma de Noelia.
Cando dicimos que temos a sensación de que nos están observando, é porque a pantasma maligna do rapaz vixíanos… Coidado!!!

Pablo Oliveira Chenlo, 3º ESO
Comentarios (0) - Categoría: A FORXA DAS LETRAS - Publicado o 19-11-2014 10:46
# Ligazón permanente a este artigo
AS ARAÑAS SEMPRE DAN MEDO


Como serán as arañas? Terán sentimentos? Terán medo das persoas? Por que usan a tea que fan para desprazarse?
Estas e moitas máis, son as preguntas que me formulo destes animais. Á maioría dos meus amigos e amigas danlles medo. A min non. Eu sempre os asusto dicíndolles que teñen unha araña no pelo, no brazo, no lombo, etc… E sempre se asustan. Un día na aula deille un susto a Branca. Ela estaba sentada ao meu carón.
Díxenlle que tiña unha araña no pescozo. Ela comenzou a berrar. A profesora botoulle a bronca e Branca respondeulle que eu lle gastara unha broma. A profesora castigoume. Nos trinta ou trinta e cinco minutos que estiven soa na aula tiven tempo a ver todo o que había. Foi cando vin un bicho con patas, pelos e que facía teas. O caso é que non era unha araña normal!! E se tiña veleno? E se me mordía? Comecei a berrar e a chorar. Dende aquela eu tamén lles teño medo!!

Jenny Garanger Domínguez. 2º E.S.O
Comentarios (1) - Categoría: A FORXA DAS LETRAS - Publicado o 28-10-2014 09:35
# Ligazón permanente a este artigo
UNHA NOVA EDICIÓN DAS SAN LUCAS DE MONDOÑEDO
Neste artigo do xornal praza aprenderás algo máis sobre unha das máis famosas feiras de Galicia: As San Lucas de Mondoñedo. Leo en:

http://praza.gal/lecer/8052/mondonedo-858-anos-de-feira-e-festa/

1. Que tipo de artigo xornalístico cres que é: noticia, reportaxe ou crónica, tendo en conta as definicións que se dan a continuación?

NOTICIA:Texto xornalístico que ofrece información sobre un suceso de actualidade, que aconteceu no día anterior ao que sae publicado. Non vai asinado polo autor/a.

REPORTAXE: Texto xornalístico de máis extensión que a noticia que ofrece o resultado dunha investigación realizada sobre un tema de actualidade, no cal se presentan os datos, analiza as causas e consecuencias deles, dá a coñecer as opinións dos protagonistas e confronta distintas interpretacións dos feitos. Vai asinado polo autor/a

CRÓNICA: Texto xornalístico no que o autor dá a súa visión sobre un acontecemento da actualidade. O cronista relata e analiza o sucedido dende o seu punto de vista, mostrándoo cun estilo ameno no que se inclúen anécdotas e curiosidades así como describindo o contexto e o ambiente. Vai asinado polo autor/a

2. Menciona brevemente todos os actos que se organizan para este ano.

3. Segundo o vicepresidente da Deputación de Lugo, que beneficios trae esta feira para o Concello de Mondoñedo?

4. Busca no dicionario e explica o significado de: aglutinar, egua e salientar, congregar, mindoniense, mariñáns.

http://www.realacademiagalega.org/dicionario

5. Investiga:

5.0. Cal é a orixe destas feiras? Cando se comezaron a celebrar, en que consistían entón e cantos días duraban?

http://www.terraetempo.com/artigo.php?artigo=3632&seccion=5

http://www.terraetempo.com/artigo.php?artigo=3632&seccion=5
5.1.Sobre Mondoñedo:
-Provincia na que está, poboación, monumento máis destacado:
http://gl.wikipedia.org/wiki/Mondo%C3%B1edo

5.2.Sobre as Covas do Rei Cintolo:
-Por que teñen tanta importancia?
-Data na que se descubriron.
http://gl.wikipedia.org/wiki/Cova_do_Rei_Cintolo

5.3. Sobre Pardo de Cela:
-Resume as lendas que hai sobre a súa vida.
http://gl.wikipedia.org/wiki/Pardo_de_Cela

5.4. Sobre Kepa Junquera:
-De onde é?
-En que estilo musical podemos encadralo?
-Cal é a súa relación coa música galega?
-Escoita algún tema seu do último disco e comenta a túa opinión:

http://gl.wikipedia.org/wiki/Kepa_Junkera
Comentarios (0) - Categoría: DE ACTUALIDADE - Publicado o 21-10-2014 12:27
# Ligazón permanente a este artigo
NOVA ENQUISA SOBRE O USO DO GALEGO
Este estudo referido ao ano 2011,reflicte un descenso considerable de uso do galego:

http://praza.gal/movementos-sociais/8017/o-galego-deixa-de-ser-a-lingua-habitual-da-maioria-da-poboacion/

1. Explica o significado das seguintes palabras: apelar, contundencia.

2. Cal é a diferenza entre estas dúas palabras homófonas: REBELAR e REVELAR

3. Neste artigo ponse de manifesto que un mesmo estudo estatístico se pode interpretar de xeitos diferentes: Cal é a análise que fai o xornal Praza e cal é a da Xunta?

4. Segundo o estudo, cal é a cidade con maior porcentaxe de monolingües en castelán? Cal é a que ten un maior uso do galego? Finalmente, en cal cidade medrou o número de monolingües en galego?

5. Segundo o xornal, hai algún dato positivo na enquisa?

6. Resume o texto en cinco ideas breves. Para iso, pensa previamente as cinco preguntas máis importantes ás que dá resposta o texto:
-Cal son os datos de uso de galego resultantes da enquisa?
-Cal é a análise dos resultados que fai a Xunta?
-Cales son estes mesmos datos nas cidades galegas?
-Cal é o único dato positivo segundo o redactor do artigo?
-Tendo en conta os datos de competencia, que medidas debe adoptar a administración?

7. Seguindo os resultados que aparecen no mapa, cal foi a evolución do uso do galego en Pontecesures nos últimos anos?

8. REDACCIÓN: A que cres que se deben estes resultados no caso de Pontecesures? Que medidas cres que frearían esta caída? Podes ler o seguinte artigo por se estás de acordo coa análise que se fai nel e basearte nelas para a túa redacción ou propoñer outras:

http://praza.gal/movementos-sociais/8025/hai-remedio-para-o-descenso-no-uso-do-galego/
Comentarios (0) - Categoría: LINGUA E SOCIEDADE - Publicado o 17-10-2014 13:35
# Ligazón permanente a este artigo
USOS PERIGOSOS DE INTERNET
http://www.galiciahoxe.com/vivir-hoxe-galicia/gh/un-cada-tres-adolescentes-galegos-contactou-desconecidos-internet-un-cada-10-quedou-eles/idEdicion-2014-09-03/idNoticia-887858/

Despois de ler atentamente a noticia, responde a estas cuestión de comprensión:
1. Explica o significado destas frases con outras palabras:
“Os mozos non enmarcan certas condutas dentro desta denominación”
“Voluntario, anónimo e confidencial”
“Resaltou a representatividade do estudo”
“Que se remitirá aos centros públicos e concertados”
“Risco de adicción”
“Non están exentas de perigo”
“Reitor da USC”
2. Menciona brevemente os usos problemáticos de internet entre os adolescentes galegos (cada un nun máximo dunha liña)
3. Cal destes usos é o maioritario entre os adolescentes galegos?
4. Cal destas afirmacións é a verdadeira?
-Os mozos galegos usan menos internet que a media europea.
-Hai máis usos perigosos de internet entre os mozos/as das vilas e cidades que os das aldeas.
-Esta enquisa crese que non reflicte fielmente a realidade dos usos de internet entre os mozos/as galegos/as.
5. Cando, como e onde se conectan os mozos/as a internet sobre todo?
6. Que responsabilidades teñen os pais/nais nisto?
7. Reflexionemos sobre as seguintes cuestións de norma gramatical, ortográfica ou léxica?
-Uso das comiñas en “caldo de cultivo” e en “grooming”
-Reparamos e comentamos as seguintes palabras: malia, estean, conduta, niveis, saiban, cobre (cubrir), porcentaxe, móbil, revelar.
-Corriximos os seguintes castelanismos: *baladí, *estudio, *chantajeando
8. Valora o que se comenta no texto debatendo na aula:
-Cres que os datos da enquisa se poden aplicar ao teu contorno?
-Que riscos e que vantaxes ten o uso de internet para ti?
-Como se poderían evitar os riscos do uso de internet?
9. Redacción:
“O día que perdín o móbil e que non tiven internet”
Comentarios (0) - Categoría: DE ACTUALIDADE - Publicado o 05-09-2014 12:09
# Ligazón permanente a este artigo
A PRAIA DAS CATEDRAIS EN PERIGO
PARA COMEZARMOS:
Olla este vídeo con atención:



RESUME:
Le esta noticia que trata sobre este tema e resúmea brevemente:

http://praza.gal/movementos-sociais/7701/a-ultima-moda-absurda-que-dana-as-catedrais/

LEMBRA:

Seguindo a lectura da noticia, indica cales son as palabras correctas correspondentes aos seguintes castelanismos: *A COSTUMBRE, *HASTA, *CONVERTIR,
*ROCA, *ESO, *INDESEABLE.

INVESTIGA:
Despois de ler a noticia e ver o vídeo, responde as seguintes cuestións, axudándote dos enlaces que tes a continuación:
1. Onde se sitúa a praia das Catedrais?
2. Cal é o seu nome oficial?
3. Que é un parque natural?
4. Cales son os que hai en Galicia? Cales son os que se pretenden crear?
5. Que limitacións ten para a actividade humana a declaración de Parque Natural dun territorio?
6. Cal deles está no Macizo Central Ourensán? Cal está preto da cidade de Vigo? Cal é o que temos máis preto de Cesures? Cal limita con Portugal? E con Castela-León? Cal inclúe no seu territorio un famoso mosteiro?
http://gl.wikipedia.org/wiki/Praia_de_Augas_Santas

http://gl.wikipedia.org/wiki/Parque_natural

http://www.turgalicia.es/parques-naturais?langId=gl_ES

http://www.redenatura.eu/faq

DEBATE:
Estás de acordo en limitar certas actividades económicas para preservar un espazo natural? Por que?

REDACTA:

Escribe a túa opinión sobre este tema:
Débense adoptar medidas de protección da praia das Catedrais? Cales?

AUDICIÓN E VISIONADO:

Escoita atentamente este fragmento de telexornal da TVG e responde ás seguintes cuestións:

http://www.crtvg.es/informativos/a-xunta-propon-limitar-o-acceso-as-catedrais-a-5-000-persoas-896504

1. Decide cal destas é a afirmación verdadeira:
-A Xunta aproba unha lei que permite a entrada de 5000 persoas diarias á praia das Catedrais.
-A Xunta fai unha proposta para debater na que propón que entren á praia das Catedrais un máximo de 5000 persoas en tempada alta.
-A Xunta propón que sexan como máximo 5000 persoas o número de visitantes permitidos ao longo da Semana Santa e o verán.

2. Cales son as cinco medidas que propoñen os resposables da Xunta para protexer a praia?

3. Cando se pretende aplicar este plan da Xunta?

4. Explica o significado de:
-En tempada de máxima afluencia.
-Mellorar as infraestruturas que xa hai.
-Propón un aforo de entre 2000 e 5000 persoas.
-Conservación da matogueira.

5. DEBATE:
Estás de acordo coas medidas propostas? Botas en falta algunha?
Comentarios (0) - Categoría: DE ACTUALIDADE - Publicado o 05-09-2014 11:33
# Ligazón permanente a este artigo
OS DOUS MELLORES DÍAS DO MEU VERÁN IDEAL


O meu verán ideal empezaría nunha fermosa mañá de verán. Era o último día de clase, e o meu mellor amigo Zape tiña que vir durmir á miña casa porque a súa nai se encontraba mal. Ao saír do cole, iamos os dous camiñando cando me preguntou como sería o meu verán ideal, e eu empecei a contar:
-O meu verán ideal empezaría no último día de clase, e que o meu mellor amigo tivese que quedar a durmir na miña casa. Ao chegar á casa, comeriamos a nosa comida favorita, despois, xogariamos un pouco á wii, e sobre as 5:00, virían os outros dous mellores amigos (dos dous), Michu e Anxelotus. Estariamos xogando ao fútbol e ao baloncesto e logo, sobre as 7:00, baixariamos á Prazuela, onde estarían as rapazas, amigos do fútbol e amigos doutros cursos. Sobre as 11:00 marchariamos nós os dous, montariamos a tenda de campaña e estariamos de festa ata as 12:30-1:00. Despertariamos sobre as 12:00 e almorzariamos. Despois iriamos dar una volta en bici ata a hora do xantar. Estariamos “wasapeando” cos amigos polo grupo. Sobre as 6:00 baixariamos á “Prazu” outra vez. Ao chegar, sobre as 9:30, meteriamonos na piscina ata as 11:45. Ceariamos churrasco ao aire libre. Para non marchar aburridos, colleriamos petardos e foguetes e fariámolos estoupar tan forte como para espertar aos veciños, despois meteriámonos na tenda de campaña ou quedariamos ata as tantas vendo tele, ou compartindo opinións, ou facendo calquera cousa que nos puidera servir para argallar troula.
E o mellor é… que así foi.

JORGE TEMPERÁN POTEL
1º ESO
Comentarios (0) - Categoría: A FORXA DAS LETRAS - Publicado o 05-06-2014 10:41
# Ligazón permanente a este artigo
[1] ... [3] [4] [5] 6 [7] [8] [9] ... [29]
© by Abertal