Hai quen bota a lingua a pacer con moita facilidade; outros chegan a perderse pola lingua ou teñen que morder a lingua para non irse da lingua. Nós, neste caderno de bitácora, imos tirar da lingua para dicir todo aquilo que temos na punta da lingua aínda que fiquemos coa lingua fóra. Tentaremos non ser lixeiros de lingua, ou si, se cadra...pero nunca malas linguas...Iso deixámosllelo ás linguas viperinas, que cospen veleno. Quizais cheguemos a ter don de linguas, mais o que nos importa de verdade é que a nosa lingua vaia de lingua en lingua.
Este curso participaremos no Plan Proxecta de Paisaxe e Sustentabilidade que se desenvolve no noso centro. Desde a área de lingua galega e do EDLG propomos a recollida, catalogación e análise dos microtopónimos do concello de Pontecesures, baseándonos en traballos xa publicados na web pero engadindo novos datos que complementen esta información. O obxectivo final será a edición dun tríptico que recolla a información máis relevante deste traballo e que inclúa fotos e textos relacionados cos lugares investigados.
Para comezar, esta listaxe de ligazóns será de interese para o noso traballo:
PORTAL DA TOPONIMIA DA XUNTA DE GALICIA
Nel poderás atopar moitos microtopónimos do noso concello.
Este videoclip satírico realizado no CPI de Dodro fainos reflexionar sobre a escasa conciencia colectiva en relación aos vertedoiros incontrolados de lixo:
O TRATAMENTO DO LIXO: O MODELO SOGAMA
Sobre o modelo de tratamento de lixo de Sogama temos os seguintes artigos:
