Un ano máis, e xa son tres, imos iniciar unha nova campaña de traballos voluntarios de limpeza e recuperación do noso patrimonio. Como sabes, o noso Proxecto Esmelle recolleu o pasado mes de febreiro un accésit do Premio AGADER ó embelecemento rural galego, sen dúbida un gran recoñecemento o labor que estades desenvolvendo, e un gran exemplo para o movemento social de Galicia, según palabras do propio Conselleiro do medio rural.
Este premio, a parte de recoñecer o proxecto en sí, fai especial fincape no feito que os traballos se realicen polos propios veciños da zona, o que lle da unha especial relevancia, xa que, proxectos de recuperación de muíños en Galicia hai moitos, promovidos por Concellos ou Deputacións, pero recuperados polos propios veciños só o noso.
Por iso, queremos que esta tempada que comezamos con ilusións renovadas, te xuntes a nós co teu esforzo e apoies esta iniciativa que fundamentalmente pretende recuperar un patrimonio olvidado e abandonado, un patrimonio que noutros tempos era o eixo do sustento das familias de Esmelle e que debemos manter vivo, para que non desapareza unha parte da nosa historia.
Sabemos que nos comezos deste proxecto houbo dúbidas con respecto ás nosas pretensións. Creo que os nosos actos nos avalan e hoxe se pode afirmar que unha parte dos nosos obxectivos se cumpren, gracias sobre todo, á que os propietarios confiaron en nós, e a que cumprimos cos nosos acordos.
Para rematar queremos convocaros a unha xuntanza no local social de Esmelle o vindeiro día 29 de setembro as 20.00 horas co fin de programar os traballos desta tempada.

Coa fin dos lumes non rematan os problemas ambientais. Alén da perda de biomasa e de biodiversidade, prodúcese tamén un empobrecemento do chan e, coas chuvias, o lavado do horizonte superficial do solo arrastrando grandes cantidades de sedimentos. Esta erosión e a diminución da materia orgánica no solo, unidas á brusca inxección de materiais nas canles fluviais e nas rías, son causa de graves impactos mesmo en áreas alonxadas das áreas queimadas. Eis uns consellos para evitar estes efeitos negativos.

Un ecosistema forestal despois dun incendio queda nunha situación moi vulnerábel fronte a calquera outra agresión humana ou ambiental. Hai unha serie de recomendacións que convén ter en conta para non acumular impactos sobre os ecosistemas, ante todo hai que evitar danar máis o solo, a vexetación e a fauna supervivente.
O dano causado polo incendio depende especialmente da intensidade dese lume, pero as consecuencias van a ser complexas. En relación co solo hai dous factores importantes:
a) A pendente do terreo, que si é moi acusada fai ao solo moi erosionábel.
b) A vexetación (viva ou morta), que protexe ao solo, tanto na parte aérea, protexéndoo do impacto da chuvia, como na parte soterrada, fixando ese solo e evitando a erosión.

QUÉ PODEMOS FACER?
Evitar a erosión do solo:
-Talar o menos posíbel, só as árbores de tamaño comercial, para evitar danos ao solo.
-Non talar os esqueletes do mato.
Reter o solo ao máximo. Para elo, se pode:
-Repartir palla ou virutas (mulching), en zonas sensibles, en zonas con forte pendente, en zonas próximas a cursos de auga,...
-Deixar os restos forestais sobre o solo en sentido perpendicular á pendente, para frear a escorrentía.
-Poñer filtros vexetais (restos de podas, broza,...) preto das canles dos ríos, para frear os arrastres do solo e evitar a contaminación das augas.
Favorecer a alimentación e o refuxio da fauna, que actúan como dispersantes de sementes e favorecen a recuperación da vexetación.

QUE NON DEBEMOS FACER?
-Pisotear as zonas queimadas, xa que se aceleraría a erosión.
-Cortar árbores e romper polas, porque supoñen unha protección contra a erosión.
-Realizar sacas de madeira de modo agresivo para o solo.
-Laborear e roturar o solo. Utilizar maquinaria pesada ou agresiva co solo.
-Asustar ou danar á fauna.
-Pastorear demasiado pronto, para evitar os efectos do gando sobre o solo e sobre a vexetación.

Finalmente, ante calquera dúbida, pódese preguntar ao axente forestal ou á Consellaría do Medio Rural cal é a normativa vixente en materia de usos dun espazo forestal incendiado.

[1] ... [52] [53] [54] [55] [56] 57 [58] [59]