Hoxe o tempo non acompañou polo que fixemos traballos no interior, consistentes en dar tratamento a madeira contra a carcoma e a humidade, seguimos co picado interior das paredes, deixando a pedra ó aire para o seu cintado posterior, e desescombramos.

Hoxe, sábado 22 de decembro, fixemoa a presentación da revista do proxecto esmelle no noso local. Asistiron un bo número de veciños que aceptaron con agrado, tanto o deseño coma o contido da revista. Como invitados especiais compartiron a tarde con nós Xoán Rodriguez Silvar e Germán Castro Tomé, ambos colaboradores na revista que se presentaba. Destacaron a importancia do que se estaba a facer, a súa difusión e a calidade da publicación.
Miguel Parra presidente da entidade, agradeceu a colaboración dos patrocinadores, colaboradores, e por suposto, de tódolos voluntarios que traballan no proxecto.

Seguimos adiante.

Este domingo fomos o muíño do Ferreiro Basi, Miguel, Carmen, Paulino, Lorenzo, e Rafa.
Traballamos no picado do cemento das paredes interiores, no encintado dunha parede de fóra, e desescombro do interior do muíño.

Tamén traballaron na limpeza de Rio D'aneiro Ramón, Luco e Sabín que limparon a cauce do río pegada o muro do Local Social.

Nova xornada de traballo nos muíños do Ferreiro e a lavandeira. Fai frio, debe ser por iso polo que fomos poucos.
No muíño do Ferreiro estivemos Lorenzo, Rafa, Carmen, Olga e Miguel picando no cemento e desescombrando.
No muíño da lavandeira Lolo Pérez e Pepe Carneiro andiveron cintado nas paredes.
E no Rio D'aneiro Moncho Santiago e Luís Sabin desbrozaron no rio que parecía unha selva.
RFB.

Hoxe tamén fixo bo tempo. Coa resaca das IV xornadas do proxecto Esmelle houbo bastante asistencia os traballos. Basi, Carneiro, Lolo, Lorenzo, Ramón, Luco, Paulino, Julita, Manel, Miguel e Olga estiveron traballando. Hoxe palmei eu, cousas de nenos.
Fixeron traballos no muíño do Ferreiro tanto de limpeza exterior (dende o camiño xa se ve todo o muíño con claridade), como no interior onde practicamente xa non queda cemento e as paredes de pedra están á vista.
No muíño da lavandeira fixeronse traballos de remate do tellado e repasaronse algúns furados. Nos vindeiros días de traballos comezarase a limpar as paredes e cintar os muros.
Seguimos adiante...
RFB

[1] ... [49] [50] [51] 52 [53] [54] [55] ... [59]