Recuperación do patrimonio
Proxecto Esmelle

Este proxecto iniciouse na parroquia de Esmelle a finais do ano 2003. É un plan de recuperación do patrimonio material e inmaterial a través da implicación da veciñanza.

avvvalledeesmelle@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

IV XORNADAS DO PROXECTO ESMELLE
Hoxe celebramos ás IV xornadas do noso proxecto e creo que o balance foi moi positivo, pois a participación aumentou con respecto a anteriores edicións (42 asistentes), dos que algúns eran de forá da nosa parroquia.
Inaugurou as xornadas o concelleiro de Urbanismo do Concello de Ferrol, Angel Mato Escalona.
Os relatores deste ano basaron as súas charlas en diferentes temas, todos eles relacionados dunha ou outra forma coa nosa parroquia.
Comezou a xornada o xornalista Ramón Loureiro falandonos do mago Merlín e a súa relación con Esmelle, o seu mundo fantástico e as súas orixes.
Continuou Pedro Rocha Coladas, o primeiro xerente do Plan Oscos-Eo que nos fixo un repaso o traballo realizado nesa zona para a posta en valor dos recursos. A zona de Oscos-Eo acaba de ser nombrada "Reserva da biosfera".
O profesor Antonio Gómez falou da importancia medio ambiental dos humedais e destacou a boa conservación actual dos existentes en Esmelle.
Para rematar Alberto Gónzalez, Delegado Provincial de Política Territorial disertou sobre "Urbanismo e Patrimonio" e fixo unha exposición do Castro de Esmelle e as súas posibilidades de explotación.

Cabe destacar a repercusión que esta a coller o proxecto, xa que cada ano aumento o numero de persoas que nos visitan de fora da Parroquie e que teñen unha opinión moi boa do Proxecto
Comentarios (0) - Categoría: formación - Publicado o 10-11-2007 19:32
# Ligazón permanente a este artigo
Traballos voluntarios: Domingo 4 de novembro
Muíño do Ferreiro
Hoxe tivemos bon día e traballamos nos muíños do Ferreiro e da Lavandeira.

No do Ferreiro fixemos unha boa limpeza exterior cortando silvas e maleza que rodeaba o muíño. Tamén cortamos eucaliptos que estaban moi cerca do muíño. Por dentro seguimos picando a parede e quitando escombro.
Esta semana pasada púxoselle a tella o tellado. O cambio e importante.

No muíño da Lavandeira rematouse o tellado. A próxima semana comezarase a picar e lavar a pedra para cintalo exteriormente.

Traballamos: Carneiro, Ramón, Luco, Paulino, Manel, Carmen, Lorenzo, Rafa, Sabín, Lolo, Melele.
Comentarios (0) - Categoría: cronoloxía dos traballos - Publicado o 04-11-2007 14:47
# Ligazón permanente a este artigo
Traballos outubro 2007 - inicio da tempada
Un ano máis escomezamos cos traballos voluntarios os domingos pola maña. Nestes primeiros dias participamos as seguintes persoas: José Carneiro, Luis Sabín, Lolo Pérez, Victor Barro, Xoán Silvar, Rafa Beceiro, Carmen Fernández, Manel Fernández, Paulino Gasalla, Julita Gurria, Olga Fernández, Miguel Santiago, Ramón Santiago, Angel Díaz, Manuel Lorenzo, Jesús Dopico.

Traballamos en 3 muíños diferentes:

MUIÑO DAS SALGUEIRAS: Os traballos de restauración están finalizados. Fíxoselle o cume o tellado e cintouse unha parte do cano que faltaba. Faltan por realizar labouras de desbroce para mantemento da ruta.

MUÍÑO DA LAVANDEIRA:
Nestes primeiros días fixéronse traballos de desbroce da finca e construise un andamio de madeira na parte traseira do muíño. Comezouse a colocación da tella a que practicamente está rematada de por salvo pequenos retoques.

MUÍÑO DO FERREIRO: Comezamos os traballos no interior deste muíño no que principalmente había labouras de desescombro e picado do cemento das paredes. Comezouse tamén a limpeza exterior.
Comentarios (0) - Categoría: cronoloxía dos traballos - Publicado o 21-10-2007 14:24
# Ligazón permanente a este artigo
MUSEO DA NATUREZA EN FERROL
Dende o "Proxecto Esmelle" reivindicamos que uns dos mellores Museo da Natureza de España permaneza en Ferrol.
Comentarios (0) - Categoría: medio natural - Publicado o 19-10-2007 12:47
# Ligazón permanente a este artigo
REANUDACIÓN DOS TRABALLOS VOLUNTARIOS
DIAS DE TRABALLO

23 e 30 de setembro
14 e 21 de outubro

9.30 horas no local social

Comentarios (0) - Categoría: patrimonio etnográfico - Publicado o 16-09-2007 19:33
# Ligazón permanente a este artigo
© by Abertal
Proxecto Esmelle
AVV "Valle de Esmelle"
Ferrol (A Coruña)- Galicia