O proxecto de limpeza foi elaborado pola Concelleria de Urbanismo do Concello de Ferrol no ano 2006 co obxecto de frear a degradación que sufre o Castro como consecuencia da vexetación arborea.
A Asociación de veciños de Esmelle, a través do seu plan de recuperación do patrimonio material e inmaterial do Val de Esmelle (Proxecto Esmelle) solicitará ao Concello e a Xunta de Galicia unha actuación no Castro de Esmelle para preservar a conservación dos restos e evitar a súa degradación pola acción dos eucaliptus principalmente.
Na actualidade a maior parte do recinto castrexo atopase con abundante vexetación arbórea, sobre todo de eucalipto, que afecta de forma negativa, non só as propias estructuras arqueolóxicas, senón tamén a percepción do elemento desde o seu entorno, e polo tanto a o seu disfrute pola sociedade.
O xacemento é coñecido dende o século XIX e ao longo da segunda metade do século XX aparece reseñado en diversas publicacións, dada a importancia que todos os investigadosres lle dan ao mesmo.
Actualmente co proceso de Concentración parcelaria o xacemento encontrase dentro dunha masa común polo que a actuación que se pretende non tería o inconveniente de ter que negociar cos propietarios. Aínda así dende o Proxecto Esmelle estarían dispostos a entablar negociacións con propietarios colindantes que quixeran eliminar os eucaliptos, sempre que se cumplan as normas especificadas no proxecto arqueolóxico existente.
O proxecto fai especial fincapé en que non se dañen as estructuras do xacemento á hora de retirar a madeira cortada e os seus restos.
Dende o Proxecto Esmelle insisten en que o proxecto e asumible, tanto polo Concello de Ferrol como pola Xunta de Galicia, xa que a propia retirada da madeira axudaría a financiar a limpeza e eliminación de eucaliptos, asi como o posterior tratamento para evitar rebrotes.
Sería importante evitar a perda definitiva dun dos Castros máis importantes do Concello que podería ser visitable