PEDRIÑAS blog do ENDL do IES Pontepedriña


Blog do ENDL do IES Pontepedriña
O galego só é falado nunha esquina pola que se esconde o sol. Se tanto tempo aguantou neste recuncho máis ou menos pequeno, por algo será... Aquí podes atopar as pedriñas que imos deixando de todo o relacionado coa lingua deste recuncho chamado Galicia.

Para esta tarefa é imprescindible a túa axuda. Anímate a mandares as túas achegas a pedrinhas@hotmail.es




E ti de onde es? E que falas?

Dicionario de IR INDO




O meu perfil
pedrinhas@hotmail.es
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Alvarez Blázquez ,unha das figuras máis laboriosas da cultura galega, con unha gran actividade que chega dende a literatura (novela, poesía, teatro) ata a investigación coma arqueólogo e a súa tarefa coma editor e galeguista é o homenaxeado este ano no Día das letras Galegas
Xosé María Álvarez Blázquez colaborou en diversos medios (BBC de Londres, Radio Vigo, Prensa de Galiza, Portugal e América, etc.) e pronunciou moitas conferencias en España e no mundo.




Romance do pescador peleriño


Andivo todos os mares
baixo o corazón da vela.
Mariñeiro era por gala
dos mariñeiros da terra,
pescador nas outas augas
onde aboian as estrelas,
atal que brancas alfoias
para enfeitar ás sereas.

El navegar, navegaba
unha dorna mariñeira;
nos ollos sempre un relanzo
de escumas cantaroleiras,
no corazón -¡Ai Dios Santo!-
no corazón unha arela.

Os brazos eran de buxo,
os remos, palmas lixeiras,
o timón... ben semellaba
asa de gueivota albeira.
Onde él chegaba coa dorna
iña a barileza nela,
i o vento se lle aquedaba
como unha pomba sinxela.

Os peixes choutaban ledos
polo albiscar na cuberta
co seu mouro peito ispido,
botando cantigas tenras.
¡Ai, él levaba, Dios santo,
no corazón unha arela!

Ela gardaba un segredo
debruzada na fiestra,
co mar metido na ialma,
que era moito mar para ela.
Os sargazos do cabelo
enredábanlle na testa,
porque o vento enredador
tiña cobiza das rendas.

Cicais fose por brincare,
ou sería por envexa,
o vento -lobo dos homes-
quixo arrabuñar na terra.
¡Ai! ¿onde irá o vento solto
choutando pola ribeira?
¡Ai, o vento entolecido
polo mar, coma unha besta!

(El gobernar, gobernaba
unha dorna mariñeira.)

Ninguén escoitou a voce,
acolá na noite pecha,
co mar bruando arredor
ladaíñas agoirentas:
-¡Líbrame, Señor Sant-Yago,
pescador da Galilea;
meu Sant-yago, navegante
en branca dorna de pedra!
Si me librares, Señor,
irei verte a Compostela,
descalciño dos dous pes,
no meu peito unha vieira.

Escoitar, ben o escoitara
Sant-Yago feito de pedra.
Vel ehí vai o peleriño
polas valgadas da terra;
sobor das cangadas costas
a crus de remos lle beila.
Nos ollos sempre un relanzo
de escumas cantaroleiras;
no corazón ¡ai Dios Santo!-
no corazón unha arela.

(Ed. Monterrey, 1954; reproducido en Poesía galega completa, ed. de Xosé Mª
Álvarez Cáccamo, Ed. Xerais, Vigo, 1987; e en Poesía galega completa, ed. de Xavier Rodríguez Baixeras, Ed. Xerais, Vigo, 2007)
Preme aquí
Categoría: 1.-Taboleiro da lingua - Publicado o 31-03-2008 11:30
# Ligazón permanente a este artigo
Encontro con Singala



Ás veces temos que pararnos un pouco e pensar, pensar que canto máis miras máis ves, que non todo é o que parece, que hai mentiras que non por moi repetidas chegan a ser verdade, que temos moitos prexuízos, que non hai linguas finas, nin linguas brutas, que os idiomas morren se non teñen quen os fale. Que nós, ti, eu, todos, somos os primeiros responsables de que isto non ocorra.

De todo isto, e moito máis, falounos o xoves pasado Manuel Núñez Singala, o autor da Comedia bífida, ao alumnado de 4º da ESO. Se aínda non lestes este libro estades a tempo de asistir a: "un xuízo á lingua. Ou ao emprego que dela facemos os galegos.

Cómpre que esteades mortos para participardes nesta farsa do xuízo final. Se non o estades, quizais poidades asistir a este encontro con algunhas das situacións que a diario vivimos en relación co galego. Dispoñédevos a rir, sorrir e pensar. Porque algunhas das cousas que facemos e dicimos sobre a nosa lingua non as entende nin san Pedro".
Categoría: 1.-Taboleiro da lingua - Publicado o 17-03-2008 13:56
# Ligazón permanente a este artigo
Rodaxe dunha peli en galego
'Pradolongo': o cinema volve falar galego

Trátase da primeira longrametraxe rodada integramente na nosa lingua dende 2002, e a sexta en toda a historia.

En Pradolongo, Ignacio Vilar conta a historia de tres amigos da infancia, Rubén Riós, Tamara Canosa e Roberto Porto, que acaban de cumprir 18 anos. No filme os dous mozos compiten polo amor da rapaza, mentres observan a posíbel venda da louseira propiedade dun deles. Así, os conflitos persoais mestúranse coa realidade da Galiza rural en proceso de venda e despoboamento. Filme iniciático, polo tanto, no que os protagonistas se descobren a si mesmos á vez que redescobren o mundo que os rodea.

A película ten outros moitos atractivos, como o uso da variante lingüística do galego empregado en Valdeorras, a fermosura das paisaxes (por exemplo as existentes nos arredores de Pena Trevinca), ou a continua homenaxe que realiza a Sempre Xonxa, de Chano Piñeiro. Ignacio Vilar afondou na figura de Chano Piñeiro no documental Sempre Xonxa en Petín, e de feito, Pradolongo rodouse nalgúns escenarios exteriores e interiores nos que tamén o fixo aquel filme. Cómpre salientar igualmente o traballo de procura de actores mozos que Vilar realizou nos institutos da comarca de Valdeorras.

Finalmente, non se debe esquecer a calidade da música que acompaña o filme, gravada especialmente para a ocasión pola Orquestra Sinfónica de Galicia, e que mesmo inclúe unha nova versión do Quen puidera namorala, regravada por Luís Emilio Batallán para formar parte da banda sonora do filme.

Tes máis información na páxina de Vieiros. Fai click aquí
Categoría: 1.-Taboleiro da lingua - Publicado o 14-03-2008 11:31
# Ligazón permanente a este artigo
1 [2] [3] [4]
© by Abertal
ENDL IES Pontepedriña

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0