PEDRIÑAS blog do ENDL do IES Pontepedriña


Blog do ENDL do IES Pontepedriña
O galego só é falado nunha esquina pola que se esconde o sol. Se tanto tempo aguantou neste recuncho máis ou menos pequeno, por algo será... Aquí podes atopar as pedriñas que imos deixando de todo o relacionado coa lingua deste recuncho chamado Galicia.

Para esta tarefa é imprescindible a túa axuda. Anímate a mandares as túas achegas a pedrinhas@hotmail.es




E ti de onde es? E que falas?

Dicionario de IR INDO




O meu perfil
pedrinhas@hotmail.es
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Visita Trasalba. Ruta da Esmorga.
Traslaba
Este ano un dos libros que tivemos que ler na clase de galego foi A Esmorga de Blanco Amor, que xusto coincidiu coa estrea da súa adaptación cinematográfica, á que os nosos profesores de galego nos levaron encantados.
Pero para rematalo de todo e aproveitar ben que tiñamos que ler o libro, organizáronnos unha pequena viaxe a Ourense, que todos agardamos con impaciencia, xa que era a primeira excursión deste agobiado curso.E chegou o día, primeira mañá que non nos erguiamos pensando en que tiñamos exame a segunda ou clase pola tarde.
Saímos do instituto ás 9 e media, un autobús agardaba preto do centro, puxémonos cómodos e comezamos a nosa viaxe a Ourense con parada en Trasalba para visitar o Pazo de Otero Pedraio.
A viaxe de ida fíxose un tanto longa mais como xa o esperabamos, iamos preparados: cartas, cámaras de fotos, comida, música?
Tiñamos que estar en Trasalba ás 11, pero chegamos un pouco tarde, puntualidade Pontepedriña. Alí, visitamos o pazo e a medida que o faciamos iamos lendo fragmentos de obras de Otero Pedraio en cartolinas colocadas en recunchos da casa.Ao rematar puxémonos rumbo Ourense, onde nos agardaba un guía que nos levaría a facer a ruta da esmorga polas rúas da cidade, lendo as respectivas placas situadas nas diferentes rúas.
Estabamos mortos de fame así que cando rematamos, os profes deixáronnos ir a comer e dar unha volta por Ourense ata a hora de volver.
Ás catro e vinte quedamos para coller o bus na praza principal, e, como non, por non perder o costume, tivemos que agardar polas tardonas de turno, que viñan correndo rúa abaixo porque, claro, é o que ten quedarse mirando escaparates.
A viaxe de volta foi un tanto do mesmo que a de ida, aínda que neste caso habería que sumarlle os entretidos debates da parte traseira do bus.
Chegamos a Santiago ás seis, baixamos do bus e? comezou a sarabiar! Santiago querido, xa tardabas, botábasnos de menos eh...así que baixo esta estampa tan típica santiaguesa, cada un foi para súa casa, aínda que a algún aínda lle quedaron ganas de tomarlle unha no bar.

Lucía Casal Pérez 2ºB
Comentarios (0) - Categoría: 1.-Taboleiro da lingua - Publicado o 02-03-2015 12:22
# Ligazón permanente a este artigo
Nós tamén somos Rosalía!
RosalíaGoogle dedica o seu ?doodle? a Rosalía no seu aniversario
Millóns de ordenadores abren neste 24 de febreiro lembrando Rosalía no seu aniversario.

Rosalía de Castro (1837-1885) está nas pantallas de millóns de ordenadores a través do buscador Google que esta terza feira dedica o seu ?doodle? á escritora galega no 178 aniversario do seu nacemento. A aparición de Rosalía na capa do buscador supón unha inmensa promoción a través da rede da autora de Follas Novas. Con anterioridade, Google xa dedicara o seu codiciado ?doodle? á escritora Concepción Arenal no 195 aniversario do seu nacemento. Daquela a imaxe da visitadora de cárceres, escritora, pensadora e avogada aparecía canda a célebre frase ?Abride escolas e pecharanse cárceres?.
Desta volta, ás 00 horas, como é habitual que muden a portada en Google, foi pendurada a imaxe de Rosalía no inicio do día no que se fai 178 anos do seu nacemento. O poema "Adiós ríos, adiós fontes" foi o escollido de fondo nunha imaxe no que o logotipo de Google apareceu cun escudo de Galiza no primeiro O, detrás da imaxe de Rosalía. Desta volta, foi iniciativa propia dedicarlle o doodle á escritora galega aínda que se puxeron en contacto e pediron colaboración á Fundación Rosalía.
Os ?doodles? son os cambios do logotipo de Google que aparecen maiormente en determinadas conmemoracións, festividades e efemérides diversas.
Comentarios (0) - Categoría: 1.-Taboleiro da lingua - Publicado o 24-02-2015 09:28
# Ligazón permanente a este artigo
Día de Rosalía
O martes 24 celebramos a 178 aniversario do nacemento de Rosalía neste ano no que tamén se cumprirán, o vindeiro xullo, os 130 do seu pasamento.
Velaquí un vídeo no que se nos achega a súa personalidade, aínda que se realizou en castelán, parécenos moi interesante.

Nós tamén somos Rosalía!!!
Mulleres na historia - Rosalía de Castro
Mulleres na historia - Rosalía de Castro
Comentarios (0) - Categoría: 1.-Taboleiro da lingua - Publicado o 23-02-2015 17:08
# Ligazón permanente a este artigo
© by Abertal
ENDL IES Pontepedriña

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0