PEDRIÑAS blog do ENDL do IES Pontepedriña


Blog do ENDL do IES Pontepedriña
O galego só é falado nunha esquina pola que se esconde o sol. Se tanto tempo aguantou neste recuncho máis ou menos pequeno, por algo será... Aquí podes atopar as pedriñas que imos deixando de todo o relacionado coa lingua deste recuncho chamado Galicia.

Para esta tarefa é imprescindible a túa axuda. Anímate a mandares as túas achegas a pedrinhas@hotmail.es




E ti de onde es? E que falas?

Dicionario de IR INDO




O meu perfil
pedrinhas@hotmail.es
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Estrea do CDG


Hoxe venres 6, ás 21.00 horas no Salón Teatro de Compostela estrea o CDG a súa última produción, As dunas,escrita por Manuel Lourenzo (Premio Nacional da Cultura Galega 2008 na categoría de Artes Escénicas)e dirixida por Quico Cadaval.
Nesta ocasión, o polifacético director ideou unha montaxe de teatro, danza e música en directo, para a que conta cun elenco multidisciplinar do que forman parte tanto nomes consagrados como novos valores da escena galega: Paula Buján, Evaristo Calvo, Paulo Oliveira, Manuel Cortés, Susana Dans, Christian Escuredo, Juan Carlos Mosquera "Mos", Iria Pinheiro, Rodrigo Roel e Davide Salvado.

A estética do espectáculo inspírase na cultura popular dos anos setenta, especialmente nos filmes da chamada terceira vía (a medio camiño entre o cine chabacano e o intelectual), no cómic, na telenovela e na fotonovela. O resultado, en palabras do propio director, é "unha especie de pastiche cun pouco de aventura, un pouco de crítica política, un pouco de sexo e un pouco de risa".


Unha nave industrial abandonada na Mariña luguesa é o escenario onde conflúen o construtor Florencio Pardo, a gobernanta Lola, o intendente Serapio, o empregado Calí Caiate e unha tropa estrafalaria de músicos, bailaríns e cantantes para animar a inauguración do free spa As dunas, un moderno balneario musical para "amantes de praceres prolongados" e integrará actividades que van dende o relax ao goce musical pasando por "todo tipo de refinados praceres do corpo".

As dunas permanecerá no Salón Teatro até o xoves 2 de abril con cinco funcións semanais: os mércores e xoves ás 11.00 horas (agás os días 18 e 19) serán as representacións concertadas con centros de ensino, mentres que os venres e sábados ás 20.30 horas e os domingos ás 18.00 horas terán lugar as funcións para público xeral.

Categoría: 4.-Recomendacións e Suxestións - Publicado o 06-03-2009 11:29
# Ligazón permanente a este artigo
Música galega na TVG
A Televisión de Galicia estrea ás catro da tarde deste sábado, 31 de xaneiro, Banda Curta, un novo programa musical con actuacións de grupos en directo e ante público.
Diríxeo Alfonso Pato, preséntao Luís Pardo, e gravarase na sala LP 45 de Ordes. Banda Curta nace con vocación de dar a coñecer o amplo panorama da música pop e rock en Galicia, os grupos emerxentes ou as bandas que usan a rede de locais de ensaio. Neste primeiro programa actuarán os vigueses The Blows e os granadinos Lori Meyers, e tamén haberá unha sección dedicada a saber que foi dos grupos que emerxeron coa chamada "Xeración Xabarín", ou ADN, en que personaxes populares como Luis Piedrahita darán a coñecer os seus gustos musicais.

Unha reportaxe amosará as peculiaridades de Don Ramiro, unha aldea de Lalín en que hai até catro grupos punkies (confirmando aquela tese de Novedades Carminha, "Todos los punkis nacen en Lalín"), ou o grupo Agoraphobia, xurdido no local de ensaio de Boiro, formado por catro rapazas moi novas. Polo plató do programa tamén pasará o fotógrafo Janite. Amais de música en directo, Banda Curta achegará reportaxes e entrevistas sobre todos os estilos musicais, as novidades do mercado ou axenda de concertos.

Collemos a nova de A Nosa Terra
Categoría: 4.-Recomendacións e Suxestións - Publicado o 30-01-2009 11:20
# Ligazón permanente a este artigo
Os vellos non deben de namorarse
Volvemos subir a canción de Lela, pero desta vez cos debuxos que fixo Castelao para a súa obra Os vellos non deben de namorarse.

Vai para os de 4ºda ESO. :-))))

Categoría: 4.-Recomendacións e Suxestións - Publicado o 26-01-2009 11:26
# Ligazón permanente a este artigo
© by Abertal
ENDL IES Pontepedriña

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0