PEDRIÑAS blog do ENDL do IES Pontepedriña


Blog do ENDL do IES Pontepedriña
O galego só é falado nunha esquina pola que se esconde o sol. Se tanto tempo aguantou neste recuncho máis ou menos pequeno, por algo será... Aquí podes atopar as pedriñas que imos deixando de todo o relacionado coa lingua deste recuncho chamado Galicia.

Para esta tarefa é imprescindible a túa axuda. Anímate a mandares as túas achegas a pedrinhas@hotmail.es




E ti de onde es? E que falas?

Dicionario de IR INDO




O meu perfil
pedrinhas@hotmail.es
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Relato 6
Ollada á esperanza
Outro día máis, e outro, e outros máis que virán. Cada un peor co anterior. Un inferno. O meu inferno. O que daría eu por ir á escola. Aprender. Soñar. Soñar que se pode vivir mellor.
Día tras día chego ao meu catre farrapento, as bágoas inúndanme os ollos, turban a miña mente, convulsións de dor e impotencia intentando impedir que saian, mostrando a tristeza que me consome. Por que tanto sufrimento?
Sinto entón a luz da Lúa acariñándome o corpo desfeito. Alzo a cabeza e, polo oco do caído teito véxoas. A Lúa. As estrelas. Alí están, coma todos os días contemplando á humanidade, tranquilas, sereas e sabias. Pacientes. Un sorriso aflora entre as cinzas da tristeza, a miña mirada ilumínase. Xermina en min a Esperanza. Por que tanto sufrimento se as cousas más fermosas da vida non custan diñeiro?
Comentarios (0) - Categoría: 3.- Novas - Publicado o 06-12-2012 16:28
# Ligazón permanente a este artigo
Relato 5
Era de noite. Andrea dicíame que tiña moito frío. Eu non sabía que facer,pero non podía deixar que a miña irmá morrera. Por sorte,ou quizás non, apareceu diante nosa unha camioneta vermella cunhas letras que destacaban:
DAMOS ALOXAMENTO A MENORES.
Sen pensalo, collín a Andrea e achegueime ao vehículo. Unha porta traseira abriuse. Entramos. A camioneta levounos a un edificio moi apagado. Un home cun aspecto fúnebre gritounos que entraramos no edificio. Obedecemos. A partir de aí, só recordo que estivemos case dous meses sendo maltratados. Alguén moi feo pegábanos cada día se non lle conseguiamos a cantidade de cartos que nos pedía. Grazas a Deus,a policía salvounos.
Agora, espero que nos adopten.Temos dereito a un anaco de pan.Temos dereito a unha vida.
Comentarios (0) - Categoría: 3.- Novas - Publicado o 06-12-2012 16:18
# Ligazón permanente a este artigo
Relato 4
NOVO AQUÍ

Eu non son de aquí. Veño dun país de África chamado Etiopía onde sobra fame e falta auga. Non me gusta dicir de onde son, os da clase insúltanme e métense comigo. Agás un neno. El tamén é novo na escola e aínda non coñece a ninguén.
Un día, non puiden xogar ao fútbol porque non me deixaban, e aquel neno que non se metía comigo, veume falar :
-Eu creo que o que teñen é envexa.
-Ai si! De que?
-De que ti sexas máis intelixentes ca eles.
-Que queres, que suspenda?
-Non, pero enfróntate a eles, non acougues! Eles ao ser un grupo pensan que son máis fortes, pero non e verdade.
-Pero a unión fai a forza ?
-Mentres non a formen covardes.
Dende aquel día non me molestaron máis e fun conseguindo amigos.
Comentarios (0) - Categoría: 3.- Novas - Publicado o 06-12-2012 16:17
# Ligazón permanente a este artigo
[1] ... [5] [6] [7] 8 [9] [10] [11] ... [26]
© by Abertal
ENDL IES Pontepedriña

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0