;D


Pecado: transgresión voluntaria de normas dadas por unha autoridade dogmática.
Boas, aquí estamos nós, as Pecadoras!
Din que facemos cousas malas: din que pensamos en galego, falamos en galego, que escribimos en galego... Din que estamos no pecado, que non somos virtuosas. Pero a nós o que pense a xente non nos importa. Desde aquí queremos poñervos ao corrente de todos os “pecados” que se andan a cometer por aí: arredemo!

contactar
normaliza.iesms@gmail.com
 CATEGORÍAS
 PECADORAS HISTÓRICAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

19ºPECADO: LIGAR EN GALEGO MOLA¡¡

Aquí temos o lema de Abril: unha resposta moi ben artellada por Irene Rega (3ºESO) ás virtudes que se predicaban do noso idioma no Gran Hermano. Lembrades aquelo de "hai chicas que si un chico les gusta, pero el chico les habla en gallego...lo pierde todo".
Mirade para Martiño Rivas... e a súa moza. Martiño Rivas non renega do ben máis preciado do noso pais: o galego...pero tampouco a súa moza lle esixe que o abandone. Éche unha moza intelixente¡¡ Sería unha estupidez perderse un ligue coma o de Martiño porque fala galego.

Os comentarios de Gran Hermano son o tipo de esperpentos que orixinan os prexuizos e a intolerancia lingüística.Que se sepa o amor non está reñido con ningunha das maís de 5.000 linguas que se falan ainda no mundo... ou si? Ti que opinas?
Comentarios (0) - Categoría: PECADOS - Publicado o 11-05-2011 13:17
# Ligazón permanente a este artigo
18ºPECADO: FOMOS AO CORRELINGUA EN TREN¡¡

Como ven sendo habitual nos derradeiros cursos, participamos no Corrrelingua, que nesta edición do 2011 se celebrou en Burela. Alí estivemos animando a festa da lingüa @s alumn@s de 1º e 2º da ESO. Ademais aproveitamos para colegear cos compañeiros e compañeiras de outros centros de paso que dábamos un paseo polas rúas de Burela.

A novedade desta volta foi que por primeira vez empregamos o tren como medio de transporte para desplazarnos fora do Instituto. A verdade é que foi unha experiencia interesante e moi bonita, á que lle axudou a mañán soleada que tivemos a sorte de disfrutar.



Clica aquí para ver a foto da festa
Comentarios (1) - Categoría: PECADOS - Publicado o 09-05-2011 11:22
# Ligazón permanente a este artigo
17ºPECADO: A COCA COLA SUMASE AO GALEGO

A empresa máis emblemática de bebidas refrescantes acaba de poñer en marcha a 3ª Edición de relatos curtos en Galego. O concurso a nivel comarcal celebrouse no noso instituto, por que foi do noso centro do que participaron máis alumnos/as da Mariña: un total de 10.

O/a mellor da Mariña pasará a unha fase autonomica onde se elexirá o/a gañador/ora. No concurso A Coca Cola outorga importantes premios, que van dende viaxes ao extranxeiro ata material audiovisual.

Dende aquí queremos felicitar a esta empresa tan relevante no mundo da alimentación pola súa iniciativa e animala a que siga nesta liña de compromiso co galego, así como ao Departamento de Castellano polas xestións para que tamén se fixese o concurso no noso idioma. Finanlmente queremos desexarlles sorte aos nosos/as concursantes, que son:
Nerea García
Álvaro Díaz
Iria Díaz
Andrea Balseiro
Tamara García
Antía López
Paula Macía
Abraham Pereira
Celia Rey
Comentarios (0) - Categoría: PECADOS - Publicado o 03-05-2011 11:22
# Ligazón permanente a este artigo
E TI QUE OPINAS? (3º)


Aquí tedes o vídeo máis esperado¡¡ Por fin a obra mestra das Pecadoras. Un vídeo real coma a vida mesma. Un vídeo onde poderás comprobar a lamentable situación na que se atopa o idioma propio de Galicia: o castelán. Un idioma que a día de hoxe só se fala nas aldeas máis remotas do pais, coma Cervo. Tamén poderás observar algúns dos imponentes motivos do por qué do prestixio e do imparable avance do idioma alleo -o galego- nas vilas e cidades do noso pais.
Agora tócache a ti decidir. Podes facelo no apartado de comentarios e para cada un dos vídeos da sección e ti que opinas? Estamos diante dunha virtude, dun pecado? Por que?

Este vídeo, podes velo tamén na páxina web do Correlinguas. Alí, tirando da retranca do pais, animamos o concurso que por primeira vez convocaron na modalidade de vídeo.
Videos Correlingua
Comentarios (6) - Categoría: PECADOS - Publicado o 29-04-2011 10:51
# Ligazón permanente a este artigo
16º PECADO: ESTO VOUNO DICIR EN GALEGO...

Que lema máis axeitado escolleron Elisa e Uxia de 3º da ESO no mes de marzo para romper algúns prexuizos sobre a utilidade do galego. Aí temos a Lois Tosar, todo un campión na dignificación do noso idioma. Un dos mellores actores do momento, incluso a nivel internacional -recoñecido en Holywwood-, facendo bandeira e sentindose moi orgulloso de falar no noso idioma, tamén en Madrid¡¡.

No enlace podedes ver unha mostra do compromiso de Tosar co galego e con Galicia. El presta a súa imaxe a unha campaña turística que pretende promocionar Lugo por todo o Estado Español. Moi interesante e todo un exemplo a seguir¡¡

Noraboa Lois, ti es a proba máis evidente de que se pode ser univerval partindo do particular e sen renunciar as orixes.
EU SON NATURAL DE LUGO
Comentarios (0) - Categoría: PECADOS - Publicado o 14-04-2011 11:40
# Ligazón permanente a este artigo
Virtude nº7: A falta de axuda institucional leva a FOCOS TV ao peche
A páxina web FLOCOS TV, de divulgación do audiovisial en galego acaba de pechar por falta de apoio da Xunta. Foi esta unha páxina moi visitada pol@s nos@s alumn@s, non só polo que supuña de pulo normalizador do noso idioma nun dos campos máis atractivos para os xoves -o audiovisial-, senón tamén por que amosaba unha excelente calidade nos seus traballos. Incluso esta páxina foi recoñecida internacionalmente como unha das mellores do xenero pola prestixiosa revista de cine Cahiers du Cinema

A que virtuoso se lle ocorreu deixar sen axuda a esta xente? Que se pretende con este tipo de decisións?

Dende aquí agardemos que os responsables da política cultural do noso pais reconsideren a falta de apoio a este tipo de iniciativas e que axiña poidamos visitar FLOCOS TV.

No enlace que vos proporcionamos podedes ver ás persoas que facían posible FLOCOS TV. Parabéns polo voso traballo¡¡
Os realizadores de FLOCOS TV
Comentarios (0) - Categoría: VIRTUDES - Publicado o 12-04-2011 11:30
# Ligazón permanente a este artigo
E TI QUE OPINAS? (2º)
Aquí tedes unha nova entrega do e ti que opinas?

As protagonistas son Alba Maragoto, Lucila Campos e Matilde Rey. Na fotografía e na dirección están unha vez máis Hugo Taladrid e Gabriel Edrosa

Espero que vos guste.



POR NADA DO MUNDO VOS PERDADES A 3ª ENTREGA...TEN MOITO QUE VER¡¡
Comentarios (3) - Categoría: PECADOS - Publicado o 08-04-2011 13:25
# Ligazón permanente a este artigo
E TI QUE OPINAS?
A partir deste título tan suxerente @s alumn@s que colaboran activamente co Equipo de Normalización Lingüística están a elaborar uns video-clip moi entretenidos que pretenden chamar a atención sobre a situación do noso idioma, ao mesmo tempo que nos invitan a que o falemos sen ningún tipo de prexuizo e con total naturalidade.

Aquí tedes a primeira entrega, toda unha obra mestra dirixida por Hugo Taladrid, con Gabriel Edrosa na fotografía e montaxe. Os principais papeis están interpretados por: Lucila Campos, Alba Maragoto e Yoshua Cao.

Neste video colaboraron tod@s @s alumn@s de Atención Educativa de 4ºeso.




NON VOS PERDADES AS PRÓXIMAS ENTREGAS¡¡
Comentarios (3) - Categoría: PECADOS - Publicado o 01-04-2011 11:12
# Ligazón permanente a este artigo
15º Pecado: OBRADOIRO DE COMIC EN GALEGO

Antes do nadal dábamos conta das novas editoriais en relación co cómic en galego, algunhas delas auténticos bet-seller que triunfan fora das nosas fronteiras. Pois ben, a semana pasada, para completar esta iniciativa do fomento do cómic en galego, levouse a cabo un obradoiro no IES ILLA DE SARÓN de Xove, no que participaron conxuntamente alumnas e alumnos dese instituto e máis do noso.

O obradoiro estaba organizado polos departamentos de Debuxo e de Normalización Lingüística de ambolos dous centros. O ILLA de SARÓN e o MARQUÉS de SARGADELOS veñen colarando asiduamente este curso na elaboración de proxectos conxuntos.

Alí o alumnado participante aprendeu, da man de Abrahan Camino, técnicas básicas para mellorar a expresividade do debuxo, para crear un personaxe, para elaborar os tipos de bocadillos que existen e cando se utilizan,para crear os diferentes puntos de vista ( picado, contrapicado e frontal), para introducir os tipos de planos (primeiro plano, plano medio e plano enteiro), as onomatopeias, e os tipos de entintado para pasar o debuxo a limpo (tramas, sombras planas). En definitiva, todo un abano de trucos que serviu para coñecer mellor o traballo de creador de cómic e para darse de conta como a creatividade non está reñida co uso do galego, pois os nosos creadores máis celebrados publican no noso idioma.

Na foto podedes ver un momento do desenvolvemento do obradoiro






Comentarios (0) - Categoría: PECADOS - Publicado o 28-02-2011 11:36
# Ligazón permanente a este artigo
Virtude nº 6.- "Hablar gallego no me pone"
Este vídeo tal vez sexa unha das mellores leccións de sociolingüística dos últimos tempos. Pon en evidencia a situación de autoodio cara a lingua propia dunha boa parte da xuventude das vilas e cidades e desvela as mentiras de estudos e estatísticas administrativas, que pretenden dar unha visión máis idílica da situación da nosa lingua.
Aquí queda patente a realidade do que ocorre nunha boa parte de centros educativos, nos que se incumpre toda a lexislación sobre a normalización do galego dende hai anos.
As consecuencia de mirar para outro lado para non molestar, porque todos somos moi tolerantes, son persoas totalmente alleadas da súa cultura, que renegan da fala e da terra e que é o primeiro paso par desaparecer como colectividade diferenciada.

Vede o vídeo e reflexionade.

Comentarios (13) - Categoría: VIRTUDES - Publicado o 16-02-2011 20:00
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0