O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

MÁIS CONTOS
Máis contos para ler e comentar en TITAMENCONTAS
Comentarios (4) - Sección: Club de escritores/as - Publicado o 28-11-2007 16:33
# Ligazón permanente a este artigo
CONTO DA SEMANA: O berce mariño
Antonio Requejo de 6º de EP fixo este precioso conto ambientado no mar. Despois de lelo, anímate a deixar a túa opinión nun comentario
Para poder lelo preme AQUÍ
O berce mariño
Comentarios (7) - Sección: Club de escritores/as - Publicado o 26-11-2007 17:09
# Ligazón permanente a este artigo
25 DE NOVEMBRO

RockYou FXText

Neste día no que se celebra o Día Internacional da Non violencia contra as mulleres, queremos reflexionar sobre iso. E un xeito de facelo é a través dos contos, que nos contan historias de cada día, nas que se emprega a violencia contra as mulleres dunha maneira cotiá, moitas veces sen nos decatar.
Gustaríanos non ter que celebrar un día coma este.
Gustaríanos que nenos e nenas se relacionasen sen que a diferenza de sexo marcara nada importante.
Gustaríanos que homes e mulleres falaran, falaran e falaran para resolver os seus desencontros, como lles obrigamos a facer na escola aos nenos e ás nenas.
Gustaríanos que cada quen soubese onde rematan os seus dereitos e onde comezan os da persoa que ten á súa beira.
Gustaríanos que ninguén usase a súa forza nin física, nin laboral, nin económica… contra as mulleres para conseguir os seus propósitos.
Gustaríanos que no vindeiro 25 de novembro homes e mulleres atopasen o entendemento e non ter que chorar máis vítimas.
Gustaríanos que os contos se fixesen realidade .

(do Ceip Quintela-Moaña)






Comentarios (1) - Sección: 25 Novembro - Igualdade - Coeducación - Publicado o 25-11-2007 12:38
# Ligazón permanente a este artigo
ADIVIÑA 2
A ver se a acertas:

Moitas monxas
nun convento
visitan as frores
e fan doces dentro


Pista: é un animal

Resposta: as abellas
Comentarios (9) - Sección: Adiviñas - Ditos e Refráns - Publicado o 24-11-2007 20:51
# Ligazón permanente a este artigo
Historia de Mik
Mik é un ratiño de Biblioteca, froito da imaxinación dunha nena de sexto curso. Vive no colexio Ceip Mestres Goldar-Castrelos de Vigo. Ten moitos amigos e amigas. Dúas bruxiñas e un pirata son os seus mensaxeiros. Gústalle ler e disfruta moito cando os nen@s lle mandan cartas para contarlle cousas. Sempre ten moitas historias para regalar...

Comentarios (3) - Sección: As cousas de MIK - Humor - Curiosidades - Publicado o 24-11-2007 20:00
# Ligazón permanente a este artigo
OS QUE MÁIS LEN
A Federación de Gremios de Editores de España vén de facer públicos os resultados do Barómetro de Hábitos de Lectura y compra de Libros correspondente ao terceiro trimestre de 2007. Consolídase o grupo de nenas e nenos entre 10 e 13 anos como o sector da poboación que máis le: 9 de cada 10 nenas e nenos desta idade decláranse lectores; a maioría le por elección propia e porque lles gusta.

Un dato significativo é que o 94,5% dos nenos e nenas enquisados afirman que no seu colexio os profesores lles animan á lectura.

Outro dato importante: nos fogares destes lectores, o 73,4% dos pais len de forma cotiá e un 80,7% mercoulles ou regaloulles libros no último ano.

O mesmo estudio sinala que entre a poboación lectora maior de 14 anos (o 57%), o grupo de poboación que máis le son os mozos entre 14 e 24 anos, que o fan nun 70,2%

Non debe pasarse por alto outro dato deste barómetro, o que indica que só escolle o galego para as súas lecturas un 0,1% da poboación lectora. Por último, un vistazo á lista dos libros máis lidos en xeral, e entre os máis novos en particular, chama a unha reflexión á hora de preparar seleccións de lecturas e itinerarios lectores para o noso alumnado, co fin de mellorar a súa competencia literaria.

Lido en Bibliotecas Escolares de Galicia
Comentarios (2) - Sección: Biblioteca - Publicado o 22-11-2007 17:00
# Ligazón permanente a este artigo
ADIVIÑAS
¿Queres xogar ás adiviñas? Pon a traballar as túas neuronas e a ver se dás coa solución ás adiviñas que che propón Mik. Velaquí vai a primeira:

1. Igrexiña pequeniña,
sancristán rebulidor,
os santiños que están dentro
sonche da mesma color.


Pista: é unha parte do corpo

Podes enviar a túa resposta, razoada, nun comentario

Resposta:
A boca, a lingua e os dentes.

Comentarios (5) - Sección: Adiviñas - Ditos e Refráns - Publicado o 21-11-2007 22:53
# Ligazón permanente a este artigo
UN SUEÑO HECHO REALIDAD (conto)
Velaquí un fermoso conto escrito por unha nena de 5ºEP. Para poder lelo preme AQUÍ


Comentarios (11) - Sección: Club de escritores/as - Publicado o 21-11-2007 16:04
# Ligazón permanente a este artigo
MEDUSAS A RITMO DE VALS
No mundo mar...abilloso que estamos a descubrir existen unhas fermosísimas criaturas pero moi perigosas...




Para saber máis sobre as medusas preme AQUÍ
Comentarios (7) - Sección: Traballo interdisciplinar 07/08 - Publicado o 20-11-2007 00:44
# Ligazón permanente a este artigo
TRABALLOS
Os pasillos do cole están cheos de traballos feitos co motivo do outono e do magosto


Comentarios (4) - Sección: Outono - Publicado o 20-11-2007 00:44
# Ligazón permanente a este artigo
1 [2] [3] [4]
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats